زوجه فى مأزق ( مشكله واقعيه )

[الأميرة رودي]

السلام عليكم


عاملين ايه بعد العيد

المهم بئى ,,

فيه مشكلتين لآتنين من صديقاتي
هناقش واحده دالوقتى والمشكله التانيه ف موضوع تاني

المشكله دي لمستها عند كتير من الناس
أو بالتحديد فى كتير من العقــول

وهي عمل الزوجه وتكمله تعليمها لآعلى مراحل
مأزق بتقع فيها أغلب البنات وخصوصا المتفوقات فى دراستهم
البنت بيكون طموحها كبير ومش بينتهى عند شهاده الجامعه
بتكون عاوزه تكمل وتدرس وتاخد أعلى الشهادات ومن بعدها تبدأ رحلتها فى الحياه العمليه >> وطبعا ده من حقها كأنسانه مثقفه ومتفوقه دراسيا
لكن بتقابلها مشكله كبيره
بتقع فى فخ الحيره والتضارب اللى جواها مابين طموحها اللى عاوزه تحققه ومابين عقليات بعض الناس اللى شايفه ان ده غلط
وانها بتأثر على بيتها وولآدها (( ده فى حال لو كانت متزوجه ))
ولو قررت البنت انها تأجل موضوع الزواج لـ بعد تحقيق هدفها ده
ساعتها برده نظره المجتمع منش هترحمها وهينطبق عليها مسمى ( العانس )
وكلنا عارفين ان فيه سن معين بتوصل له البنت وبعد كده لو أتأخرت شويه فى الزواج يقولو دي عنست !!

ماهى دي أزمه عقول برده ..

مش ده حرام ؟

لما يسلبو منها جميع حقوقها فى العمل وتكمله التعليم و الزوج نفسه تلاقيه بيرفض الموضوع نهائي
وأول كلمه هيقولها ليها ( بيتك وولادك أولى بيكي )
بحس انه اعتراض ورفض لمجرد الرفض

دي مشكله واقعيه >> يعني محتاجه مناقشه وحلول موضوعيه ..

تعمل ايه البنت دي تتخلى عن حلمها وطموحها وتدفن تفوقها اللى كانت بيه طول السنين عشان فى الاخر تبقى ست بيت تربي اولآد ف المستقبل ؟؟

ولآ تتصرف ازاى مع زوجها اللى هو اصلا مش مقتنع بالفكره ومش عاطي فرصه لنفسه يتناقش معااها !!

وفى حاله لو كانت لسه ماتجوزتش تعمل ايه .. تكمل تعليمها وتحقق هدفها ويطلقو عليها اسم عانس ؟

ولآ برده تتزوج عشان ترضى المجتمع وترحم نفسها من نظرات غبيه ؟


منتظره أرائكم

[big bốss]

لو هى عايزه تهتم بحياتها العمليه و مستقبلها المهنى

و شايفه ان دا اهم من تكوين اسره و تربية جيل

يبقى مش تتجوز و تعيش بحريتها و مش تظلم زوج و اولاد معاها

دا جنون الى تفكر ان الشغل اهم من اسرتها و اولادها

و مستحيل الاتنين يجتمعوا مع بعض لانك لازم تظلمى حد فيهم على حساب التانى

الشغل دا مرفوض تمامأ

[جبل عالي]

معقووووول ؟؟؟ لسه في ناس بتفكر بالعقلية دي لسه ؟؟

مممممممممم

اولا ياقلبي ...... لو البنت لسه مارتبطتش فده امر سهل

بتكمل على قدر ماتقدر واول مايكون فى ارتباط بتتفاهم معاه

وبيحصل اتفاق مابين الاتنين وتنسيق ....... وده بيحصل كتير

أما لو متزوجة بئا هنا في حلين .... الاول لو مفيش اطفال

برضو بالتفاهم والحب بيقدروا يوصلوا لنقطة التفاهم مع بعض

لو هو متمسك اوي بيقدروا برضو يوصلوا لحل وسط

والحل التاني .... لو في اطفال هنا في وقفة وعلى فكرة يعني

الوقفة دي مش من حد الا منها هي نفسها لأن الأم لايمكن بأي حال من الاحوال

تدور على مصلحتها وتهمل طفلها مهما كااااااااانت ايه

المهم ان لو بتكمل هتكمل في بيتها .... ولو موظفة هتاخد اجازة مش معضلة يعني


وبعدين في حاجة مهمة جداااااااااااااا

العصر ده يابنتي عصر الرجل والمرأة مع بعض

بمعنى مفيش حياة ولا بيت يقدر يمشي الا بالإتنين مع بعض

ومحدش يقول لا .... لان لو الست مش بتشتغل يبقا اكيد لها مصدر

ميراث مثلا ولا فلوس بالبنك او اى مجال المهم انها بتساعد فى بيتها وبس


والأهم من ده كله ياجماعة ان شغل المرأة احيانا كتييييييييييييييير

بيغنيها عن انها تلجأ لحد لو زوجها لاقدر الله توفى أو تركها يعني


من الآخر المشكلة دي أصبح لها حلول كتير وطرق عند الناس

واتفاقات معينة بحيث يكون كلا الطرفين في رضا تاااااااام


تسلمي يارودي لتواجدك الجميل بيننا

تحيتي ودعواتي للجميع بالتوفيق

[✿ Celiηα]

من الأول الموضوع سهل جداًاً
اللي بيتقدملها تعرض عليه المشكلة :
انا بعد الجواز من اولها كده هشتغل ولو مش عاجبك منرتبطش
من الأول ولو اتجوزنا وغيرت رأيك هيبقى فيه كلام تاني
ولو ملقتش حد موافق عالنظام
انا عن نفسي بناقصها من الأول مستقبلي هو الأهم
ومش بهتم بكلام الناس عانس وبتاع

