تجهيزات ليلة العمر (( تابع الحمله ))

[βỊиŢ ξŁMĄŊŞΘЦЯĄ]

ليلة العمر والتجهيزات لكل من العروسين والفرح نفسه 1- العروسة فى حاجات لازم تهتم بيها زى : 1- الاسنان ثم الاسنان ثم الاسنان لازم تبقى ابتسامتك ابتسامة ساحرة تجذب كل الحاضرين ولازم تضحكى كتيير متكشريييش عشان الاسنان تبقى بيضاء استعملى (كرست) جيبى واحد هتقولى اجيب واحد كامل عشان ليلة واحدة ارد عليها هو انتى هتهتمى بنفسك فى الفرح بس جيبى واحد حبيبتى واغسلى بيه اسنانك 3-2 مرات يومياً هتلاحظى الفرق فى يومين . 2- المكياج حاولى على قد ما تقدرى تقليل المكياج بحيث انه يبين ملامحك ويكون باين برضوا احمر الشفاة لو انتى فاتحة استخدمى احمر لو داكنة شوية احمر برضوا بيبقى جمييل 3- فستان الفرح ابيض او حاولى تختارى لون يتماشى مع الموضة وحاولى انه ميبقاش فاقع اوى يريح الاعصاب و ميزغللش العيون وياريت يكون مليان بالخرز والكريستال والوروود 4- الشعر لازم تروحى عند كوافيرة شاطرة متستخصريش حاجة فى نفسك خليها تعملك احسن حاجة عندها 5-المجوهرات و االاكسسورات حطى بس بأعتدال . 6-خلى الطرحة طويلة وكعب عالى بس تعرفى تمشى بيه امشى بثقة . 7-الحذاء اختاريه متناسب مع الفستان. 8-انا عارفة ان البنات كلها بتتكسف بس متخليش التوتر يبان عليكى فى الكوشة . 9- البديكير والمانيكير من الحاجات المهمة برضوا ونعومة الساق واليد والبشرة . 10-لو عندك عدسات لاصقة (لانسس) ضعيها. 11- انصحكى بالنوم الكافى للتخلص من الهالات السوداء او استخدام كريم خاص للهالات السوداء خلصلنا من العروسة والف مبرووووك 2- العريس وحاجات لازم يهتم بيها زى: 1- حلاقة اللحية ليبدوا مظهرك متألقاً. 2- بدلة شيك علشان شكلك . 3- روح عند كوافير كويس يعملك شعرك . 4- حذاء جميل يجذب الناس . 5- امسك نفسك شوية لأن اصحاب مراتك اكيد مزز ههههه بهزر اكيد العروسة ست المزز. 6- ضع العطور الفرنسية لأنها اجود انواع العطور ولا تنسى ساعة اليد . 7- لو انت من المدخنين حاول الابتعاد قبل العرس لتبدوا اكثر صحة وتعيد لك الصحة بعد العرس . 8- لو انت نظرك ضعيف وتضع نظارة ارجوك لا تضعها ليلة العمر لتبدوا وسيماً . 9- انصحك بالنوم الكافى . 10- تجنب رفع البنطال (البنطلون ) اختار واحد مقاسك احسن . خلصنا من العريس والعروسة الف مبرووووك فاضل تجهيزات الفرح . 1- ميزانية الزفاف ورقة وقلم واحسبيهم قرش قرش علشان متتفأجيش ليلة الزفاف . 2- اختيار القاعة ده اختيار صعب عليكى اختيار قاعة افراح مناسبة . 3- كتابة الدعوات لازم تختارى تصميم حلو يناسب كل الاذواق . 4- اختيار فقرات الحفل و وقت ابتدائها ووقت انتهائها . 5- تنوع فقرات الحفل . 6- اختيار اغانى متوازنة شوية يعنى مش تشغلى اغانى شعبى ( بس ده ميمنعش ان الاغاني الشعبي بتعمل جو فرفشه بردو ) 7- توفير الاجهزة المطلوبة . 8- توفير كميرات مراقبة وكميرات تصوير عادية . 9- البوفيه لازم يكون شامل وكامل . 10- عشان تكسبى ثواب لو اتبقى اكل من البوفيه اتبرعى بيه بدل ما ترميه . 11- السيارة التى تحمل العروسين لابد ان تحتوى على باقات زهور جمييلة . فى تجهيزات اكتر بكتيير بس دى التجهيزات الرئيسية . الف مبرووووك للعروسين تحيــــــــــ تـــي ـــــــــا

[Sh2wA]

توبيك جميل يا بنت المنصورة
بس التنسيق عاوز يتظبط شوية
اظبطهولك انا لو حابة

[βỊиŢ ξŁMĄŊŞΘЦЯĄ]

^^ اوك موافقه
وتسلمي لمرورك ^^

[Sh2wA]

اوكى حبيبتى بكرة
انشاء الله هظبطلك التوبيك اوكى

[M.B]

نايس بقي

تسلمي ع التوبيك

[سارة بنت مصر]

توبيك فى منتهى الاهميه لكل فتاه وشاب مقبلين على حياه جديده

تسلمى ياقمر على الطرح الراقى

[Aya 7ekaya]

توبيك شامل ومفيد جدا ي قمر
تسلم ايدك وبالتوفيق لِيكِ

[βỊиŢ ξŁMĄŊŞΘЦЯĄ]

تسلموووو ع المرور
نورتوا

[jasmean]

5- امسك نفسك شوية لأن اصحاب مراتك اكيد مزز ههههه بهزر اكيد العروسة ست المزز.

هههههههههههه
من اولها كده هههههه
حلوه النصائح دي ودي اهم نصيحه ههههه
تسلامي علي التوبيك

[βỊиŢ ξŁMĄŊŞΘЦЯĄ]

ههههههه تسلمي ياعسل لمرورك
نورتي