( المقلب الـ 12 ) ( بقى دا كلام2 ) ( booody99 )

[morshooo]

بسم الله الرحمن الرحيم

اهلا بيكم جميعا

وحلقة جديدة من برنامجكم

( بقى دا كلام 2 )

ضيف النهاردة فتح قلبة على الاخر

والحلقة كانت من اطول حلقات البرنامج

اصل الضيف قال كلام كاتيييييييير

ضيف حلقة النهاردة

booody99



البــــــــداية :

طبعا كالعادة بعت رسالة خاصة للضيف

وقولتلة ان فى برنامج جديد انا منزلة

وبعتلة اعلان البرنامج عشان يعرف النظام اية

وعرفتة انى مستضيف ضيف وفى اخر سؤال

بينقد 3 اعضاء من المنتدى ومن حق الاعضاء دى

انها ترد على النقد او الكلام الى هيتقال عليها

طبعا الضيف وافق وبعتلة اول نقد وكان :

ودلوقتى مع السؤال الاخير

مطلوب منك توجهى نقد فقط لـ 3 اعضاء

الى هعرضهم عليكى دلوقتى مع العلم

ان هيكون ليهم حق الرد عليكى مهما كان

الرد هتوافقى على نزل المشاركه كامله .

الاعضاء هم :

3 / booody99

بودى من الاعضاء الى كانو مميزين جدا فى المنتدى
نقدى ليه ليه مش بيشارك معانا حاسه انه زعلان من حاجا
بس ساكت ومش عايز يكلم بشوفه كتير اون لاين
بس مفيش مشاركات ليه فياترى بيدخل يتفرج
والا الادارة عرفت تسكته خاصه وانه دائم الخلاف معاها
حاجا كمان بخصوص ارائه الدينيه دائما شايفاة متعصب
وكتير جدا بيقول كلام غلط ومقتنع بيه هو لوحدة
ودا شوفته بنفسى فى مواضيع كتير جدا فليه دائما
شايف انه صح وكلنا غلط دا نقدى ليه
وفى انتظار الرد .

طبعا الضيف كان من حقه يرد على الكلام دا

وفعلا رد وقال :

