اتتجوز ولا لاء

[~♥ Queen sozan♥~]

السلام عليكم ورحمة الله وبركاته

هى مشكلة حد يهمنى بتمنا تاخدو المشكلة بجد
وتاخدو انتو قرار لان صحبة المشكلة
دمغها فصلت ومش عارفة تاخد قرار
,

( بنت 22 سنة بيجلها عرسان من 18 او اقل
بس اهلها مش عجبهم حد لو ابوها واهلها وافقو سبحان الله
البنت مترتاحش ال العريس مامتو المهم كل مرة فى عيب
او فى حاجة تبوظ مشروع الجواز
المهم من اول رمضان
بيجلها عرسان والله العظيم الكلام دة بجد
اول الشهر اول عريس مرتحتلوش ولا ون هو حلو ووسيم
وهى نفسها فى حد وسيم اصلا
التانى مامتو قعدت تمسك فى ايديها وشعرها
وتقولها هى عنيكى دى ولا تركيب
زى الافلام حاجة مسخرة
فا اهل العروسة رفضو والبنت رفضت من قبل الواد ميجى اصلا
لان حسو ان الست دى اهنتهم بتصرفتها
المهم من اسبوع جلها عريس تانى
كان شفهامع والدها وهما مسفرين
هو بشمهندس وكويس وحلو
ومامتو جات هما وخواتو وشافو العروسة وفى موافقة بدائية
وبدء اهل العروسة يسئلو عن العريس
لقوة كويس وملتزم بشمهندس
عندو شقة كويسة مفهوش عيب
واخواتو البنات مخطوبين 3 وهيتجوزو بردو قبل فرح اخوهم
ام العريس بقة يعنى شريرة شوية
دة اللى الناس قالتو
ومن يومين اهل العروسة عرفو حاجة صدمتهم مش
عارفين العريس يجى بقة لوحدة
ولا لء
عرفو ان ابو العريس كان محبوس سنتين
فى تهريب شباب من البحر
سئلو فى ملف السجون لا تكون الناس بتتبالة عليهم
طلع الكلام صح
ابو العريس كان محبوس سنتين من فترة يعنى من زمااااااان

فا اهل العروسة محتارين
يرفضو كا العادة ولسة نصبها مجاش
ولا يستنو البنت تشوف العريس وخايفين يظلمو بسبب اهلو

محتارين والبنت كمان محتارة وبتصالى استخارة
من يومها ومش بتحلم با حاجة خالص .. بس كل شوية تبان حاجة تقلق
اهل العروسة

هل دة نصبها ولا هى كدة بتتبطر زى صحبها ما بيقولو
عشان مش عجبها حاجة

وعلى فكرة حلم البنت دى انها لما تتجوز
تجيب اطفال يطلع منهم حد ظابط
فا الحلم دة بخ لو واقفت
لان جدو هيكون محبوس سنتين )

بس بقة انا حكتلكم القصة وهى مستنيا رئيكم
لان مهم ليها جداااا

.....

سلام بقة

[Miss Cute]

بتهيألى بلاش تتجوزه

[حَرفُُ هجآءّ]

صلاة الاستخارة مش شرط تحلم بشىء
هى بتستخير ربنا على الموضوع كله لو كان خير ربنا هيوفقها
ولو شر ربنا هيصرفه عنها

نتكلم بئا فى النقط
العريس كويس ومتلزم ومهندس
ملتزم دى فى صالحه يعنى هيراعى ربنا فيها
اهم شىء يكون محترم وبيصلى

اخواته مفيش منهم مشكله
مامته دى اكيد هتعانى منها شويه لانها اكيد هتغيير على ابنها
يبقى البنت لازم تصاحبها وتقرب منها عشان مش تحصل مشاكل
وعليها وعلى الهدايا معاها
ابو العريس بئا هو حاليا عامل ازاى شغله مثلا طريقته فى الكلام مع اهل العروسه
او لما سألو عليه الناس قالت ايه عنه حاليا؟
يعنى مثلا قالو نصاب او راجل مش مظبوط
ولا اتغيير ؟
لو ابو العريس اتغيير يبئا مفيش مشكله توافق
ادام العريس نفسه كويس
اما لو زى ما هو يبئا مينفعش ومش هنمثل على بعض ونقول المهم العريس
لو ابوه سورى يعنى نصاب هيجيب المشاكل لابنه ده غير السمعه

اما بئا حكايه الاولاد دى حاجه بتاعه ربنا
ربنا يرزقها بالذرية الصالحه
بس مش يمكن مش تخلف او ممكن تخلف بنات
دى حاجه خليها تسيبها على ربنا

