حلقة جديدة من رايك في....؟ ومعانا عاشقة ذكر الله

[حلم عمري]

رايك في ....؟

اهلا بيكم وحلقة جديدة وبرنامج رايك في ....؟
ورجعنا من جديد في شهر رمضان الكريم
كل عام وانتم بخير ويارب يكون شهر مبارك علينا جميعا

معانا انهاردة عضوة عزيزة علي قلبي انا شخصيا
واكيد عزيزة علي قلب المنتدي كله
معانا اختي الكبيرة الهادية الطيوووبة جدااا
عاشقة ذكر الله

ربنا يخليكى ي حبيبتى و انتى كمان أختى الصغيره

اهلا بيكي ايوش سعيدة جدااا انك معايا
الف مبرووووك يا حبيبتي النجاح وربنا يوفقك في حياتك ياااارب

الله يبارك فيكى عقبالك بئه بنجاح أكبر ان شاء الله

نبدا الاسئلة

1- رايك في ثورة 30 يونيو ؟
احم احم مكنتش أعرف ان فيه سياسه معتزله السياسه بقالى فتره بس هجاوبه بئه :
امممم مش هقولك شايفاها ثوره بمعناها الصحيح لأنى اللى كنت شايفاه وش بدون ملامح
و حسيت بكدا أكتر لما شفت الرئيس الحبيب و الوزاره الموقره :d
زائد انى شايفاها تعدى على حق الديموقراطيه
و تقريبا كل حاجه بانت على حقيقتها اليومين دول و مش عارفه حاسه ان اللى قامو بالثورة دى نفسهم بقو متلخبطين و مش فاهمين حاجه ... تقريبا فى المنتدى يمكن اتعرفت بأنى بدافع من الاخوان و إنى من الإخوان بس عادى جداً مبقاش عندى مشكله اللى يقول حاجه يقولها
و إن شاء الله أول ماأدخل فى أى حزب هبقى أعرفكم

2- رايك في عزل مرسي ؟
مش موافقه طبعا للى حصل مش هقول ان دكتور مرسى مغلطش لأ طبعا هو كان فيه أخطاء و حدش يقدر ينكر كدا بس محبتش اللى حصل دا شايفاها غلط طبعا بكل المقاييس و ان شاء الله فيه ناس مش هتحس بكدا الا لما تشوف اللى جاى :
و ربنا يسترها على البلد و يكون كل حاجه فيها الخير

ربنا يعديها علي خير

3- رايك في التعليم في مصر ؟
احم احم دا فى منطقتى دا تعليم مش كويس أبدا
الحفظ هو الأساسا فى كل حاجه للأسف مفيش فهم فى أى حاجه

اه والله وهي دي المشكلة فعلا

4- رايك في امتحانات الثانوية السنة دي ؟
كويسه الحمد لله العربى كان فيه تكات كتيره شويا
و الفيزيا لأ كانت كويسه الحمد لله
أما الأحياء فمش عايزة أتكلم يمكن هى كانت كويسه بس أنا أول مامسكت الورقه
و أنا عايزة أقوم و أأجل الامتحان بس كملته و خلاص و الحمد لله خير اللى حصل
علم النفس كان كويس و كنت حاسه انى معنديش أخطاء كتير بس لقيتنى ناقصه فيه كتير عرفت بعد كدا ان كل كلمه فى الامتحان عليه درجه مش زى كل سنه يعنى بس خير الحمد لله مقتنعه ان دا نصيبى
الانجليزى لا كان تمام الحمد لله و يمكن الماده الوحيده فى تالته اللى قفلتها الحمد لله
عايزة تفاصيل أكتر من كدا :

5- رايك في المرحلة الثانوية بشكل عام ؟
مش حلوة تماما تعب أعصاب و اكتئاب فعلا
اللى كان كويس فيها انى كنت باخد دروس و كنت بقابل فيها صحابى يمكن دى الحاجه الوحيده اللى هفتقدها فى الجامعه

