اين الحقيقة ..؟؟؟

[Lamees]

في رمضان شهر التقوى والأحسان شهر الصدقات والزكاه
شهر فعل الخيرات والعطف على المساكين واعطاء الفقراء والمحتاجين
كلنا نحب فعل الخيرات في شهر رمضان ونسعى جاهدين لعمل الخير
أكيد مش من باب المظاهر ولكن من اجل ابتغاء وجه الله الكريم
والطمع في رحمته وعفوه ورضاه وغفرانه
ولكن مارأيت في هذا الشهر من الفقراء
شيء بشع لا يصدق ولا يتفق مع نفوس الفقراء والعفة
والكرامة والحياء
رأيت بنات شابات ويحملون طفل رضيع يتسولون به
وهو ليس طفلهم من الأساس كما ان من يطرقون الباب بالعشرات
ويطلبون المال بكل وقاحة ومنهم من يمسك في ملابسك في الشارع
ومنهم من يتمسح بكي وناقص يفتح شنطتك ومنهم من تعطيهم المال
وينظرون اليه ولا يرضيهم طمعاً في المزيد
وما ادهشني أكثر وأكثر ان ابناء هؤلاء المتسولين ومن يجمعون الزكاه بحجة احتياجهم
هم نفسهم من يشربون المخدرات والمكيفات ويتم بالفعل القبض عليهم
ومن هؤلاء ايضاً من رأيتهم يشترون من السوبر ماركت كمية حلويات وشكولاتات
لا استطيع انا شرائها لغلو ثمنها ومنهم الالعن من ذلك في الصباح بملابس
وفي المساء برنس وبرنسيسة ما هذا لا ادري
لقد اختلت الموازين في عقلي يا ترى من يستحق المال
ومن هو من الأساس الفقير اصبحت لا اعرفهم ولا ادري
هل نحن ننفق في المكان الصحيح ام زكاة اموالنا تذهب هباء

اتمنى ان تشاركوني الرأي ..~

روني

[جبل عالي]

تساؤل مهم وفي محله بالفعل غاليتي

المفاهيم والصور كلها أصبحت مغلوطة

وغير واضحة نهائي ..... ولا عجب

أصبح الكثيرين يمتهن تلك الطريقة في أيام معينة



الحل ان نحاول ان نعرف ونلمس الحالات التي تجاورنا

هنا او هناك ونتأكد ونرى بأعيننا حتى تكون الزكاة بمحلها

ولا يغرك ما ترينه فربما مارأيتيه هو نوع من التعويض

من لبس وشراء ببذخ ربما هو يوم او يومين فى السنة كلها

لاتحسبي الموضوع من زاوية صغيرة او من مشهد ما


ربي يحفظك ويتقبل منك زكاتك وصيامك ان شاء المولى


نورتي القسم يارونة بروحك الجميلة والراقية

تحيتي ومودتي

[™Amiliya]

كثير مايختلط علينا الامر ولكن في مؤسسات خاصة بجمع الصدقات والزكاة والتبرع
وجمعيات معتمدة مصداقيتها تقوم بتوزيعها بالشكل الصحيح اعتقد من الافضل وتسهيل الامر علينا
وعدم اللخبطة هي ان نعتمدها لديهم للبعد عن الشبهات

لان معظم من يتسولون في الشوارع وفي الميداين والاسواق وامام ماكينات الصرف الالي
في اعتقادي انهم لا يحتاجون غير العمل وليس الصدقة لان معظمهم قادرون ع العمل وليس التسول

الفقراء يتعففون عن فعل مايحدث في زمننا

وكل عمل بالنوايا اختي وان حدث واخرجتيها لاحدهم احتسبيها صدقة والله اعلم

[Aya 7ekaya]

الموضوع انتشر بصورة كبيرة
بدأ من كام سنه وبيتزايد بكل وقاحه زى مابتقولى
اللى بيستحق الاموال شخص فقير حياءه بيمنعه من انه يطلب او يم ايده
ودى فى جمعيات خيريه متخصصه ان توصلهم الاموال

[SiLver Spectra]

بصي ..براي انا شخصيا ان احنا اللي نمينا ظاهرة التسول دي في المجتمع
المفروض الزكاة و التبرعات تكون بشكل منظم و يتم اعطاءها للمنظمات و الجمعيات الخيرية اللي بتكون مسؤوليتها هو ايصال الحاجه للمحتاج او تقديم خدمات ليهم

لكن موضوع انك تدي فلوس لاي حد ماشي في الشارع بيخبط على ازاز عربيتك و لا بيجيلك البيت خلق نوع من التساهل بالنسبة للناس دي و خلاهم يعتبروها شغلانه ..
و دا كلو ادى الى انتشار التسول ببجاحه

[~♥ Queen sozan♥~]

انا شخصيا مش بدى حد من الشارع لو لح علية ممكن اقولها
بدال التساول لو عيزة تشتغلى روحى المكان الفولنى فى شغل افضل
لان اكتر اللى فى الشارع مش يستاهلو ولو اخدو الفلوس بيستخدمها غلط
فى التعاطى وغيرة .. وطول ما احنا بندى ليهم عمرهم ما هيسيبو الشارع

