فراخ بانيه عمايل ايدي من تصويري ^^.t.m.

[موري كول]

ازيكو ؟!!
كل سنه وانتو طيبين عيد سعيد عليكم جميعا خلاص رمضان اوشك علي الانتهاء
وعدي بسرعه جدا جدا والله الواحد مش حس برمضان خالص عدي زي الهوا
يلا كل عام وانتو طيبين وبخير ^^

انا بئا انهارده جيبالكو طريقه فراخ بانيه من عمايل ايدي يارب تعجبكم



اول حاجه بروح لبتاع الفراخ وبقوله عايزه مثلا نص كيلو
صدور فراخ مقطعه بانيه (رقيق)
انا جايبه كيلو بس عملت نصه بس

بتبقي طازه وبيدبح الفراخ قدامك وياخد
منها الصدور ويقطعها بانيه

ياريت بلاش المجمد لانه مش
بيبقي حلو زي الطازه

بجيب الفراخ بغسلها كويس لو فيها
ريحه زفاره ادعك الفراخ بطمطمايه طريه وبعدين
اغسل الفراخ هتلاقي ريحتها بقت حلوه



واحضر التتبيله اللي هي :

فلفل اخضر
وتوم 4 فصوص
وبصل كتير
وملح وفلفل
وبهارات
ونص معلقه خل
ربع عصير لمونه

نخلط الحاجات دي كلها في الخلاط ونحطها علي الفراخ



بعدين ندخلها التلاجه 3ساعات او 4 بس
هي كل لما بطول في التتبيله بتبقي احلي لو انتي متأخره او مستعجله
اوي يعني على تتبيلة الفراخ ومش هتقدري تستني 3 ولا 4 ساعات
نتبلهم و نحطهم في كيس بلاستيك ونقفلى عليه.. كده مفعول
التتبيله هيبقي اسرع و هتشرب نكهة التتبيلة بسهوله وساعة ولا حاجة و ممكن تبدئي التحمير او الشوي

انا عملت كده ولبست الطبق اللي فيه الفراخ والتتبيله كيس
ودخلتها التلاجه ساعه ونص بس



بعد لما اطلعها من التلاجه بجيب 3 بيضه او علي حسب كمية الفراخ اللي عندك واضربهم بالشوكه مع رشه ملح وفلفل



واحضر كيس عليه دقيق



طبق البيض



(كيس) عليه بقسماط علي فيجتار


{انا لما اجى اعمل فراخ بانيه بفرد اكياس بلاستك وبحط عليه البقسماط او التتبيلات واتبل عليه وبعدين لما اخلص بلم الكيس وارميه على طول كدة انا وفرت غسيل طبق كمان هحمى حوضي من انه ينسد بسبب البقسماط اللي بيقع في الحوض اثناء الغسيل}
^^^^^^^^^^^^




بعدين بحط الفراخ في الدقيق وبعدين البيض وبعدين البقسماط
واقليها في زيت كتتير الاول يكون الزيت هادي بعدين نعلي النار علي الزيت كده البانيه مية في الميه هقرمش وكمان يستوي من جو




وده الشكل الاخير











يارب تكون عجبتكو
هو بصراحه كان جميل اوي اوي بس الصور الاخيره مش واضحه اوي
يلا قولولي رايكو ايه

[شاعر واسير الحب]

شكرا علي الافادة والمعلومات

روعه

بارك الله فيك
دمت بخير


اللهم اني صائم
لاتنسي ذكر الله
دعاء الكرب

لا إله إلا اله العظيم الحليم، لا إله إلا الله رب العرش العظيم، لا إله إلا الله رب السماوات،
ورب الأرض ورب العرش الكريم

اللهم رحمتك أرجو فلا تكلني إلى نفسي طرفة عين وأصلح لي شأني كله ، لاإله إلا أنت

لاإله إلا أنت سبحانك إني كنت من الظالمين

الله الله رب لا أشرك به شيئا

[Islam Hagras]

الله انا بحب الفراخ دى اوى
مرسى على الافادة
تحياتى على المجهود

[™Amiliya]

لزيزة اوي اوي
تسلم ايدك

[روح صامتة]

حلو اوي و احنا ف رمضان كده ^^
بجد تسلم ايدك
مميزة انتي في مواضيعك استمري ي عسلاية :*
ارق تحياتي

[موري كول]

اقتباس المشاركة الأصلية كتبت بواسطة شاعر واسير الحب شكرا علي الافادة والمعلومات روعه بارك الله فيك دمت بخير اللهم اني صائم لاتنسي ذكر الله دعاء الكرب لا إله إلا اله العظيم الحليم، لا إله إلا الله رب العرش العظيم، لا إله إلا الله رب السماوات، ورب الأرض ورب العرش الكريم اللهم رحمتك أرجو فلا تكلني إلى نفسي طرفة عين وأصلح لي شأني كله ، لاإله إلا أنت لاإله إلا أنت سبحانك إني كنت من الظالمين الله الله رب لا أشرك به شيئا

شكرا ليك وجزاك الله كل خير

اقتباس المشاركة الأصلية كتبت بواسطة islam sekas الله انا بحب الفراخ دى اوى مرسى على الافادة تحياتى على المجهود

العفو يا قمر نورتي الموضوع

اقتباس المشاركة الأصلية كتبت بواسطة رائحة القهوة لزيزة اوي اوي تسلم ايدك

تسلميلي يا قمرايه
نورتيني^^

اقتباس المشاركة الأصلية كتبت بواسطة روح صامتة حلو اوي و احنا ف رمضان كده ^^ بجد تسلم ايدك مميزة انتي في مواضيعك استمري ي عسلاية :* ارق تحياتي

ربنا يخليكي يا حبيبتي والله ده من زوققك وان شاء الله استمر والمواضيع الجايه تكون احلي من ده ^^

[سنابل مجروحة]

طلعت بنت شطوورة
بجد تحفه حبيبتي

بس ياريت فيني ذوق شوي اممممممم

[موري كول]

اقتباس المشاركة الأصلية كتبت بواسطة اناييس الربيع طلعت بنت شطوورة بجد تحفه حبيبتي بس ياريت فيني ذوق شوي اممممممم

مشكوره يا حبيبتي ده من زوققك والله
اتفضلي دوقيها كلها بس بعد الفطار ههههههههههههه

[ملاك ودمعتى هلاك]

فى اييييييييييييييييييه انتو موش ملااااحظييين اننا فى رمضااااان حراام علييييكو ياااجووووودعااااان

بس حلوه اوى على فكره انا كنت هاكل الشاشه من الجوع هههههههههههههههههههه

[دمعه حائره]

جميله ده انتى شطورة خالص تسلم ايدك