6- رايك في المسلسلات التركية ؟
امممم مبالغ فيها بطريقه كبيره جدا
رومانسيه بالنسبه ليا مش مقبوله تحسى انهم مكبرين الدور أوووى
مش هقول انى مبتفرجش لأ فعلا بتفرج بس فعلا المسلسل اللى تابعته بجد
كان مسلسل بالنسبه لى زودلى كتير فى كل حاجه عرفلى وجوه للحياه الاجتماعيه
كان اسمه ( على مر الزمان ) بيعجبنى فيه كل حاجه طريقه كلام الناس فيهم [/color]

7- رايك في برنامج باسم يوسف ؟
هههههههه موقفى معروف منه ألفاظه مش كويسه أبداااااا أبداااااً
أنا عن نفسى أول مابدأ كدا كنت هتفرج عليه فلما فتحت حلقه من حلقاته
لقيته كان بيتكلم على الفراعنه و الأسر فعلا فعلاً أنا يعنى اتحرجت من كلامه
ماما كانت قاعده معايا ساعتها فلاقيتها قعدت تقولى ايه القرف دا ؟!!
قلتلها اقفلى التلفزيون يمكن بيضحك و كل حاجه بس انت\ى بتضحكو على ايه ؟!!
على كلام مش كويس انا معنديش مانع ااننا نضحك بس نضحك على نكته على كلام عادى
مش االقرف اللى كان بيقوله دا عارفه ان فيه ناس كتيره بتحبو
بس كل واحد ليه فكره بئه

انتي نشنتي علي حلقة في الجون:
انا متفرجتش عليها الصراحة بس المشكلة ان كتير من الالفاظ اللي كان بيقولها كان بيجيبها من القنوات الدينية

8- رايك في الحب ؟
لعند دلوقتى معرفتوش بصراحه
أول ماأعرفه هقولك ان شاء الله

9- رايك في الياس ؟
اليأس ؟!! امممم شعور بالإحباط الحاد جداً تقريبا مريت بالمرحله دى من فتره صغيره جداً
بس تقريبا حسيت انى عديتها خلاص الحمد لله و عندى يقين اللى بيجى بعد كدا
بيبقى تحقيق نجاح كامل ان شاء الله

10- رايك في عاشقة ذكر الله ؟
انتو اللى تقولولى مش أنا
هى شخصيه غير آيه على فكره
شخصيتى على النت مختلفه عن آيه كتير

11- رايك في حلم عمري ؟
هاااااااااااااااديه و طيبه أووووى و مرحه و حبوبه
ربنا يكرمك يا حبيبتى يااااارب و يسعدك بإذن الله

ربنا يخليكي ليا حبيبتي

12- رايك في البرنامج ؟
جميل جميل جميل جميل جميل :
حلو فعلا ماعدا السياسه بئه

ودي كانت اراء ضيفتنا
وبكدة تكون خلصت حلقتنا
وبجد سعيدة جدااا انك قبلتي الطلب
نورتينا ويارب تكوني استمتعتي

أكيد استمتعت ي حبيبتى

استنونا ان شاء الله وحلقة جديدة وضيف جديد
وبرنامج رايك في .......؟

[حَرفُُ هجآءّ]

حلقه جميله يافوفا
وضيفه زى العسل
نورتى عاشقه


دوام النشاط وفاء

[M@HMOUD]

حلقه جميله
وايه من الشخصيات المحترمه جدا
ربنا يوفقها فى حياتها ان شاء الله

رمضان كريم

[ساحر الأحزان]

حلقة جميلة حلم

مع عاشقة الذكر

هو الصيام ماثر عليها

ونشاطها قل

مع انها خلصت امتحانات

اسعدتونا بجميل الحلقة

موفقين

[الأميرة رودي]

يوشيوش
حبيبه قلبي
حلقه جميله اوي
وكل أراء آيه جميله وهاديه
هيا صحيح مؤيده للشرعيه ولمرسي لكنها مش اخوانيه والله زى مابيعتقد البعض
انسانه رائعه وعاقله ..
بتخنق منها كتير على فكره بس يالا بقى هيا قدري وانا راضيه بيه ههههه
تسلمي ع الاستضافه المميزه ياقمري
بالتوفيق دايما وف انتظار كل ضيوفك

[♥SaRa]

ـحلقة جميلة وضيفة اجمل
نورتي يا اوشا^^
منتظرة باقي الحلقات يا وفاء