مورشو واحشنا والله هل من حقي اعرفها دلوقتي ولا بعدين
(بسم الله الرحمن الرحيم )
اشكر جدا الناقد لنقده البناء واسلوبه الراقي مع اني مش عارف مين هو
ودايما بحب الي يستفسر قبل ما يحكم عليا عشان حب ميفهمنيش غلط
انا الفترة الي فاتت كان عندي امتحانات مرهقة جدا لمدة شهر كامل فكانت مشاركاتي منعدمه
ده سبب والتاني الجو العام للمنتدى اصبح غير مشجع على المشاركة
بسبب المشادات والإستفزازت
الي أنا كمان بسقط فيها فتجنب المنتدى الفترة دي ممكن يكون افضل عشان المحبة تدوم
اما ان الأدارة تسكتني فالإدارة بحترمها كأشخاص طبعا ولكن الخلاف
في الآراء ده شيء طبيعي
ممكن يكون في عدم إنصاف او موضوعية ولكن ده ممكن بيخلي الواحد
غير مهيئ للمشاركة بحيوية
وانا بتعمد تجاهل مواضيع كتير حفاظا على العلاقة بالأعضاء لأن النقاش
لا يفسد للود قضية ولكن في ناس بتاخدها كشخصي
ولكن في مواضيع بتستفز فعلا بسبب المبالغة في التعدي على الآخرين
او تعمد التدليس وتزييف الحقائق لهوى النفس
في اعضاء محترمة هنا استفدت منها بالنصح كتير وفي اعضاء اتعلمت
من أخطائهم كتير بردو
ويمكن الفترة القادمة ان شاء نحاول نرجع تاني ان شاء الله
اما عن التعصب الديني زي ما وصفتني
انا الي يحكم بيني وبينك في المسئلة دي القرآن والأحاديث وآراء العلماء
واجماعهم سواء في الأزهر او غيره تمام كده؟
بس ياريت كان يبقى في مثال على موقف كنت خطأ فيه فعلا وأصريت وانتم كنتم صح؟
ممكن تقولي ده غرور ولكن كل انسان يصيب ويخطأ وانا بالتأكيد أخطأ ولكن
دائما لا اتكلم إلا بدليل قاطع وإلا فلا أصر
أنا واحد ديني عندي أهم الأولويات وأي شيء أقيسه على ميزان الدين اولا وهو ده المفروض أمال احنا مسلمين إزاي!
يمكن عشان كده ناس بتزعل بس الحق ميزعلش وياريت بجد الناس تتثقف في دينها اكتر
من كده عشان في ناس بتتكلم على حسب ما تسمع بس وبتسمح للناس تضحك عليها
وبعد كده تلومهم وينسوا يلوموا نفسهم على جهلهم بالدين وسمحوا لحد يضحك هليهم
ولكن اعرفي الحرام حرام حتى لو الناس كلها بتعمله والحلال حلال
حتى لو الناس كلها عارضته
ولكن انا عايز حد يجبلي من بدايتي هنا رأي ديني خطأ انا قولته ؟!
ده مش غرور بردو ولكن ده مجال دراستي بردو ومتخصص فيه بجانب دراستي الجامعية
وانا ضد تمييع الدين وكل واحد ياخد الدين على هواه ولكن نقد بناء اكيد بلا شك ولكن
لو سألتك تحبي اعمل ايه عشان مكنش متعصب؟عشان استفيد
والآراء الفكرية تختلف عن الدينية يعني الفكرية والاجتماعية طبعا مش على طول
صح فيها لأنها مش تخصصي ولا مجالي ولكن الدينية كل الي بعمله بجيب دليل وصاحب
الحق يكفيه دليل وصاحب الهوى لا يكفيه ألف دليل ولكن المفترض
لو كنن مخطأ يرد علي بدليل ايضا...
وأحب أختم بأبيات للإمام الشافعي...
أحب الصالحين ولست منهم...لعلي أن أنال بهم شفاعة
وأكره من بضاعته المعاصي...ولو كنا سواء في البضاعة
وفي النهاية أحب أن أشكر الناقد على أسلوبه الراقي والبرنامج الرائع من المتألق مورشو

يعنى ماشاء الله داخل يدافع على طول

عموما مكنش يصح انى اسيبه كدا

وبعتله كمان نقد لوز اللوز وكان .

دا رد بودى على كلامك
دلوقتى ليك الحق ترد اخر رد ليك
مع العلم بودى هيعلق على الكلام دا مرة تانيه

بص يا مورشو انا مازلت عند كلامى بودى بيدخل المنتدى
ومش بيشارك عشان الادارة مسكتاة ازاى الله واعلم
يعنى خايف يشارك ويقول رئية ممكن ودا اعتقد السبب .
الجانب الدينى لما رد دلوقتى فكرنى بالشيوخ بتوع
الفضائيات الى بيقولوة صح ومحدش يعترض والا يكون عدو الله
انا عايز اعرف حاجا هو انتا دارس دين والا ردودك كلها نظام بحث جوجل
زى ما الناس بقت بتعمل دلوقتى .
اتمنى بودى يرجع تانى زى ما كان من حوالى سنه
عضو نشيط ليه رئيه محدش بيسكته .
واتمنى ماتزعلش من كلامى
طبعا كدا خلاص دا اخر رد لبودى
ياريت بقى مايزعلش عشان بجد دا رئى فيه

شوفتونى وانا بقوله بحث جوجل

وان الادارة مسكتاة حلوة مسكتاة دى

عموما كان لازم اضايقه طبعا

بس تعالو نشوف رد وقال اية تانى :

