نداء لكل اخت مسلمةساعدوني ارجوكم

السلام عليكم ورحمة الله وبركاتة
انا محتاجة مساعدتكم ارجوكم
انا بتابع منتداكم دايما
وانا بنت عندي17 سنة انا والدي متوفي وكان مطلق والدتي ووالدتي اتجوزت من راجل تاني
وانا مع بيت جدتي
واعرف كل شارعنا معرفة كوييسة
وفي يوم كنت من برنامج انا باخدة في الاجازة الصيفية عن مساعدت الناس في الرسالة
ووانا راجعة طبعا كنت ماشية في الشارع فوأنا ماشية لقيت قطعة غسيل واقعة من العمارة الي في وشنا وكانت واقعة من بلكونة واحدة اسمها هناءفا بعدين قولت اطلع اديها ليها
وفعلا كنت طالعة ليها وهناء دي عندها ولدين و انا قولت اساعدها لاني لما بحتاج حاجة منها بقول ليها وهي نفس الكلام
وبعدين طلعت فا ابنها هو الي فتح عادي دايما بيعملها لما بروح ليهم
فاول لما فتح قولت لية اتفضل اللبس دة كان واقع من بلكونتكوا
راح رد عليا وقالي ماشي شكرا
ويا دوب جيت اتلف علشان انزل السلم
لقيتة فتح الباب وقالي ان طنط هناء عيزاني
فا قولت لية حاضر دخلت واول ما رحت اتوجهت لأوضتها الي انا عارفة انها دائما بتعد فيها
فاملقتهاش وبعدين راح هو قالي اذيك عاملة اية؟
قولت لية امال فين طنط هناء
راح قال طنط هناء مش هنا طنط هناء في البلد عندنا حالة وفاة هناك
وبعدين اانا قولت لية طب عن ازنك مينفعش نعد لوحدنا وانت كدة كدبت عليا
راح قالي مانتي منورة اهو وبدأ يقرب ليا
حسيت بريبة في الموضوع وبعدين فهمت غرضة
وقفز عليا زي الذئب المفترس ليغذي شهواتة وانا اصرخ واصرخ بأعلي ما عندي
حتي بح صوتي من الصراخ
وبعدين اغم عليا ومأدركتش غير اني لما صحيت لقيت نفسي اغرق في شرفي الملطخ بالدماء
وانا داخل الشقة
وبعد كدة اخوة التاني فؤجئت ان الباب اتففتح وهو داخل واخوة دة معروف انوا تقي وعارف ربنا
واول لما شافني انا واخوة راح ضرب اخوة بالقلم
وراح شتموا وراح جرني برة الشقة وانا في حالة مزرية وشتمني وقالي انتوا بتبيعوا نفسكوا يا رخاص
وكل دة كان فاكر اني انا عملت كدة بمزاجي
وبكدة عدت الحكاية دي بقي ليها 5 اشهر
وانا بتألم من الي حصل ليا
وبعد كدة انا كتمت الموضوع دة لاني خايفة اقول لحد لان جوز امي لو عرف هو او امي ممكن يقتلوني وجدتي راحدة مسنة ممكن مش تستحمل الصدمة لحفدتها الوحيدة
وبعد 5 اشهر حاليا لقيت ان بطني بتوجعني واعراض غريبة ظهرت عليا
واستأذنت جدتي ورحت انا وصحبتي للدكتور وهناك عرفت اني حامل وساعتها انا مش عارفة اعمل اية ؟؟؟؟؟؟؟؟؟؟
ارجوكم ساعدوني؟
ارجم والله انا عارفة ربنا وبصلي وبعمل كل حاجة بس محتاااااااااااجة مساعدتكم انا بترجاكم لا تتجاهلوني وساعدوني
تخيلوا نفسكوا مكاني او مكن اختكم ارجووووووووووووووووكم

[اميرة الحب الضائع]

لا الله الا الله

والهى يا بنتى مش عرفة اقلك اية

انا مش ادرة اتصور الموقف الى انتى فية ربنا معاكى بجد

انا بتهيئلى انك لازم تقولى لممتك لانو مينفعش تخبى لانو كدا كدا الموضوع هيتعرف

او ممكن تحكى لحد بتثقى فية وهو يتفاهم مع ممتك

لان لازم الحيوان دة يتعاقب مش انتى

بجد ربنا معاكى وانا هدعيلك ان ربنا يزيح ذالك الهم عنكى ويكون بجوارك

تحياتى

[۩۩ elMagic ۩۩]

