حلقه خاصه من المعاكسات .......AnA BanoTa BasKota

[big bốss]

يتجدد لقاءنا اليوم مع نفس المشكله التى تنبع من التدهور الاخلاقى

و هى مشكلة المعاكسات و معايا ضحيه جديده و هى ساره

AnA BanoTa BasKota

مميزة فى النشاط العام

اهلآ بيكى يا ساره

ـاهلا بيك يا نور

الحلقه دى مش هتكون بين ضيف و ضيفه

لا بين أخ و اخت

انتى عندك كام سنه الاول ؟

ـانا 15 سنة

- هل غياب الاسره عنك له تأثير ؟

ـصراحة اةة كتير جدا
بس الحكاية مش بإدي انا مش عايزة اسافر

- انا ملاحظ ان عندك مشاكل كتير ياترى ايه سببها ؟

ـوالله مش عارفة يمكن زادوا بسبب غياب الاسرة
بس انا اصلا كان في برضوا مشاكل كتير قبل برضوا سفرهم
بس كان اخويا بيقف جنبي

- ما هى التربيه السليمه فى نظرك ؟

ـالتربية علي الدين وعلي سنة الرسول اكيد

- انتى ضحيه من ضحايا المعاكسه يا ترى ليه ؟

اها أكيد دة زي كلمة صباح الخير كدة
والله معرفش ناس بيقولوا لبس وناس بيقلوا جمال وناس بيقولوا كل بنت اكيد بتتعاكس

- هل انتى حاسه بالامان رغم بعدم عن اهلك ؟

ـصراحة كنت فعلا حآسة بالامان مع ابن عمي لانوا زي اخويا بالظبط
بس دلوقتي طبعا واعتقد بعض الاعضاء عارفين الحادثة الي حصلت لية وانا بقيت اخاف جدا

- ما هى الحريه فى نظرك ؟

ـبص هي الحرية ليها اكيد حدود
الحرية اعمل الي انت عايزة بس بدون ما تضر حد

- لو اتعرضتى لهجوم من شباب بهدم الخطف او .. لا قدر الله و كنت فى الشارع هتعملى أيه ؟

ـان شاء الله مش هيحصل
بس اكيد ممكن اصرخ او احاول اردعهم
وكمان انا دائما معايا إلكترك بحمي ننفسي بية

- ما هى الايجابيات الى عادت على حياتك فى عدم سفرك مع اهلك ؟

ـمفيش عادي يعني هي هي الحياة

- ما هى السلبيات الى عادت على حياتك فى عدم سفرك مع اهلك ؟

ـحسيت ان في ناس كتير كان نفسهم في الفرصة دي
ومنها ان في ناس كتير بيتعرضوا ليا

- هل انتى تملكين القوه لتعترفى بقلة خبرتك فى الحياه و عدم القدره على الاعتماد على نفسك و تعيشى لوحدك ؟

ـصراحة انا مقدرش اعترف اني لا املك الخبرة في الحياة وعدم القدرة علي الاعتماد علي النفس
لان صراحة انا الي بيحصلي او تفكيري عموما غير تفكير اي بنت عندها 15سنة
وناس كتير جدا واعضاء كمان هنا قالوا اني تفكيري اكبر من سني ودة يبقي اني خبيرة في الحياة بالنسبة لعمري
اما بالنسبة للأعتماد علي النفس انا بعتمد علي نفسي في كل حاجة في الطبخ والتسوق و... بس مش في المشاكل بتاعت المضايقات

- من وجهة نظرك ايه سبب المعاكسات الى بتحصل ؟

ـالسبب انها عقد نفسي في الشباب بسبب الي هما شايفيني
زي البطالة وانهم عالة علي المجتمع وطبعا السبب الرئيسي هو الزواج لان تحس ان الشاب بيحاول يعوض الي بيعملوا بدل الزواج

- طيب و ممكن نعالجها ازاى ؟

ـانهم يوفروا فرص عمل اكتر من كدة ويشدوا علي التعليم والوسائل علشان يكونوا خبرين ويكونوا يعرفوا يشتغلوا وفي نفس الوقت تخفيض الاسعار ودة هيساعدهم علي الزواج
وبردوا لازم من اهل البنات يخفضوا سعر المهور شوية

