حكاوى رمضان & & والسر الخطير

[العاشق الذى لم يتب]

بسم الله السلام عليكم ورحمة الله ازيكم ياحبايبى عاملين إيه يارب تكونو اكويسيين وكمان يارب مايكنش فيكم حد متنرفذ ومتضايق علشان أصلا اناعارف فيه ناس بينرفذها الصيام خالص وخاصة الرجالة اللى عاملين روحهم بتوع كيف ودخان وأسامى ماانزل الله بها من سلطان يفضل حضرته نايم لحدالعصر ويقوم شايل طاقم سته وأول حاجة يروح للمدام وبأعلى صوته يزعق ويقول: عاملين أيه انهرده على الفطار تقول مكسورة الجناح بس بينى وبينكم تستاهل كسر جناحها ونتف رشيها كمان طبخالك ياسبع البرمبة محشى باللحمة المفرومة يقول حضره : بس ترد وتقول وكمان عاملة مكرونة بالبشامل أصلا العيال بيحبوها وأنا كمان تقوم العفاريت ركباه ويقول وبتحبيها ليه انشاءالله هو المرحوم بابى كان مولفك عليها تتنرفذ المفعوصة وتحلف وتقول : والله مادام قلت كده فى يوم تاريخه ماانى قاعدالك فى البييت وهو كمان تاخده الحماسة مش عارف ولا قلة الاصل ويقول: طيب عليا بالتلاتة مارجلك تعتب برة البيت بخطوة لأكون كسرهالك هى يجيلها زعيم جبهة الشياطين ومؤسس حزب الخراب والطلاق المستعجل وراسها وألف سيف لتكون ماشية تشتغل البنيات والبكسات والشلاليت والصراخ والزعيق والولاد يصرخوا ويتعفرتو وصوت تكسير الحلل والمواعين يعلا واتفرقع كوبايات الشاى والمطبخ يحصله دوى انفجار تتلم الجيران والنايم يصحى وولاد الجيران يجو وينادى عصام على تمام وليلة تنده نسمه والكل شغال يزعق واللى شمتان واللى غايره منها الدنيا تبقى شخبطيطة على حورينى ياكيكة خرجت المدام وشعرها منكوش وحاجبها منفوش ولبسىة فردة شبب والتانية وقعت فى البير وجارة البت فى اييد والواد الصغير لفحاه على كتفها ولسانها بيضرب بالمليون كلمة فى بعض وجنبيها جارتهاحميدة اللى ماتخاف الله ويتوسوسها وتقول: لازم تروحى بيت أبوك واتسبيه ياكل فى بعضه لحد ماتربيه وهو محنش فيه صاحبه أبو عنين زايغه وهو ماسكه صاحبه أبو المعاطى وبرضوبينفخ فيه ويقول : ياراجل سيبك منها بس هى اتغور والله والله أنا هجيبلك ست ستها وطبعا صاحبه ده أصلا غيران منه ومستخصرمراته فيه وناوى نية هباب هى تطلق من صاحبه علشان يروح يلطشه ليه شوفتوا ياجماعة الخير أزاى عمل الصيام فى الناس اللى عاملين روحهم صايمين ورمضان منهم بريئ رمضان عمره ماكان كده أستنونى بكرة ان شاء الله وسرجديد أشوفكم بخير وتأعدوا بالعافية رفعت

[محمود الصاروخ]

تسلم إيدك
مجهود رائع
دوام النشاط

[العاشق الذى لم يتب]

اقتباس المشاركة الأصلية كتبت بواسطة مـح ـ الصاروخ ـمود تسلم إيدك مجهود رائع دوام النشاط

شاكرلك اخى محمود الحضورالراقى
وربى يعترك فى جنات
شرفتنى

مودتى

[ana lola]

موضوع مهم فعلا دا
الى بيحصل اليومين دول مبقاش شهر صيام
كل حاجة بتتعمل فية غلط او اسوء
متبعا مع حضرتك تسلم ايدك

[Îäm-ñøt ßèst ßût Âm-dîffèrèñt]

في اولا ازيك يا ابو نسب

ثانيا بقا موضوع جميل جدا تسلم علي المجهود

ثالثا ودي الاهم

اوع تكون بتعمل كده في البيت والله اجي اخودها واوديها عند اهله وانتتا عارف بقا بتوع المنزله واخليك لوحدك في البيت هههههههههه

[ارهابية وامى عرفة]

ههههههههههههههههههههههههه

الله يعافيك

ينهار ابيض فى ناس كدة فى رمضان وفيها اية لو هى حبت حاجة

انا لو مكنها كنت هقلو فى دهية انت انا بحبها مش مهم انت بقى

عاوز تاكل حاجة انت بتحبها عندك الست مامتك روح كل عندها واتشرط برحتك

ههههههههههههههههههههه

بجد حلقة حلوة مستنية على نار الحلقة الى جيا

تقبل مرورى

[على محمد محمود]

ههههههههههههههههههه
الله عليك والله
انت فعلا تالقت فى وصفك وكلامك
لان ده هو اللى بيحصل فعلا
محدش طايق نفسه
وبيقومه من النوم بعد المغرب مش العصر
تسلم والله
وتقبل الله منك رمضان
وكل عام وانت بخير

[♥SaRa]

ـههههههههههههههههههههههههههههههههه
يا نهار يا رفعت كل دة بيحصل في بيت الازواج
دة علي كدة الوآحد مرتاح
وربنا يكفينا شر البلاوي ^^
ومتابعة معاك
وربنا يتقبل صيامنا بئة
متابعة معاك

[عاشقه الورد]

موضوع جميل
تسلم
متابعه
دمت بود

[ملاك ودمعتى هلاك]

موضوع جمييل
تسلم الايادى