اصطدت عريس [ للبنات فقط ]

[حَرفُُ هجآءّ]

السلام عليكم

ازيكوا كويسين تمام

الحمد لله

محور الدرس النهارده على سؤالين

الاول لو متقدملك عريس أو مخطوبه وعايزة تمسكى فى الواد ده بايديك وسنانك لحد كتب الكتاب وتضمنى انه بئا جوزك خلاص هتعملى ايه ؟

والتانى لو وحده صحبتك جابتلك عريس هتوافقى تشوفيه ولا لا ؟

تعالو نشوف رأى بناتنا [ بنات مصر]

ورده الأحلام

لو متقدملك عريس أو مخطوبه وعايزة تمسكى فى الواد ده بايديك وسنانك لحد كتب الكتاب وتضمنى انه بئا جوزك خلاص هتعملى ايه ؟

أمسكه بأيدي وأسناني ونعضه كمان ههههههههه

اممممم نقولمفيش غير الغزل وكلمتين حلوين يذوبوهونبقا في الهوا سوا

لو وحده صحبتك جابتلك عريس هتوافقى تشوفيه ولا لا ؟

لا مث هوافق ,, لأنه أكيد هيكون مقزز وهتجبلي واحد وحش

علشان تغيظني وتقول أنه خطيبها شبه أمير وتطلع فيه السما

ايوة كده طلعتى ارشانه يابنت ياورده مش سهله
ومش يتخاف عليكى




ــــــــــــــــــــــــــــــــــــــــــــــــــ ــــــــــــــــــــــــــــ

✿ Celiηα

سؤالين فى السريع

لو متقدملك عريس أو مخطوبه وعايزة تمسكى فى الواد ده بايديك وسنانك لحد كتب الكتاب وتضمنى انه بئا جوزك خلاص هتعملى ايه ؟

لا طبعااا مش هيحصل ابداً
اني هكون ملهوفة كده على حد لدرجة اني عايزة امسك
فيه بايدي وسناني ولو بحبو ده مش هيحصل الا لو كان بيحبني
وده بيخليه هو اللي مش هيسيبني من نفسو
لكن اضمن ايه بس هههههههه ^^

لو وحده صحبتك جابتلك عريس هتوافقى تشوفيه ولا لا ؟

لو صاحبتي دي انا بثق فيها وواثقة انها
مش بتلعب عليا ومش هتجيبلي حد مش كويس
واكيد انها هتحكيلي عنه مش انا اللي هشوفه ساعتها
اهلي اللي هيشوفوه ،

شكلك هتبلطى فى الخط جانب مامتك شويه
استنى اسمعى الدرس




ـــــــــــــــــــــــــــــــــــــــــ

~

‏‏‏‏♥ Queeη sōmą ‏‏



♥ ~

سؤالين فى السريع

لو متقدملك عريس أو مخطوبه وعايزة تمسكى فى الواد ده بايديك وسنانك لحد كتب الكتاب وتضمنى انه بئا جوزك خلاص هتعملى ايه ؟

لية محسسانى ان الجواز امله هههههههه
وامسك فى مين بس يا اسيل هو المفروض اللى يمسك فية

بس يا ستى با كل بسطة لو احنا بنحب بعض اكيد
هنكون متمسكين ببعض يعنى هسيبو با حريتو
مش هخنقوهو كمان مش هيخنقنى

لو وحده صحبتك جابتلك عريس هتوافقى تشوفيه ولا لا ؟

اة طبعا دى صحبتى واكيد جيبالى حاجة نضيفة وبنت ناس
هههههههه
اة عادى دة نصيبواية المانع هشوف كدة
ارتحت اوك مرتحتش خلاص مفيش نصيب
وهنفضل صحاب

يلا اقعدى جنب اختك سيلينا بئا





ــــــــــــــــــــــــــــــــــــــــــــــــــ

AnA BanoTa BasKota

لله ـالحمد تمام يا قمر
>>

ههههههههههههههههه
لاطبعا مش هعمل كدة ابداً
لان هو لو بيحبني مش هحتاج اني اعمل كدة معاهوهيجوزني علي طول من غير طرق ولا حاجة
اما لو كان هو غرضة مش جواز
ومش بيحبني يبقي خلاص كل وآحد في حالوا
آصل دة جواز مش لعبة

>>
بصي هو حسب الصديقة لو هي من الانتيم بتاعي وانا واثقة فيها
يبقي هوافق اشوفة
لاني ساعتها عمري ما هشك في ذوقها