انتى فى موقف صعب لا يحسد عليه
ومكنش المفروض تستني كل الفتره دى وتقعدي ساكته كده !
وكماان سنك صغيير
بس واضح إن الواد دا مش أول مره
يكون حاطط عينه عليكي
بدليل إنك قولتي إنه عادةً اللى بيفتحلك الباب لما بتروحي لأمه هناء
كنتى إديتيله اللبس اللى وقع دا ومشيتي علطول
انا عارف إن ملوش لازمه الكلام دا من بعد اللى حصل
بس انتى لازم تكونى واثقه إن ملكيش ذنب فى اللى حصل دا
دى حاجه غصب عنكـ وخلى إيمانك بربنا كبيير
وتقريبا هنااء دى بتعزكـ لانكـ بتساعديها وهى بتساعدكـ زى ما قولتي
فا لازم تكلميها بخصوص الموضوع دااا وتعرفيها الحكايه وانك حامل من إبنه
وكمااان أخو الواد المتدين حاولي تفهميه إنك مش غلطاانه
أعتقد دوول اللى فى إيدهم يصلحوا الموضوع ويخلوا الواد غصب عنه
يتقدملك رسمي من والدتك وهناا المشكله هتتحل من غير ما حد تانى يعرف
ولو مفيش فايده هتبقي مضطره إنك تقولي لوالدتكـ بهدوء
وهى تتصرف مع هناء أم الواد
ومش عايز أقولك تنزلى اللى فى بطنك لو مكنش فيه أمل خالص
لان حرام تموتي نفس برئيه وربنا مدينا عقل نفكر بيه
فا خلى توكالك على الله واللى ربنا عايزه هيكون
ربنا يوفقكـ ويستر عرضكـ ..

[ŌиĹч.Ḿё]

شوفى على اقرب قسم وتروحى وهما هيتصرفو معاكى
هيعملو تحاليل وطبعا هتثبت انه هو الفاعل ساعتهاا
هيكتب كتابه عليكى اجبارى فى القسم وبكدا وضحتى للناس
انه ضحية لواحد كلب زى دا
بس متتاخريش عشان هيكون مش فى صالحك
وربنا معاكى يابنتى

[مِسكُ الشَهادة]

لا حول ولا قوة إلا بالله
بصي يا أختي
أنت هنا ضحية في هذا الأمر
لن أقدم لك ِ نصائح لأن ما جرى قد جرى
لذا لنتحدث بعقلانية فيما بعد !
أولا ً الخطأ الفادح الذي وقعت ِ به هو أنك ِ إلتزمت الصمت
كل هذة المدة ..فأنت فتاة مسلمة عظيمة عند الله
لذا لا بد لك أن تخبري والدتك بهذا الشأن
لتكون لك دافع وحافز للتخلص من هذا الأمر
ولا تحزني ولا تشعري بالضعف رغم ما جرى
لأن الله معك ِ ولذا لن يتخلى عنك
بل سينصفك من حيث لا تدرين
لذا فالحل الأمثل لك ِ :_
1_ أن تتولد لديك العزيمة وأن يكون لديك
قوة صبر وإيمان وعدم يأس وخوف
لأنه عليك ِ أن تكوني على يقين تام
أنك ضحية ومظلومة لذا قبل أي شيء لا
بد أن تنتصري ع نفسك وأن تدعميها
بالإيمان وإستحضار أن الله معك دوما ً
2_ عندما تحققين هذا الأمر سيكون لديك
الدافع القوي لمواجهة الأمر بقوة
ومن ينتصر ع نفسه من السهل عليه
أن ينتصر ع خوفه وان يواجه مشكلته
دون تردد مع المقربين لديه لكي يتفهموا
أن الأمر جلل وأنك عبارة عن ضحية
لذا سيكون الموقف مغاير تماما ً
وستزدادين قوة وموقفك سيتغير
3_ عندما تُخبري المقربين ستمتلكين
موقفا ً صلبا ً وسيصبح الأمر خاص بشكل عام
يعني لا يعنيك وحدك ولا يتوقف على شخصك فحسب
رغم انك الضحية الاساسية الا ان الدعم النفسي
ومساندة الاخرين لاي فتاة في مثل هذة القضايا
هي أكبر حافز لإسترداد الحق
4_ هذا اللانسان الذي إقترف جريمته يظن في الغالب
أن الفتاة ستشعر بالخجل والخوف أن تخبر أحد بالأمر
وهذا يحصل فعلا ً مع كثير من الحالات لذا سيقول في نفسه
ستخاف من ( الفضيحة كما يظن ) ولن تخبر أحد وسيرقد بسلام
فالنتيجة الخالصة التي نخرج بها :_
دعم نفسي ويقين تام أن الله معك وأنك مظلومة هذا يؤدي إلى
طمأنينة وشجاعة من ثم يؤدي لإشعار المقربين بالأمر ثم
يتحول الأمر لقوة بوقوفهم الى جانبك وبشعورك براحة نفسية قوية
بل ستطالبين بحقك بقوة ... وبعد أن تتوفرهذة العناصر يبقى الجزء الأهم
وهو مواجهة المجرم بشكل موحد وموقف جماعي وفق القانون
الذي يكفل للفتاة حقوقها وهذا سيؤدي في نهاية المطاف بإسترداد
حقها بأي طريقة كانت ... المهم على الفتاة أن تتجنب قصة الخوف
أو التردد في مواجهة الواقع والله المستعان
حفظك الله أختي الكريمة وكان بعونك دوما ً

[M.B]