- ممكن اعرف ازاى اهلك سافروا و سبوكى لوحدك ؟ ازاى ؟

ـبص انا كل الناس سألتني السؤال دة
بس الحكاية كلها هناك ولا ملة ولا دين والمشكلة انا مش هقدر اشرح قصدي اية
لان هناك الحياة ممكن اتعرض اكتر من الي هنا بكتير بس علي الاقل هنا دة ممنوع لان احنا عندنا دين لكن هناك لو رفعت بلاغ فا دي حاجة عادية عندهم لانهم بلالالالالالا دين
بص هي حكاية ازاي دي
ان انا ببقي متمسكة برأي جدا ومحدش بيقدر يخليني اتزحزح عنوا
واهلي عارفين كدة
وانا ضمنت ليهم اني هكون في آمان واي قلق هروح ليهم
"وصراحة انا لغاية دلوقتي بكلمهم فيس وفون عادي ومش بقول ليهم علي اي مشكلة"

- طيب ناويه تملى ايه دلوقتى فى ظل المشاكل المتلاحقه الى بتحصلك ؟

ـهحاول اواجها لوحدي لاني مش عايزة حد يحصلوا حاجة بسببي

اسف على الاطاله

ـولا يهمك

و لو حابه مترديش على سؤال براحتك

ـتمام

[M.B]

بصي اجاباتك كلها تدل علي العقل والحكمه مع انك بنت والمفروض نص الي بتعمليه ده الواجهه وانتي فاهمه قصدي ميحصلش

بس ارجع واقول ربنا يعينك

وضيفه مميزه جدا

وتسلم يا نور

[jasmean]

حلو الاحلقه وعجبتني اجاباتك
بس برضوآ المفروض كنتي تسافري مع اهلك احسن
حد لاقي سفر يابنتي ههههههه
ربنا يوفقك بقآ ويحميكي
تسلم نور عـ الحلقه دي

[✿ Celiηα]

حلقة حلوة وربنا معاكي سارة
،،،

[طمطم]

رغم انى متكلمتش مع سارة قبل كده غير ف الفضفضة ,.,

بس فعلا هى شخصية عاقلة وتفكيرها سابق سنها ,,
ربنا يحميكى ويبعد عنك ولاد الحرام " بحب اوى الدعوة دى ^^ "

ثانكس ع الحلقة ي نور ..

[βỊиŢ ξŁMĄŊŞΘЦЯĄ]

حلقه حلوة وضيفه عسوووله
احلى حاجه فعلا انك بتعتمدي ع نفسك وبتواجهي مشاكلك ربنا يعينك
وان شاء الله طول ماانتي مؤمنه وعارفه انك مش بتعملي حاجه غلط ربنا هيقف جنبك ويحميكي
تسلم ياكبير ع الحلقه

[سنابل مجروحة]

استضافة في محلها وضيفتنا تنم عن عقل ناضج

ومع ذلك ياسارة إتمنى تسافري مع أهلك أحسن


وبتشكرررك يانور ع الاستضافة الحلوة

[Sea Pearl]

.


حلقة جميلة وحوار جيد
ربنا يحميكى ويوفقك دايما
حلقة جيدة نور

بالتوفيق.....

[ساحر الأحزان]

حلقة جميلة يا نور

وسارة برغم صغر سنها

الا انها على قدر كبير من العقلانية

والمشاكل بتحتاج ان الواحد يعالجها بعقلانية

ويكون بعيد عن التسرع

استضافة جميلة نور

ومنتظرين الضيفة القادمة

[العاشق الذى لم يتب]

عظيم محاورين
وكبيرمذاعين
أبن عمى نور
أحييك من قلبى على البرنامج الناجح بكل المقاييس
بسكوتة والكبيرة أوى سارة
بجدلقيت فى إجابتك فعلا عندك عقل أكبرمن سنك
ربنايزيدك وينورك
وكمان ملمة بمشاكل الزواج وغلاء المهور

اللى أصلا تسبب فى مشاكل لاحصرلها
ناهيكى عن العقد الكتيرة اللى مشترك فيها كل الأسر والشباب والفتايات على حد سوى
ربنايصلح أحوال شبابنا ويحل مشاكلنا
تشرفت بمرورى على موضوعكم
تحياتى وودى