أصيل من يومهـ ،، هو مين ؟!!

[** رحيق الجنه **]

كيف تتعرف على المصري ؟؟

المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشه والكهربا وتصليح العربيات والطبيخ والسياسه والكوره وهو أبيض ياورد

- بيحط الريموت كونترول في كيس بلاستيك كعاده فرعونيه

- يقف يتكلم على الباب نص ساعه بعد إنتهاء الزياره والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين وما زال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمه دوليه عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجه في المحل اللي جنبه أرخص من غير فصال

- بيحتفظ بأكياس محلات اللبس والأحذيه وورق الهدايا تحت مرتبة السرير لسنوات ومبيستخدمهاش

- عنده صينية مكسرات متقسمه لتلات او أربع أقسام لزوم المزاج وعمره م.إستخدمها

- ممكن يعدّي التلاتين ولسه عايش مع أمه وأبوه ومعندهومش مشكله

- بيشتري قبل الفطار في رمضان مواد إستهلاكيه أصلا موجود عنده في البيت لسه مستخدمهاش

- بيكون عنده شوايه لزوم الرحلات أقصى استخدام لها كان مره واحده في العيد

- بيشيل طابع البريد من على الظرف لو الختم مكانش عليه

- بيفتكر إن أي حد بيشتغل في الخليج بيغرف فلوس من غير حساب

- بيكون مشغول بقيمة التيبس أو البقشيش طول العشا يا ترى ربع جنيه ولا نص جنيه

- برده بيتخانق ساعة دفع الحساب بحراره شديده على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجي ضيوف ومبيشيلهاش لما ييجوا

- والأهم إنه اللي بيحب يسخر من نفسه ومن بلده وحكامه بس ميطيقش حد تاني يسخر منهم ، وساعتها بيفرش له الملايه



يافاضحنى يامصرى
أقصد

أحبيبى أمصرررررررى............

[عطر اللافندر]

هههههه

جميل الموضوع

وفعلا الحاجات ده مش بيعملها غير المصرى

[تجملت بالعفآف]

ههههههههههه

جامده اوووي يـ عثل

تسلمين

[اشرف 2006]

ههههههههههههههههههههه

بتحصل برضه من بعض المصريين


والمصرى برضه هو مجدى يعقوب وزويل ومحفوظ و..... الكثير ةالكثير

[CAN _ 7LM]

ههههههههههه
هما دول المصريين فعلا
تسلم ع التوبيك