بصي انا مش هقول حاجه ولا اعلق ع اي حاجه من الي حصلت انا انصحك تفهمي مامتوا هناء بما انها بتعزك والمتدين اخوه تفهميه معملوش حاجه علي مامتك وده الحل الوحيد ولو مش لاقيه امل في ده ولا ده يبقي وده حل مش حابه خالص تنزلي الي في بطنك

تحياتي

[خارج عن القانون]

موقف فظيع وغير عادى

ودعينا لا نبكى على اللبن المسكوب


الحل

البداية لازما تكونى واثقه فى نفسك
وواثقه انك مالكيش ذنب فى اللى حصل
وبعديها تقولى لامك فى سرية تامة بعيد حتى عن جوزها
وامك تاخدك وتروحى لام الولد ده وتحكولها على كل اللى حصل


بعد كده هيبقا فيه اكتر من سيناريو

1- الست هتصدق كلامك والواد هيعترف باللى حصل ومستعد للجواز
ولازما تتجوزو قدام كل الناس وفى اسرع وقت وتشوفو شقه فى مكان بعيد وتقعدو هناك سنتين
وبعديها ترجعو للمكان اللى انتو فيه ومعكو الطفل والحياه تبقا تمام
وبعديها بقا تقررو ان كنتو تكملو او لا


2- الست مش هتصدق والواد هينكر اللى حصل
ساعتها هدديه باللى ممكن يحصل وهترفعى قضيه اغتصاب
وهتطلبى اثبات الواد باسمه عن طريق ال دى ان ايه
وساعتها هيعترف باللى حصل وتتجوز بنفس السيناريو رقم 1


3- الست مش هتصدق والواد هينكر اللى حصل
وحتى بعد ما هددتيه مرضخش للكلام
روحى لجوز امك قوليله على كل حاجه ةساعتها هيروح هو يهدده
ويا ما هيرضخ ويجوز يا اما ترفعى عليه قضيه فعلا


وفيه سيناريو اخير بس معرفش ايه حكمه الشرعى والطبى
خاصه مع سنك وعدد شهور الحمل
وهو اسقاط الجنين وعمل عملية ترقيع وكان شيئا لم يكن
والضرورات تبيح المحظورات

[عاشق متيم]

بصى يا اختى العزيزة ؛ قصتك اللى انتى روتيها فيها حلقات مفقودة كتير ؛ ولو انا فكرت بعقلى مش هصدق الحكايه دى لعدة اسباب . ومعقوله تقعدى 5 اشهر ومتعرفيش انك حامل ؛ اعراض الحمل كامله بتظهر بعد شهر ؛ ياما فى حاجة فى روايتك مش صح ؛ ياما انتى مش عرفتى تحكى كويس ؛ انا هصدق روايتك ؛ وهقول لكى الحل ؛ اولا بالتسبه لاخونا خارج عن القانون ؛ عمليه الاجهاض وتنزيل البيبى لا تجوز شرعا ؛ ودار الافتاء اجازت الاجهاض فى حالات الاغتصاب التى يكون فيها الاب مجهول الهويه وهنا الاب معروف اما عملية الترقيع لا يقبلها شرع او دين ؛ فاقتراحك ده مخالف للشرع والدين . مشكلتك دى مش لها غير حل واحد ؛ انك تقفى مع نفسك واقف حاسمة وتبقى شجاعة وتاخدى قرار المواجهة واعرفى انك فى موقف قوة مش ضعف لانك بجميع الطرق هتقدرى تثبتى ان اللى فى بطنك ابنه .اول خطوة تقولى لما بس بطريقة هاديه ؛ ثانيا تقولى لام الواد والواد ذات نفسه وتعطيهم مهله قصيرة ؛ الواد واهله رفضوا ! روحى اعملى محضر فى القسم وارفعى قضيه ولو جبتى محامى بنكله هتكسبى القضيه وقضيتك مضمونه 100 % ؛ غير كده انتى ممكن تلجأى لجمعيه الرساله اللى انتى قلتى انك بتاخدى فيها برنامج وهما هيساعدوكى ؛ اما لو خفتى من الفضيحة ؟ هتتحملى لوحدك نتيجة خوفك . اعرفى ان فى واحدة من كام سنه واحد مسك صدرها وهى ماشيه فى الشارع وعملت له محضر ورفعت قضيه وكسبتها والجانى تقريبا خد 3 سنين ؛ قضيتك مضمونه . مش تخافى ولا تخجلى انتى فى موقف قوة الان والجانى اللى عمل معاكى كده ! مرعوب ومخايف

[طمطم]

والله م عارفة ارد عليكى اقولك ايه !5 شهور وانتى ساكتة,, حاجة زى دى ميتسكتش عليها
اهلك لازم يعرفوا علشان يتصرفوا مع الحيوان ده ..
وكان لازم تعملى محضر بالحادثة .. سكوت اكتر من كده مينفعش !
وربنا معاكى ..,

[нαиαи]

لا حول ولا قوه إلا بالله
حسبي الله ونعم الوكيل
اول شي احكي لأمه و اخوه الصدق ممكن فيهم حد يساعدك
ولو مفيش فايده روحي لأقرب قسم شرطه عندك
الله ينتقم منه الحقير