طيب فرضاً الإدارة مسكتاني طيب عن ايه يعني مش فاهم...؟؟
وبعدين لما اتحظر عشان بقول رأيي هل ممكن تدافعي او تلومي الأدارة..؟
ولو قولت مسكتاني هتقولوا لأنك رأيك مخالف لوحدك
طيب لا كده نافع ولا كده نافع وبعدين...؟
انا حتى وان كنت متجنب للمشاركة بس عمري ما هكون زي الي بيطبل
ويصفق لناس معينة عشان أغراض معينة بردو اما مناصب او غيره
ودول معروفين اوي وبيتكشفوا مع اول خلاف شخصي الكل بيبان على حقيقته
وانا في المواقف الي بيتطلب فيها رأيي مش بسكت ولكن لو رأيت أنه مفيش
منه داعي فالسكوت من ذهب
اما عن تشبيهك فده لأنك مش فهمتي كلامي مش أكتر انا قولت أني مفيش انسان بيخطأ
ولكن لما بيكون في رأي ديني مش بيبقى من عندي ونفسي لا أنا بجيب
رأي الدين في المسأله دي وأنا بعلق عليه وببين كده
وطبعاً ليكي حق الأعتراض ولكن برأي ديني او اي رأي يستند إلى أدلة
مش من دماغك وخلاص
والحمدلله دارس وميمنعش الإستعانة بجوجل لما أكون مش عارف مسألة معينة
ولكن من مصادر موثوقة
ولكن بردو مش رديتي لو انا متعصب اعمل ايه يعني عشان ابقى غير كده ؟؟؟
انا بيتقالي طائفي متعصب اخواني سلفي اسلامي معارض متشدد
متأسلم ليبرالي و...و...و... وتقريباً كل الألقاب دي سمعتها عني هنا
ومش هتفرق معايا كل واحد يقول الي هو عايزه انا في الآخر واحد من الناس بحب ربنا
والرسول والإسلام ومش بكره إلا الي بيعادي إسلامي زي أي حد مسلم
وعذراً على الإطالة



احبيبى ابودى قال يعنى الواد مش مضايق ههههههه

تعالو نشوف عرفته ازاى انه مقلب

وقولت كفاية علية كدا .

بص يا مورشو
انا قولتلك دا عضو مش هيقتنع بالحوار
والى فى دماغه مش هيتغير عموما عرفة انا مين
والا اقولك انا هعرفة انا يا بودى












morshooo

اولا دا مقلب صغير كدا

حبيت اقولك كل سنة وانتا طيب

ومفيش برنامج والا حاجا واعلان البرنامج

دا عشان اظبط بيه المقلب

تحب تقول اية لاعضاء المنتدى ؟

وماتعرفش حد انى عامل مقلب .

تعالو نشوف بعد الصدمه الضيف قال اية



ايــــــــــــــــــــــــــــــــــــــــــــــــ ـــــــــه
طب يا جدع قول عايز تذيع قول ذيع مش عايز تذيع متذعش
عملتها فيا يا مورشو بس بعد الرد التاني شكيت حتى كنت هقولك لأنه
مش نقد خالص هههههههههه
يعني شربتها أنا كده لا وعبدالله ده بيخنقني كمان بصراحة كنت كده
بس لما نزلت لقد وقعنا في الفخ
احب اشكرك جداً يا غالي وقولك الف الف مبروك يا عريس وربنا يتمملك بخير
وربنا يخليك مجمعنا على السعادة والخير دايماً
والمقلب بصراحة تحفة انا دخلت وقرأت عنه وصدقت يا جدع
ولكن مورشو مش سهل يا جدعان
وكل سنة وانتم طيبين وبمناسبة شهر رمضان احب اقول للكل يارب تبقوا في احسن حال
واحلى حاجة في رمضان ان المسجد بيجمعنا وبنفطر سوا انا واخويا وبتحس
كده بالحب بجد
الليبرالي بعد المظاهرة جايب بلح بيدخل يصلي في المسجد الي إمامه سلفي كان بيلقي
محاضرة وجايب حلويات وبيقدمله العصير الأخواني الي كان بيدافع عن رئيسه ويفطروا
سوا وييدعوا ربنا يغفر ليهم ويدخلهم الجنة وبينسوا كل الخلافات الي بينهم ونحب
بعض بجد بقى هو ده رمضان الي بعد قبل ما افطر مع اهلي بجيب الي عندنا واوزع
على جاري محمد و مايكل وقبل ما ارجع بيكون أسامه و جون لسه جايبين حاجة
نحلي بيها وانزل اصلي التراويح واشوف ان كلنا واقفين قدام ربنا سواسية
والكل صف واحد مفيش حاجة بتفرقهم هو ده رمضان وياريت السنة كلها رمضان
هو ده رمضان الي بيوحد المصريين بعد الفرقة الي دمرتنا وياريت كمان هنا في المنتدى
يكون كده ننسى بقى جو السياسة المقرف وندخل في جو رمضان بقى ونستقبله بقلوب
صافية لكل الي زعلانين منهم ونتسامح ونستغلها فرصة جميلة بجد ويارب يتقبل منا صالح
الأعمال واحب اقول حاجه اخيرة على فكرة كل المسلسلات والبرامج والحاجات دي بتتعاد
بعد رمضان..! ولكن هل الصلاة والتروايح والقيام وقراءة القرآن والأعمال الخيرة
في الشهر الفضيل بتتعاد..؟!
متخليش حاجه تشغلك عن الشهر الكريم وربنا يوفقنا يارب
بشكرك جداً يا غالي على استضافتك والدش الي خدناه ده وربنا يارب يسعدك
زي ما بتسعدنا

