العصبيه

[big bốss]

انا شخصيه هادى جدأ

بس فيه نقطه حساسه جوايا لما حد بيلمسها بتعصب جدأ

و المشكله انا حاسس ان عصبيه بتزيد الايام دى


مش عارف اعمل أيه ؟

انا بكره النرفزه و العصبيه


بس فيه حاجات بتستفزنى و بتخلينى اتنرفز بسرعه


عايز القى حل لكدا

[M.B]

الحل وقت ما تحس بالعصبيه تذكر ربنا وتستعيذ من الشيطان عشان هو نقطه العصبيه الي في الانسان
وتبعد عن الانسان الي متعصب منه واو 10 دقائق تهدي وتتكلم ونصيحه متعرفش حد بتتعصب ازاي عشان هتندم ندم عمرك هههه

ومش عارف ليه حاسس اني خرجت عن مضمون الموضوع او فهمته غلط اصلا

بس تحياتي ليك

[موري كول]

انا كده برضو ببقي ساعات عصبيه اوي بس مش ببين للقدامي اني متعصبه
يعني بكظم غيظي ودايما بتفائل


وبعمل بالحديث ده ((عن أنس رضي الله عنه أنه قال: إن النبي مَرَّ بقومٍ يصطرعون؛ فقال: "ما هذا؟" قالوا: فلانٌ ما يُصارع أحدًا إلا صرعه، قال: "أفلا أدلكم على من هو أشد منه؟ رجلٌ كلمه رجلٌ فكظم غيظه فغلبه وغلبَ شيطانه وغلب شيطان صاحِبِهِ".))

[big bốss]

اقتباس المشاركة الأصلية كتبت بواسطة ŧ๑ βξ ๏Я ή๏t ŧ๑ βξ الحل وقت ما تحس بالعصبيه تذكر ربنا وتستعيذ من الشيطان عشان هو نقطه العصبيه الي في الانسان وتبعد عن الانسان الي متعصب منه واو 10 دقائق تهدي وتتكلم ونصيحه متعرفش حد بتتعصب ازاي عشان هتندم ندم عمرك هههه ومش عارف ليه حاسس اني خرجت عن مضمون الموضوع او فهمته غلط اصلا بس تحياتي ليك

لا ابدا مش خرجت عن المضمون ولا حاجه


بس كلامك صح

انا لما حد بيعصبنى ببعد عنه دلوقتى

بدل ما هنفجر فيه

[big bốss]

اقتباس المشاركة الأصلية كتبت بواسطة موري كول انا كده برضو ببقي ساعات عصبيه اوي بس مش ببين للقدامي اني متعصبه يعني بكظم غيظي ودايما بتفائل وبعمل بالحديث ده ((عن أنس رضي الله عنه أنه قال: إن النبي مَرَّ بقومٍ يصطرعون؛ فقال: "ما هذا؟" قالوا: فلانٌ ما يُصارع أحدًا إلا صرعه، قال: "أفلا أدلكم على من هو أشد منه؟ رجلٌ كلمه رجلٌ فكظم غيظه فغلبه وغلبَ شيطانه وغلب شيطان صاحِبِهِ".))

اممممممممممم

كلامك صح

والله بحاول اكتم غيظى

فيه حالات بنجح و حالات بفشل

و اتغظ بئا و اتنرفز

[♥SaRa]

ـانا الصراحة بردوا عصبية جدااااااااا
بس حاليا علشان احاول اهدي شوية
بكبر دماغي وبعمل اني مسمعتش ومش برد
فا حاول تعمل زي كدة

[βỊиŢ ξŁMĄŊŞΘЦЯĄ]

العصبيه شيئ تلاقي بيحصل لما بتضايق من حاجه او حد بينرفزك فاحاول انك تحتوي غضبك وتسيطر عليه لان لما بتتعصب اكيد بتزعل ناس كتير اوي منك فاخلي ده دايما ف بالك .. يعني انا مثلا دايما اختي بتعصبني وصراحه وبدون مبالغه ساعات بكون عايزه اجيب ماطوه واعملها 3 غرز ف وشها عشان تفضل طول عمرها متشوه وازلها هههههههههه بس بعد كدا بقول مش مشكلة سامحيها مهما كان دي اختك واكيد هي متعصبه عشان كدا عصبيتها زعلتك ده بالنسبه لحد قريب مني .. انما لو صاحبتي او حد مش اعرفه بحاول اهدي نفسي جداا عن طريق ان افتكر حاجه كانت ضحكتني او موقف فرحني عشان اهدي نفسي وبعد كدا ارد بطريقه هاديه وكمان مستفزه وبدل مااكون انا المتعصبه فااخلي الـ معصبني يتحرق من الغيظ فاحاول ع قد ماتقدر تهدي نفسك جدااااااا وقت العصبيه وتفكر مواقف كانت بتفرحك عشان تهدى ..واتمنى ان اكون افادتك (( مع ان حاسه انو لا هههههه)) بس انا حبيت اقول الـ بيحصل معايا بصفه اني من عيله كلها بتتعامل بالسكاكين لما حد يعصبها ههههه ويارب تقدر توصل لحل ونشوفك بخير ^^

[طمطم]

كلنا كده والله ي نور

امبارح كنت بتفرج ع برنامج " مصطفى حسنى " وكانت الحلقة عن العصبية
هو قال ان الحل سهل
قول للناس اللى حواليك عن كل حاجة بتعصبك علشان مش يعملوها
وبالتالى هتقل عصبيتك شيئا فشيئا ^^..

انا اساسا حد مش عصبى الا ف حاجات معينة ..
وبصراحة عملت زى م هو قال ^^..
اهم حاجة صحتك : )