تهانى ومعايدة الأدارة للأعضاء

[ساحر الأحزان]

بسم الله الرحمن الرحيم كل عام وانتم بخير أولا بمناسبة عيد الفطر السعيد ثانيا من منطلق الأعتماد على النفس وحرصا من الأدارة على المعايدة وتقديم التهانى لأبنائها الأعضاء الموضوع دة كان مفروض ينزل أول أيام العيد ولكن ؟لظروف تأخر صرف الشيك لأن سيلفر كان بيخلص شفرتة ومغامرتة فى اللمسات الأخيرة وهيثم كان خارج نطاق الكوكب كان فى السما وحودة أتصلت علية قلتلة الخزنة بتاعت المنتدى فاضية والأعضاء أكلت وشنا عايزين العيديات الراجل مش أخر خبر ووقع على شيك العيديات وراحت منة صرفتة من فرع الدقى فى طنطا قبل, البنك ما يقل بخمس دقايق والحظ بقى لقينا الجنية المصرى شاحح فى السوق فقلنا بقى نشتغل على الدولار واليورو والاسترلينى أن أمكن على شان الى عايز يروح يتفسح ولا يروح للمراجيح ولا السينما على شان يغير جو والى عايزة تجيب لعب أطفال تلعب بيهم دبدوب ولا قطة حجر ولا بسيكلاتة بتنور وبتشتغل بالحجارة طبعا المشرفين والمراقبين دول ولادنا حنخليهم للأخر بعد ما نخلص صرف العيديات أن فضل ماشى حنصرف ليهم وان ما فضل يبقى ينتظروا للعيد الكبير الى جاى المهم هو باقى الأعضاء على شان مينشروش ملحنا فى قناة الحصيرة الهندية ... ودلوقتى الأعضاء نقلهم خشو برجلكم اليمين وكلة يقف فى أول الصف يا حلوين قدام يوميات الأعضاء وألى يخرج عن الصف حيتحرم من العيدية ,, شايفك يالى عايز تسبق دورك الكاميرا الخفية بتصورك خليك شاطر كدة وأسمع الكلام ولما تاخد العيدية أنصحك تحتفظ بيها للذكرى دى جاية من أيد عمو سيلفر وعمو هيثم وحودة وطنط منة وأسيبكم بقى مع العيديات كل وحد ياخد الى هو عايزة الحزنة عمرانة والحمد لله بسى الأول سمى الله وتوكل وخلى عندك قناعة فالحصانة كنز لا يفنى وخدها منى نصيحة خلى القرش الابيض ينفعك فى اليوم الأزرق.. طبعا كدة كلة خد عيديات العيد زى ما هو عايز على شان تعرفوا أننا بنحبكم وجبنا ليكم أكتر من عملة على شان تشكلوا فى العملات .. وكل عام وانتم بخير

[-esraa-]

ايه الكــرم ده كله ,,
بس برأيي وزعهم بالترتيب عشان مش ناقصين شهداء

عجبتني فكرة الفلوس اللي فوق دي : )

توبيك ظريف تسلم : )

[βÄşmα ♥]

عيد سسعيد علي حضرتك

موضوع جميل جداً والفلوس حلوه بجد

[موري كول]

حلوه اوي التصاميم دي فكرتها روعه تسلم الايادي

[sεηυσяιтα ησOση]

هههههههههههههه

كل سنة والكل بخير

[حَرفُُ هجآءّ]

سيبك من المصرى
وخلنى فى اليورو
كل سنه وكل اعضاء بنات مصر طيبين

[ابتسامة الزهر]

انا مش طماعة كفاية علية
دول بس



وكل سنة والجميع بخير

[العاشق الذى لم يتب]

كل سنة وكل الادارة بالف خيروصحة وسعادة
ومن قلبى اشكركم
واعاد الله عليكم الايام المباركات باليمن والبركات
وربنايجعل الخزنة مليانة دوما
مودتى

[Îäm-ñøt ßèst ßût Âm-dîffèrèñt]

دولارت يور استرلين احمدك يا رب هههههههههه


كل سنه وانتا وبقت الاداره وكل الاعضاء بخير

[جبل عالي]

يارااااااااااااجل ,,, أنا قلت هتوزعوا عيديات بحق وحقييييق


كام مشاركة على كام كلمة حلوة بحق الأعضاء


على كام وسام برضو من اللي بينور بس بجد

طلع الموضوع فشنك ياساااااااااااحر لالالالالالا

مكنش العشم ياإدااااااااااااارة

ههههههههههههههههههه

رخمة جبل دي قلتلككم ميييييييت مرة رحم الله إمرىء

المهم بجد تسلم الايادي طبعا ع الموضوع وجماله

ويكفي الشعور والإحساس ان في نية حلوة للعطاااااااااء

بس أهم حاجة منقربش للخزنة هههههههههه



كل سنة وانتم بكل الخير وعيديتنا بجد هو تجمعنا بالحب والخير

هي دي العيدية الحقيقية وهو ده العيد الصح بجد