ركن المهيسيين تانى @ ضحك للصبح @

[I.Am.Legend]

عدد رابع لركن المهيسيين واللى بيعتمد على انى بجيب مواقف لـ اصحابة حصلت بالظبط

نبدأ

وانا فى ثانوى كنت ماشى انا وواحد صحبى ولقينا بنت بس بسم الله ماشاء الله كانت جميلة اوى

هو قعد طول الطريق يعاكس فيها

وبعدين لما قربنا على المدرسة لقيناها دخلت مدرستنا

وبعدين واحنا فى الفصل لقيناها داخلة وبتقولنا انا ابلة الموسيقى الجديدة

وطبعا انا وهو كنا تحت الدكك وقتها

المهم اول ماروحت اختى فتحتلى وبتقولى متعملش دوشة علشان معايا واحدة صحبتى

قلتلها امين

شوية سمعت كلام بينهم بتقولها كان فى اتنين ماشيين ورايا طول الطريق بيعاكسونى وانا رايحة استلم الشغل

المهم الصوت مكنش غريب عليا

واول ما باب الاوضة اتفتح عنيك ماتشوف الا النور لقيتها منورة فى وشى


ـــــــــــــــــــــــــــــــــــــــــــــــ

فى مرة بتصل بواحد صحبى وطبعا معروف ان بين الاصحاب الالفاظ السافلة شئ عادى
فأتصلت بية فى البيت فرد عليا بقولة مبتردش لية من بدرى يابن الحيو**
فلاقيتة بيوقى انت مين
قولتلة انا محمود يبنى
فقالى ازيك يامحمود استنى هناديلك ايمن
قولتلة امال انت مين
قالى انا الحيوا*
طلع ابوة اللى كان بيرد مش هو
طبعا قفلت السكة وعملت نفسى هندى
ــــــــــــــــــــــــــــــــــــــــــــــــ

بمناسبة المعاكسات كنا فى السندباد انا و3 صحابى واحنا فى تلتة اعدادى وكانو ماشاء الله طول بعرض كدة حاجة تفرح وانا الوحيد القلة اللى فيهم كنا واقفين بنتفرج عالناس اللى بتهبل فى العربيات وكان قدامنا جوز مزز عذااااااااااب
وانا طبعا واقف مش على بعضى بين صحابى والبنات ومش باين بينهم وقمت عملت حركة مش ظريفة فى وحدة منهم لقيتها بتبص وراها ودييييييييب على وش صحبى
وانا نمت عالارض من الضحك
وهو يقولها والله معملت حاجة
ولغاية دلوقت ميعرفش ضربتو ليه

ــــــــــــــــــــــــــــــــــــــــــــــــــ

مره كنت فى موسكو و دخلت حاجه كده زى المولات التجاريه هنا فى مصر
و علشان درجات الحراره المنخفضه جدا هناك ... الاماكن التجاريه بتبقى مكيفه ... وانا داخل انا واصحابى قلعت الجاكت و اديته لحد من اصحابى .... المهم داخل المول ده كلنا اتفرقنا كل واحد راح ناحيه يشترى حاجات و اتفقنا اننا نتقابل عند باب الخروج فى وقت معين ... استنيتهم محدش جه ... قعدت منتظر نصف ساعه محدش جه .. لفيت شويه ابص عليهم مشفتش حد ... قمت خرجت من المول ... حسيت ببرد فظيع افتكرت الجاكت اللي مع صاحبى بس مينفعش اشتري جاكت لانى صرفت الفلوس كلها اللى معايا فى الاكل ... خرجت من المول وقاعد على محطة الاتوبيس هموت من البرد و ايدي نملت مش حاسس بيها ... و لكن ربنا سترها ولقيت واحد ست كبيره كانت قاعده جنبى حاسه بيا كان معاه جاكت فرو حريمي فى شانطه معاها راحت مديهولى ... رحت خدته لبسته بس كنت حاسس ان موسكو كلها بتبص عليا و كنت محرج جدا ... بس مكنش ينفع اعمل حاجه .. كنت هموت من البرد يا اخوانا

ـــــــــــــــــــــــــــــــــــــــــــ

كنا بنصلى الجمعة و ابنى جنبيا( 4 سنين ) .... و نزلنا نركع بس هوة فضل فوق ...فرحت زغتة بايدى فى ركبتة .... فما ردش ..... فزغتة جامد ... فقالى : اوكى اوكى بابى ... الله اكبريابابي

