احلم.. بس من غير ماتنام

[حالمة باميرى]

على أد لحافك مد رجليك
اللي يبص لفوق يتعب
احلم على قدك
دايما نسمع الأمثال دي في حياتنا ..
لكن حد مننا فكر فيها قبل كده؟؟
هل كل حاجه بنسمعها تبقى صح؟؟
هل كل حاجه اتعودنا على سماعها, لازم نصدقها؟
طيب.. عايزين نتكلم في الموضوع ده شوية وندردش مع بعض

إستراتيجية تحقيق الأهداف
عشان تحقق هدفك لازم يكون ليك حلم..
لازم الحلم ده بيكون هو الوقود اللي بيحركك وبيديك الدوافع انك ماتيأسش
ايه مواصفات الحلم ده؟
القاعدة المهمة هنا هي:
ماتحطش سقف لأحلامك
احلم براحتك.. خليك طموح..
خليك متطلع..
لو حلمك صغير هاتفضل صغير..
لو حلمك كبير ومؤمن بيه..
يبقى لازم هاتحققه وتكون كبير

كان فيه شاب معوق اسمه خالد حسان..
فقد ساقه اليسرى في حادث سيارة
في العاشرة من عمره..
الشاب ده كان حلمه إنه يعدي المانش
تخيل؟؟ شايف الحلم ده؟؟
سباحين عالميين حاولوا يعملوها
عشان عبور المانش مش سهل..
التيارات البحرية و درجة الحرارة و المسافة المرهقة اللي كانت عقبة أمام أي سباح محترف...
لكن خالد كان مؤمن بحلمه..
كان عارف إنه ممكن يعملها
أكيد سمع ناس بتقول له: انت بتحلم
أكيد ناس قالوا له:
أكيد مش هاتنجح
أكيد فيه ناس حاولوا يقنعوه بسخافة
حلمه و إنه استحالة يقدر يحققه
بسبب إعاقته..
لأن مفيش معوق قدر يعدي المانش
على مدى التاريخ
أقول لكم حاجة؟
خالد حسان هو أول معوق في العالم
استطاع يعبر المانش سنه 1982
و حقق حلمه وحلم مصر اللي
بنفخر بيه حتى الآن..
إيه رأيك؟

أحكي لكم قصة تانية؟
كان فيه ولد في مدرسة دسوق الإعدادية إسمه أحمد حسن..
كان مؤمن بحلم..
هو إنه يكون عالم كبير ويحقق اكتشافات
علمية تسجل عالميا باسمه
شايف الحلم ده كبير ازاي؟
الولد ده فضل مؤمن بحلمه
ومايئسش من الظروف
استطاع أحمد حسن زويل أن يحصل
على جائزة نوبل في الفيزياء
ويكون واحد من أعظم
العلماء في التاريخ
توماس إديسون كان بيحلم انه
يخترع حاجه تنور بالكهرباء
من غير وقود..
وعمل 999
تجربة فاشلة لحد ما الناس
سخروا منه و منحلمه..
دلوقتي اللمبة في كل بيت

بيل جيتس

كان حلمه ان الكمبيوتر
يكون في كل بيت..
الناس سخروا منه ومن حلمه ..
دلوقتي بقى فيه حاجه اسمها
الكمبيوتر الشخصي
زي اللي باكتب لكم عليه الموضوع ده..
شكرا على حلمك يا بيل جيتس

هي إيه الحكاية؟؟

عايز تقول إيه؟

الحكاية إن الباحثين درسوا سلوك
الناجحين في جميع المجالات..
اكتشفوا إن كل واحد فيهم كان
له حلم إيجابي كبير وكان مؤمن
بيه جدا لدرجة إنه مالتفتش
لكلام الناس إللي حاولوا يحبطوه
الحلم ده لازم يكون إيجابي وهدفه نبيل..
رسالة بيحملها الشخص
ده وبيحاول يحققها
لو استطاع أي شخص أن يحقق شيء ما..
ففي إمكانك أن تحققه..
كلمة لريتشارد باندلر
يبقى إياك تحط سقف لحلمك..
إياك تيأس..
خلي إيمانك بحلمك الإيجابي
هو القوة اللي بتخليك تتخطى أي عقبة
خلي إيمانك بحلمك قوي لدرجة إنك تقف وتتخطى أي صدمة..
لأنك مؤمن تماما إنك هاتوصل
لهدفك في النهاية
كل الناس لديهم من الخبرات
التي تؤهلهم لتحقيق تغيير
إيجابي في حياتهم..
كلمة لريتشارد باندلر
الأمثال اللي قلناها في أول
الرسالة اياك تعمل بيها..
لو كانت تنفع زمان يبقى
أكيد ماتنفعش في العصر اللي احنا فيه ده..
كل شيء ممكن طالما
عندك هدف نبيل وحلم عايز تحققه


خلي الأمثال اللي فوق كالتالي

على أد لحافك مد رجليك

حوله إلى: جيب لحاف على أد رجليك
والمثل الخاطئ اللي بيقول: اللي يبص لفوق يتعب
حوله إلى: إللي يبص لفوق..
هايوصل فوق
والجملة اللي بتقول:
احلم على قدك
خليها: ماتحطش سقف لأحلامك



الحلم الكبير هو اللي بيصنع نجاحك..
احلم براحتك وتخطى كل الظروف
ولازم تؤمن انك هاتحقق حلمك ده..
لو حلم إيجابي يبقى أكيد أكيد
هاتعرف تحققه..
مفيهاش كلام
بتحلم بإيه دلوقتي ؟؟؟

إبدأ حالا بالعمل على تحقيقه

[هاني ,,,]

والله ياملاك كلامك سليم 100٪

بس مش في الوقت الحاضر ( معلش خلينا واقعيين ) !!

في السابق ماكان فيه شي إسمه تكنولوجيا مطورة ،،

ماكان فيه شي إسمه أجهزة ذكية و و و و و إلخ !!

علشان كذا كان بيشتغلوا بعقولهم قبل إيديهم ،،

كان عندهم أهداف وأحلام .. لأن طموحهم بدون سقف .

وعلى فكرة اللي ذكرته في السابق هو نتيجة هذا الطموح !!

لكن الحين .. في وقتنا الحالي ( وبدون زعل ) رددي معايا /

بأحلم بيك أنا بأحلم بيك !!

(( مع إني أتمنى وأتمنى تكون فيه عقول عربية مسلمة ذات طموح بدون حدود أو " قيود " !! ))

تحياتي لك .. ولـ موضوعك النيّر

برافو ،،،

[محمود الصاروخ]

اسمح لي ابدي اعجابي بقلمك وتميزك واسلوبك الراقي وتالقك

[ابراهيم دياب]

ما اروع ان يحلم الانسان ويحقق حلمه

ويطمح فى ان يحقق هذا الحلم بالعمل والكفاح

لان الحلم دون عمل لا يتحقق

موضوع رائع بكل المقايس وقصص رائعة عن الكفاح لتحقيق الحلم

دمتى اختى الكريمة ملاك الروح بكل ود وابداع

وتقبلى حضورى

[حالمة باميرى]

["شيرين"]

كلمات رائعه

[sεηυσяιтα ησOση]

كلام جميل وموضوع حلو

تقبلـــــ مرورى

[حالمة باميرى]

[NOOR *]

موضوع جميل

[آلشآآآمخ..}]

ابداع في الطرح وروعة الانتقاء
وجهدا تشكر علية
دمت رائع الطرح وافر العطاء
مع خالص تحياتي وفائق تقديري
فدمت بكل تميز وابداع