ماشى والله ياسارة لو مين

هيستخسر فيكى الكويس
استنى اسمعى الدرس

ــــــــــــــــــــــــــــــــــــــــــــــــــ ــــــــــــــــــــ

همسه الجوارح

لو متقدملك عريس أو مخطوبه وعايزة تمسكى فى الواد ده بايديك وسنانك لحد كتب الكتاب وتضمنى انه بئا جوزك خلاص هتعملى ايه ؟

متقدملى عريس اكيد هشوف شخصيه العريس ده
لو ملتزم هلتزم زيه شان هو كمان يتمسك بيا
ويفضل جمبي دايما مايسيبنيش واسمع كل طلباته واحاول ارضيه
لو شخصيته رومانسي هعيشيه فى احلى رومانسيه والاحاسيس الجمييله
لو بقا نكدى انكد ع امه ههههههه
كل واحد وله طريقته باه

لو وحده صحبتك جابتلك عريس هتوافقى تشوفيه ولا لا ؟

حسب قربي من صاحبتى وثقتى فيها
جايز ترشحلى حد كويس فيش مانع نشوفه

ياعينى على الحب والرومانسيه
وقعه وقعه يعنى ههههه

ـــــــــــــــــــــــــــــــــــــــــــ

تعالو بئا

هاتى ودنك انتى وهى

واسمعوا الدرس التانى

ازاى تحافظى على العريس

لو جالك عريس متقوليش لحد من صحباتك الحاجات دي بتتنظر وأنتي عارفه البنات عينيها وحشه

بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها

إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر

بلاش زن ورنات تليفونات ورسايل حب وهيام دول عالم .... مش هيقدر الحاجاتدي هيتغّر ويفتكر نفسه أحمد عز

وانتى ماهى


لو مثلا بعد فترة لقيته مش معاكى وعايز يخلع من مشكله
يخلع

متزعليش عليه ولا على غيره.. الرجالة زي الأتوبيسات واحد عدّى التاني جاي وراه


نيجى بئا لصحبتك الانتيم لو جابتلك عريس

إوعي تشوفيه أو توافقي عليه

لوكان عدل كانت خدته هي



هتقولي طب لو متجوزة أقولك هتبئا عاوزاكي تاخدي واحد أقل من المنيل جوزها


حطى الكلام ده حلقه فى ودنك

المهم تكونوا فهمتوا الدرس كويس

وان شاء الله لنا لقاء اخر مع

الدرس التالت


فتوكو بعافيه

[استـثـنـائـيـة]

امتعنـى الدرس وردود البنات ^^
فى انتظار الدرس الثالث : )

[واد حبيب]

يا بنتي نصف بنات مصر دلوقتي واقعه ومش لقيه عرسان
صعب جدااا اللي يكون قاعد في مصر ويجوز دلوقتي
تعالي بقا علي عريس لسه جي من الغربه
الام تمسك بنتها شوفي الشاب ده لسه جي من الخليج ومعاه فلوس وعوز يجوز
قربي منه يا بنت وخليه يحبك ويجي يطلبك
بنات وقعه وقعه يعني ومش لاقيه حد يجوزها
ههههههههههههههههههههه

[sεηυσяιтα ησOση]

ههههههههههههههههه

لا صراحة مفيدة

[طمطم]

انا كـ ميرنا انبهرت =))
بس حلوة النصايح دى : )

[Aya 7ekaya]

هههههههههههههه
حقيقى تنفعى ابله زهيرة ولا مااعرفش اسمها ايه دى هههههههههههه

[خارج عن القانون]

اقتباس الراجل يحب يتعذب البنت السهلة يدوبك يفكر فيها يومين ويدور على غيرها

تسلم ايدكيا اسيل

[✿ Celiηα]

هههههههههههههههه وربنا انتي عسل يا اسيل
تصدقي انا شخصيا استفدت من الدرس
وممكن اجاباتي عالاسئلة تتغير ههههههههههههه
لا بجد الدرس ده احلى من اللي قبله بكتير
ومين فينا مستفدش ^^
متابعة دروسك يا ميس ^^ ،،

[SiLver Spectra]

انتي بتبوظي امخاخ البنات يا اسيل هانم
يعني هيبقى مكتوب علينا اننا في كل مره نعد نستنى نص ساعة و ساعة عشان الاخت بتمارس طقوس التقل عالواد ..اصل العرافة اسيل اديتها الوصفة السحرية و قالتلها لازم تذليه في المطعم

[حَرفُُ هجآءّ]

اقتباس المشاركة الأصلية كتبت بواسطة استـثـنـائـيـة امتعنـى الدرس وردود البنات ^^ فى انتظار الدرس الثالث : )

يارب ديما تستفيدى من الدروس
ميرسى ياقمر لوجودك الجميل
نورتى