الاختفاء من المنتدى والظهور لوجود اسمى فى توبيك ( ظاهرة فى المنتدى )

[morshooo]

بسم الله الرحمن الرحيم

مزاج الخير عليكم :d

من فترة فى قسم ( يوميات الاعضاء ) كنت عامل توبيك اسمة ( بنقولكم شكرا )

التوبيك دا عبارة عن بستضيف عضو من المنتدى وبقولة بتقول لمين ( شكرا )

يعنى برنامج حوارى المهم .

كنت بكون مبسوط جدا والاعضاء بتمدح فى الاعضاء الى مبقوش يدخولو

وكنت بقول لنفسى اهو ممكن يجى يوم ويدخولو وبالصدفة يشوفو التوبيكات دى

بعد كدا بفترة لاحظت حاجا كان فى توبيك نازل من فترة قريبة من عضوة

وبتكلم عن الاصدقاء الى اتعرفت عليهم فى المنتدى من اول ما دخلت

لحد دلوقتى وطبعا منهم اعضاء كتير قالت اسمهم بقالهم سنين مش بيدخولو

وفجأة فى منهم ناس ظهرت فى التوبيك دا ودخلو ردو وشكرو العضوة الى

نزلت التوبيك دا وبعد ما دخلو وشكروها اختفو تانى .

سؤالى :

اية رئيكم فى الاعضاء الى مش بتدخل المنتدى وبمجرد ما تسمع عن توبيك

اسمهم فية من زميلهم يسجلو دخول عشان يشكروهم ويختفو تانى ؟

[جبل عالي]

يا افكاااااااااارك يامورشو


والله الموضوع واضح طبعا

عن نفسي أعرف ناس لما بتتخنق بتعمل عضويات جديدة

بأسماء جديدة وتتابع وتكون متواجدة بعيد عن اسمها اللي اتعرفت بيه

وفي ناس تانية بتتابع المكان اللي تواجدت فيه وعرفت ناس وناس عرفتها

بدون ماتسجل دخول ,,,,,,,,,,, من الآخر بيكون حرية شخصية للعضو

ولما بيفاجىء إن حد أتذكره مؤكد بيفرح وبيحاول يرد الشعور ده

بإنه بيسجل ياإما يرد أو يرسل لايك كنوع من الرد وانه

يوصل للي إفتكره بالخير إنه شاف كلامه وعرف شعوره

المهم إنه بيكتفي بكده ويرجع تاني يختفي زي ماكان



في نقطة مهمة بقاااااااااااااااااا

بجد انا من زمان باعتب عليها الكل الصراحة

من إمتى يا مورشو واحنا بندور على اللي مشي ؟؟؟؟

من إمتى واحنا بنسأل عن اللي إختفى ؟؟؟؟

من إمتى بندور على اللي راحوا ولا اللي زعلوا

ولا اللي إختفوا ؟؟؟

عشان نقولهم انتوا ليه مش باينين دلوقت ؟؟؟؟؟؟

ولا نحاسبهم انتوا مختفيين ليييييييييييه ؟؟؟

ممممممممممممممممم

رخمة انا أوي صح ؟؟؟؟

[ملاك ودمعتى هلاك]

ممكن يكونو مختفيين لانهم موش عاوزين اختلاط باى حد وبيشكرو اى حد بيمدحهم وبيجعو تانى للانطوائيه
سورى على الكلمه بس بجد المنتدى ده من اروع المنتديات الى اشترركت فيها وكل الناس الى فيها فوق الوصف
فمافيش داعى انكو ماتتعرفوش او ماتنتشروش فى اقسام المنتدى ده رايي الشخصى
تسلم مورشوو على الموضوع القييييييم اوووووووى

[روح صامتة]

انا كنت بستغرب الحوار دا بردو
اصل لو عندهم وقت حقيقي انهم يدخلوا يشكروا الي كتبلهم
يبقى عندهم وقت لمشاركة او اتنين
و معنى كده كمان ان لهم صلات بالناس الي كتبتلهم بعد ما مشيوا من المنتدى
انا مفسي بلغت واحدة صحبتي تشوف موضوع ؛)
و مشيت من المنتدى بعدها على طول بردو ودا لانه
ممكن مبقوش من هوايتهم القعدة عليه
بشكرك ي احمد
استمررر
ارق تحياتي

[gold rose]

لا في أعضاء كتير أوي هنا
بس بأسماء عضويات تانية .,
إنما ممكن تكون ظروف منعتهم يدخلوا
ولما يشوفوا حد افتكرهم اكيد هيدخلوا يشكروه .,
ويرجعوا يختفوا عشان ظروفهم .,

[Aya 7ekaya]

فى ناس حصللتها مشاكل وفى ناس مابقاش عندها طاقه تقعد تشارك وحاجات من دى
دى حريه برده

[همسه الجوارح]

عادى يامارشو فى ناس بتحصل بينها وبين ناس تانيه
مشادات فتبعد
ولما تمر بتلاقي حد بتسلم وبترد
وممكن يكونو بيتابعو ع انهم زوار
كل واحد حر فى تصرفاته
مشكور

[ارهابية وامى عرفة]

بكل اختصار هجاوب على سؤالك

هما لما بيجو يدخلو عشان اتزكر اسمهم لانهم حسو انهم اتركنو او مبقوش مرغوب فيهم

هنا فى المنتدى عشان كدة قليل لما حد يزكرهم فبديخولو تعبير عن فرحتهم وبعد كدة بيرجعو تانى لانهم عرفين ان مفيش ناس كتير هتهتم بيهم

وبيرقبونا من بعيد يعنى يكونو زوار او بعضويات جديدة عشان يلاقو متابعة

ودى وجهة نظرى واحترم وجهات النظر اللاخرى

تقبل مرورى

[♥SaRa]

ـهههههههههه انت بقالك مدة مركز علي الاعضاء الي مش بيدخلوا يا احمد دا انت غريب
عادي يعني ممكن يكونوا مبقوش قادرين يردوا علي مشاركات او مشغولين ومش عندهم وقت للرد ويكتفوا بالقراءة فقط
فا عادي كل وآحد وظروفوا

[شاعرة الرومانسيه]

الملل يا أحمد هو الملل

المنتدى افتقد أقلام كبيره وشخصيات كانت بتجمعنا

كان فيه منافسه على عدد المشاركات اليوميه

والمواضيع كانت شيقه اكثر

والله يا احمد مواضيع كتير بدخلها واطلع من غير نا ارد

مش متعوده لرد رد روتينى ومجامله

وغير كدا التوبيك لم يترك بداخلى معلومه

ارد من خلالها

وغير كدا احنا لم نهجر المنتدى

اهو من وقت للتانى بنتابع ابنتصفح

وفيه ناس اكيد مشغوله قى الدنيا

يعنى الناس اكيد عندها اسباب

فى عدم دخولهم

موضوعك ممتاز يا احمد

كل سنه وانت طيب