[SiLver Spectra]

تتجوز و تكمل طريقها ..و يكون دا اتفاق واضح من قبل الزواج
و على فكرة ..ارتباط الزوجة بالعمل و المشاغل بيخلي المجتمع اكثر نضجا و بيقلل من الجهل و الفراغ الناتج عنه

فرق كبير بين الزوجة العاملة و الزوجة اللي مركونه في البيت من حيث العقلية
الاولى بتكون اكثر تحضرا و معاصرة الدنيا فيها ايه و مطلباتها . اكثر بكتير من جليسة البيت

[سنابل مجروحة]

نحن في عصر الماديات

وفي زمن أن راتب الزوج وحده لايكفي


فمن حقها أن تعمل حتى تضمن الرفاهية لأولادها مستقبلا


مادام أنها تعلمت فمن حقها أن تعمل


وأما قضية تربية الأبناء فلايوجد إشكال


هناك أناس ذوي ثقة سواء أقارب او جيران


يمكنهم الإعتناء بهم لفترة بمقابل


وإن خافت أن تكون عانس فالزواج قسمة ونصيب


وأكيد يجي يوم ويتقدملها واحد يقبل عملها

[حلاتر]

مشكوووووور والله يعطيك الف عافيه

[عطر اللافندر]

عن تجربة

أهم حاجة تعليمك ومستقبلك والباقى على الرف

عن نفسى كنت على وشك الزواج

وأجلت كليتى

وفى الاخر ما حصلش نصيب

وندمت ندم العمر على التأجيل

ما فيش حد يستاهل التضحية

هى ممكن تتفق مع خطيبها انهم يتجوزا ويأجلوا موضوع الأطفال شوية

مش عاوز

بالسلامة فى غيره

[مِسكُ الشَهادة]

أنا من وجهة نظري الشخصية كخالد :_
أعتقد أن الشهادة العلمية مهمة جدا ً للإنسان
ومهمة للفتاة أكثر من الشاب ...ففيها ضمان حتمي
لمستقبلها القادم إذا تم تجاوزات معينة لا قدّر الله ...
الأجمل في هذا الموضوع لو كانت متزوجة أن يتم توافق
ما بينها وبين الزوج لإكمال تعليمها لأنه حق لها كفله الدين
والإنسانية ... من حقها أن تتعلم وأن تحقق طموحها الذي حلمت به
بينما لو كان الأمر يتعلق بوظيفة أو شغل ما بعد الدراسة
هنا أيضا ً لا بد من إستحضار التفاهم ما بين الزوجين
وأن يكون هناك صدر رحب لدى الزوج وعقلية منفتحة
أكثر من اللازم وفي المقابل أن يكون لدى الزوجة تنسيق
وإرادة لعدم التقصير في زوجها وبيتها ... فلو خرج كلاهما بهذا الشعور
وتفهم كل منهما وجهة نظر الآخر بأدب وود ...فهذا قمة الروعة والرقي
بينما لو كانت غير متزوجة
فالأفضل لها أن تكمل تعليمها وأن تجني ثمار جهدها وان تمضي للمستقبل
بقوة إرادة وعزيمة وأن لا تعطي أي إهتماما ً لرأي الناس طالما أنها لا تفعل أمر
سيء بل إنها تفعل أمر حث عليه القرآن والسنة ...
وقصة الزواج والعنوسة وكل ذلك بيد ِ الله عز وجل
يعني لو البنت دي مكملتش تعليمها وفضلت في البيت حتتزوج
بالعكس في بنات كتير بيمضي عليها الزمن وبتفضل في البيت تنتظر
فارس الاحلام كما يسمى وتخسر كل شيء
لا تعليم ولا زواج ولا مستقبل وضمان حقيقي لحياتها
لان ذلك كله بيد الله
الله يقول لك توكل ولا تتواكل وهناك فرق شرعي بينهما
التوكل هو السعي والاخذ بالاسباب
بينما التواكل هو ان تجلس في البيت وتقول مهوا الرزق ع الله
نعم الرزق ع الله ولكن لا بد لهذا الرزق من سعي
فالخير من الله والشر من انفسكم
وللعلم الشهادة العلمية مهمة جدا لفتاة سواء اكانت متزوجة ام لا
فكلاهما ضمان لها ولمستقبلها
لانه لن يخلد لها زوج ولا اب ولا ام
ولا تعلم ما تقلبات الايام ...
موضوع رائع جدا جدا يا سارة
دمت بخير

[Aya 7ekaya]

والله ي رودى انا اعرف ناس العكس خالص يعنى من شروطه قبل الزواج ان البنت تشتغل وتساعده علشان يستغل مرتبها او يوفر على نفسه انه يصرف عليها
اما بالنسبه للعكس اللى انتى بتتكلمى فيه ف دى عقليات متخلفه بس فى ف بعض الاحيان ممكن يكون الزوج حالته الماديه كويسه وبدافع الغيرة كمان مش بيوافق على عمل زوجته بس ممكن يوصلها لنظريته دى بطريقه يحسسها فيها انها ملكه ف بيتها وانه هو المسئول عنها وعن كل متطلباتها اما اللى المسئلهعنده تحكم وفكر راسخ بدون اسباب ف ده اسمه جهل بس ده بالنسبه لفكرة العمل

اما التعليم ف ده من حق اى بنت مش معقول انها تدرس كل ده وف النهايه يقولها لا اقعدى وكفايه ده مش تفكير سليم وانا عن نفسى رافضه المبدأ