بصى خليها تمشى خطوه خطوة
بلاش تسبق الاحداث
وخليها تمشى بسنه سيدنا محمد عليه الصلاة والسلام
إذا جاءكم من ترضون خلقه ودينه فزوجوه
واهم شىء كمان بلاش تبص للماده
لان اهم شىء الانسان باخلاقه ودينه

إنّ أكرمكم عند الله أتقاكم

ربنا ييسرلها الحال
ويزوج شباب و بنات المسلمين اجمعين

[طمطم]

انا نفسى محتارة ,

يعنى لو قولنا الولد ملوش دعوة بابوه ونحاسبه ع افعاله هو ,, يبقى تتكل ع الله وتوافق
ولوقولنا الحسنة تخص والسيئة تعم يبقى بلاش توافق
,,
احسن حاجة انها تصلى استخارة وتشوف ربنا اختارلها ايه
وابقى طمنينا عليها بئآ ي سوما ^^.,

[دمعه حائره]

يعنى والدة العريس شريره والوالد كان محبوس فى قضيه
حتى لو هانقول البعض بيعتبرها بسيطه لكن تمس الضمير والاخلاق
واكيد اللى بيهرب ناس لبرا ممكن تكون شخصيته واخلاقه ينقصهم كتير
مش عارفين بطل ولالسه او بياخد باله اكتر
اعتقد ماتستعجلش
لان الزواج مش ارتباط شخصين انما عيلتين بيتجمعوا سوا
وطالما الزواج كده كده تقليدى مافيش حاجه تجبرها تضحى وتتنازل
عن اهم نقطتين والده ووالدته
واللى فيه الخير يقدمه ربنا ليها ان شاء الله

[Mind language]

انا دماغى لفت من الحكاية عمتا من رائى بما انى العريس
كويس فهى ميهمهاش غير هو دااللى هتعيش معاه لو مامته
صعبة فعلى نفسها بقى انما هى عماله تخطط لحلم فى علم
الغيب طيب مهو ممكن يكون ولادها افضل فى مكان تانى
ولية هتاخد الشخصية بذنب والده ماهو كان مسجون وابنه
طلع مهندس اهو ثم انتى متردده لية ياقمر واشمعنى الشخصية
دى على الرغم من انى اتقدم ليكى كتير من رائى لو انتى مرتاحة
لشخصية نفسيا ومستقبليا فمتبصيش على ذنب عمله والده وتخدية
بيه هو ايه ذنبه ؟؟؟؟؟؟!!!!! دا كان رائى وربنا يتمم ليها على خير
باذن الله لو فية نصيب .

[زهرة الياسمين]

بصراحة مش لازم تاخده بذنب ابوه يعني
طالما كويس خلاص تشوفه وتتعرف عليه ومدام كمان استخارت يبقى اكيد ربنا هايهديها للطريق الصح

[الحان الورد]

،

أنا شايفة اننا منحكمش على ناس ب غلط هم ملهمش ذنب فيه ..
وبعدين يمكن الاب ندم وكانت غلطة أو تهور أو أي حاجة ،،
والابن مالوش ذنب ف حاجة والده عملها ، ويمكن يطلع كويس وابن حلال
واللي هيخلينا نُحكم التعامل مع الابن نفسه ،،
ف هي صلت استخارة زي مابتقولي ، يبقى تشوف العريس وتقعد معاه وتعرفه أكتر
لو الامور مشيت وهي حست براحة يبقى الحمدلله ، ولو لأ يبقى الحمدلله برضو
ونصيبها لسه مجاش ..
وخليها برضو تستمر ع الاستخارة والدعاء ، ومش شرط تحلم ب حاجة أو كدا
يعني لو مشيت ف الموضوع يبقى هو الخير إن شاء الله
وربنا يرزقها بالانسان اللي بتتمناه

[ساحر الأحزان]

هى يعنى عرسانها كتير

والواحد بيخاف من الى بيكون خطابها كتير دى

خليها تصلى صلاة استخارة لربنا

وبعد كدة تظهر ليها الرؤيا

وكمان تفكر وتاخد الموضوع من جميع اتجاهاتة لأن دة أرتباط وأستقرار بين الطرفين

[خارج عن القانون]

لا ضرر من قعده تعارف
بين البنت والعريس
ولتصارحه بكل مخاوفها
ولتري رد فعله وطريقه كلامه صادق ام لا كويس ام لا وحينئذا تقرر