وبكدا بيخلص مقلب النهاردة

لسة فى مقالب تانية

ماتقلقوش ( لسة الى جاى احلا )

قبل ما انسى

( كل سنة واعضاء المنتدى الغالى بخير )

تحياتى

[طمطم]

لا مستفز مستفز يعنى ده انا نفسى اتنرفزت =))


تعيش وتأكل غيرها ي بودى


كالعادة احسنتْ ي احمد :d


..

[سهـــر]

ايه الأستفزاز ده
تعيش وتاكل غيرها ي بودي
تسلم ي ابيه

[عاشق متيم]

الصراحة مقلب لطيف وبالذات انك كنت بتوجه نقد فى نقطة معينه وهو اجابته على اول نقد كانت حلوة ولكن السؤال التانى ابتدى يضايق ولو كنت سألته كمان سؤال كان اضايق واتنرفز اكتر ؛ حلو المقلب وفى انتظار الحلقات الجايه

اقتباس ناس بتزعل بس الحق ميزعلش وياريت بجد الناس تتثقف في دينها اكتر من كده عشان في ناس بتتكلم على حسب ما تسمع بس وبتسمح للناس تضحك عليها وبعد كده تلومهم وينسوا يلوموا نفسهم على جهلهم بالدين وسمحوا لحد يضحك عليهم ولكن اعرفي الحرام حرام حتى لو الناس كلها بتعمله والحلال حلال حتى لو الناس كلها عارضته وانا ضد تمييع الدين وكل واحد ياخد الدين على هواه

عجبتنى الاجابه دى جداااااااااااا

اقتباس صاحب الحق يكفيه دليل وصاحب الهوى لا يكفيه ألف دليل

جميل انك استعنت بكلام الالبانى بس كنت كملت المقوله (طالب الحق يكفيه دليل و صاحب الهوى لا يكفيه الف دليل الجاهل يتعلم و صاحب الهوى ليس لنا عليه سبيل )
رحمه الله هذا العالم وجزاه خيرااا على العلم الذى نقله لنا

[-esraa-]

هههههههههههههه
بودي كده يبقى تاني عضو تجيبه في البرنامج ده وبيخفي غضبه نرفزته : )

حلوة الحلقة ,,
بانتظار الضحية التانية : )

[حَرفُُ هجآءّ]

عجبانى الحلقة اووووووى
بودى
من الشخصيات اللى اكن لها كل الاحترام والتقدير
رزين .. ارأئه ثابتة لان اساسه ثابت
ربنا يوفقك بودى ويقويك على قول الحق دائما

احمد الحلقه حلوه تسلم

[جبل عالي]

بجد بجد بجد عبدالله من الشخصيات الراقية لأبعد حد

واسمح لي ياعبدالله لك كام جملة في عرض الحوار

ملهمششششششششش حل بجد والله

ربنا يكرمك ويتقبل منك ويوفقك بحياتك ياااارب

مقلب لوز على رايك يامورشو

موفقين يااارب دايما وننتظر جديدك دوما

[M@HMOUD]

حلقه جميله
كل سنه وانتم طيبين
بالتوفيق

[sεηυσяιтα ησOση]

حلقة جميلة كالعادة

موفق ان شاء الله

[ساحر الأحزان]

فكك منة بودى

هو دايما مستفز

حتى من غير حاجة بيعصب الى قدامة

بكلامة

نورت بودى مع مرشدى