[الأميرة رودي]

التسول بقى مهنه لكتير من الناس
للآسف يمكن البطاله ساعدتهم على مد ايديهم فى الشوارع
كمان احنا شعب عاطفي بطبعنا يعني اى حد يقول كلمتين بمسكنه يصعب علينا ونديه اللى معانا
حتى لو هو بيكدب ومش محتاج

هحكيلك بقى مثال غريب للتسول
انا أعرف شخص مقتدر وميسور ماديا وبيطلع بلآد حوالينا يشحت ويرجع أخر النهار
كان فاكر ان محدش هيعرف من اهل البلد لكنه انكشف وببساطه لآن ناس من البلد شافوه فى بلآد جنبنا
هتستغربي اكتر لما تلآقي له أولآد معروفين وأصحاب مكانه اجتماعيه كويسه
منهم واحد مهندس والتاني بيشتغل مدير فى شركه أدويه
لما المهندس عرف الموضوع ده ولقى سيره والده على كل لسان ساب البلد وأخد زوجته وولآده وبعد عن هنا
لآنه حس بفضيحه وباهانه من نظره الناس ومن الكلآم اللى كان بيتقال طول الوقت

استغربت وسألت نفسي لما يكون راجل فى كامل قواه العقليه وميسور الحال ومرتاح ماديا
وولآده شخصيات محترمه
ايه اللى يخليه يعمل كده ؟

فعلا جاجه مستفزه وخصوصا لما تلاقي النسبه بتزيد سنويا

بتمنى ان الحكومه تسعى بأي طريقه للحد من الظاهره دي

[Lamees]

اقتباس المشاركة الأصلية كتبت بواسطة جبل عالى تساؤل مهم وفي محله بالفعل غاليتي المفاهيم والصور كلها أصبحت مغلوطة وغير واضحة نهائي ..... ولا عجب أصبح الكثيرين يمتهن تلك الطريقة في أيام معينة الحل ان نحاول ان نعرف ونلمس الحالات التي تجاورنا هنا او هناك ونتأكد ونرى بأعيننا حتى تكون الزكاة بمحلها ولا يغرك ما ترينه فربما مارأيتيه هو نوع من التعويض من لبس وشراء ببذخ ربما هو يوم او يومين فى السنة كلها لاتحسبي الموضوع من زاوية صغيرة او من مشهد ما ربي يحفظك ويتقبل منك زكاتك وصيامك ان شاء المولى نورتي القسم يارونة بروحك الجميلة والراقية تحيتي ومودتي

أكيد طبعاً لازم نتأكد ان زكاتنا في مكانها
وده والله بنحاول نعمله وبنسأل عليه
عشان نختار من يستحق اكثر من التاني
وفي النهاية بقى الكل بياخد
وربنا بقى اعلم بالنوايا
وربنا يتقبل منا
آمين

شكرا جبل لمرورك والنور نورك حبيبتي
ولا تحرميني فرحة وجودك
روني

[اندرسون]

بنسنه المتسول فهو يظن ف نفسه ان المال الذي ياخذه منك هو حقه وانه راتبه الشرعي وهي دي المصيبه
امابنسبه للفقير الذي يسنحق المال فقد وصفه الله قال تعالي(و ﻳﺤﺴﺒﻬﻢ ﺍﻟﺠﺎﻫل ﺍﻏﻨﻴﺎﺀ ﻣﻦ ﺍﻟﺘﻌفف)
اما بنسبه للمال الذي ننفقه لن يذهب هباء لانه ف سبيل الله قال تعالي( ﺇﻧﻤﺎ ﻧﻄﻌﻤﻜﻢ ﻟﻮﺟﻪ ﺍﻟﻠﻪ ﻻ ﻧﺮﻳﺪ ﻣﻨﻜﻢ ﺟﺰﺍﺀ ولا شكورا)
ولكن علينا
ان نتاكد من ان زكاتنا ف مكانها الصحيح

[Lamees]

اقتباس المشاركة الأصلية كتبت بواسطة رائحة القهوة كثير مايختلط علينا الامر ولكن في مؤسسات خاصة بجمع الصدقات والزكاة والتبرع وجمعيات معتمدة مصداقيتها تقوم بتوزيعها بالشكل الصحيح اعتقد من الافضل وتسهيل الامر علينا وعدم اللخبطة هي ان نعتمدها لديهم للبعد عن الشبهات لان معظم من يتسولون في الشوارع وفي الميداين والاسواق وامام ماكينات الصرف الالي في اعتقادي انهم لا يحتاجون غير العمل وليس الصدقة لان معظمهم قادرون ع العمل وليس التسول الفقراء يتعففون عن فعل مايحدث في زمننا وكل عمل بالنوايا اختي وان حدث واخرجتيها لاحدهم احتسبيها صدقة والله اعلم

اه طبعا بعلم بأمر هذة الجمعيات والمؤسسات
ولكن اين نذهب من هؤلاء الناس من ينتظرونك
واول ما يلمحونا يجرون علينا وكأننا علينا لهم دين
وأكيد نحن نحتسب الأجر والثواب عند الله
وربنا أعلم بالنوايا

شكرا لمرورك يا قمر
اسعدني تواجدك
روني