ـــــــــــــــــــــــــــــــــــــــــــــــ

مره واحد صاحبى كان اهله لسه معزلين من البيت والبيت القديم بتاعهم فاضى
فصاحبى ده جابنا كلنا نذاكر عنده صحابى دول دايما يهزروا معايا ويعيبوا انى من المرج ويعيبوا على المنطقه بتاعتى ومكنتش بعرف ارد عليهم خالص ولو رديت رد بيمسكوه عليا ويعيبوا اكتر وكنا داخلين على امتحانات المهم فى يوم كده كنا بنتفرج على التلفزيون وواحد بيحضر الاكل فى المطبخ وكان شغال برنامج البيت بيتك وكانوا مستضيفين دكتور حمدى السيد نقيب الاطباء وبيحتفلوا بيوم البيئه العالمى ودكتور حمدى بيتكلم صحابى قعدوا يتكلموا عليه كويس ويقولوا ده راجل كويس وعنده فكر ومش عارف ايه المهم افتكرت ان دكتور حمدى السيد من المرج وبيرشح نفسه كل انتخابات تبع الدايره بتاعتنا فقمت قايلهم انتوا عارفين دكتور حمدى السيد ده منين ده من المرج عندنا وبقيت مبسوط اوى وااقولهم المرج ياما طلعت علماء كبار ماسكين اعلى المناصب وامدح فى المرج وطبعا مكنش حد فيهم عارف يرد ومره واحده لقيت دكتور حمدى السيد بيقول للمذيعه حضرتك انا جاى من منطقه متواضعه جدا جدا وتقريبا منطقه وباء ولاتصلح المعيشه فيها على الاطلاق لكن الدوله بتبذل اكبر مجهود ................. وصحابى كلهم قعدوا يضحكوا وماسكينها عليا لحد النهارده

ــــــــــــــــــــــــــــــــــــــــــــــ


انتظروا عدد جديد قادم

[nooody]

ههههههههههه

تسلم ايدك على المواقف الطريفه دى

فى انتظار جديدك

[lolla]

هههههههههههههههه

شكرااا ليك على العدد الجامد دا

وجامد اوى الموقف بتاع الحيوا*


وفى انتظااااار جديدك

[I.Am.Legend]

اقتباس المشاركة الأصلية كتبت بواسطة nooody ههههههههههه تسلم ايدك على المواقف الطريفه دى فى انتظار جديدك

شكرا لمرورك

[I.Am.Legend]

اقتباس المشاركة الأصلية كتبت بواسطة lolla هههههههههههههههه شكرااا ليك على العدد الجامد دا وجامد اوى الموقف بتاع الحيوا* وفى انتظااااار جديدك

الموقف دة حصل معايا انا
وكنت فى ربع هدومى
ههههههههههههه

[سندريلا]

فى مرة بتصل بواحد صحبى وطبعا معروف ان بين الاصحاب الالفاظ السافلة شئ عادى
فأتصلت بية فى البيت فرد عليا بقولة مبتردش لية من بدرى يابن الحيو**
فلاقيتة بيوقى انت مين
قولتلة انا محمود يبنى
فقالى ازيك يامحمود استنى هناديلك ايمن
قولتلة امال انت مين
قالى انا الحيوا*
طلع ابوة اللى كان بيرد مش هو
طبعا قفلت السكة وعملت نفسى هندى



هههههههههههههههههههههههههههههههههههههههههههههههههه



مره واحد صاحبى كان اهله لسه معزلين من البيت والبيت القديم بتاعهم فاضى
فصاحبى ده جابنا كلنا نذاكر عنده صحابى دول دايما يهزروا معايا ويعيبوا انى من المرج ويعيبوا على المنطقه بتاعتى ومكنتش بعرف ارد عليهم خالص ولو رديت رد بيمسكوه عليا ويعيبوا اكتر وكنا داخلين على امتحانات المهم فى يوم كده كنا بنتفرج على التلفزيون وواحد بيحضر الاكل فى المطبخ وكان شغال برنامج البيت بيتك وكانوا مستضيفين دكتور حمدى السيد نقيب الاطباء وبيحتفلوا بيوم البيئه العالمى ودكتور حمدى بيتكلم صحابى قعدوا يتكلموا عليه كويس ويقولوا ده راجل كويس وعنده فكر ومش عارف ايه المهم افتكرت ان دكتور حمدى السيد من المرج وبيرشح نفسه كل انتخابات تبع الدايره بتاعتنا فقمت قايلهم انتوا عارفين دكتور حمدى السيد ده منين ده من المرج عندنا وبقيت مبسوط اوى وااقولهم المرج ياما طلعت علماء كبار ماسكين اعلى المناصب وامدح فى المرج وطبعا مكنش حد فيهم عارف يرد ومره واحده لقيت دكتور حمدى السيد بيقول للمذيعه حضرتك انا جاى من منطقه متواضعه جدا جدا وتقريبا منطقه وباء ولاتصلح المعيشه فيها على الاطلاق لكن الدوله بتبذل اكبر مجهود ................. وصحابى كلهم قعدوا يضحكوا وماسكينها عليا لحد النهارده



ايه دة
دي جامدة موووووووووووت بجد

ميرسي ليك يا برنجو

[DO3AA]

هههههههههههههههههههههههههههههههههههه

الاتنين اللى قلتيهم يا سندريلا جامدين جدا

ايه المواقف دى

هههههههههههههههههههههههه

فى انتظار جديدك

بارك الله فيك

وجزاك الله خيرا

[M!Ss SoLy]

ههههههههههههههههههههههههههههههههههههههههههههههههه

منطقة وبا هههههههههههههههههههههههه

بجد تحفة والله نايس توبيكات منك