كن جميلا ومنتميا

™Amiliya · منذ /08-12-2013, 09:30 PM

كن جميلا ترى الوجود جميلا

جملة بنرددها كتير وبنسمعها اكتر من توصيات الاخوة الي بيتورطو معانا في حكايانا لما نحكيلهم الي جرالنا
واحباطتنا في البشر والي حوالينا وقد ايه كرهنا نفسنا وتقلبلا الناس وتغيرهم
كرهنا كل حاجة سياسة واحوال اقتصادية فقر وبطالة وتمرد وانت مع ولا ضد
حاجات كتير حوالينا يا تكون يمين ياشمال لكن تكون وسط يبقى انت غير منتمي

يعني ايه انتماء انتمي لايه بالظبط ؟
انتمي لاحزاب سياسية ولا احزاب عرقية ولا احزاب دينية؟
انتمي لاهل امي ولا اهل ابوية؟
انتمي لبعض من زميلي في الشغل الذكور ولا الاناث؟

انتمي لمين في واقعنا الحالي
وهل عدم الانتماء مريح؟
مريح لو الناس سابوك في حالك
او سابولك حق الانتماء
حق الرد
وحق الصد

مين فينا دلوقتي عايش بحرية التنفس
طيب حرية السمع
حرية الغذاء
حرية السفر
حرية التكلم

مين فينا محوليش الي حواليه يسكتوه بطريقتهم
في البيت اهلك ممكن يمارسو عليك الحق دا
في الشارع في الف صوت هيعلى على صوتك وهتسكت

في مدرستك او كليتك حق الصوت العالي لمديرك حتى في شغلك رئيسك المباشر
له حق الصوت

ويوم مأخدت حق الصوت لنفسك وقفت في كورنر بتفكر انت صح ولا غلط
ولا مع الي ماشي هتمشي
ولخبطة كتير بدخلك في داير وتلف في دواير لا ليها اول من اخر

ليك حق الصمت دا من حقك لان السكوت مش مزعج
هيتقال عليك متخاذل
وهيتقال عليك غير منتمي
وغير وطني
وغير ..... الف معنى وراها ولقب ممكن تاخدو

ليك حق الرد بس حاول تدور الوقت المناسب للرد
ومش اي رد هيتسمع
في ردود لازم تجهزلها عشان ترضي اصحابها وتيجي على نفسك عشانهم
وعشان تحافظ على علاقتك بيهم
مين الاهم في نظرك لي هترد عليه ومين الاهم الي هتسكت عشانه

مفيش اهم منك
يوم متقرر حاول تعرف مع كل التوهان تتعلم ازاي تنمتي لانسانيتك قبل اي انتماء تدور عليه
كن انسان
وكن جميل ترى الكون جميلا

-

ايميليا
12-8-2013 الساعة 10م

طمطم · منذ /08-12-2013, 11:33 PM

انسانية !

الكلمة دى بقت شبه كلمة " التضحية " ,, م الكلمات اللى مش بتلاقيها غير ف الروايات وبس ,,

تقريبا كده والله اعلم الناس قلوبها اتحجرت ,,
حصلنا تغيير خلانا بنشوف الحياة طريقين ,, اما معايا او ضدى

غير كده تبقى انسان متلون وملكش كلمة !

ربنا يشفينا بجد لان اللى احنا وصلناله ده .. مرض..,

Lamees · منذ /08-13-2013, 05:26 AM

وعشان احاول ارضي من حولي واحاور كل الاطراف
مش هقدر ليه لان ارضاء الناس غاية لا تدرك
فخليني احسن في قناعاتي
اريح لي ولمن حولي

كنت هنا
روني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كن جميلا ♥ ..	مهستر الله يستر	مواضيع عامة - ثقافة عامة	5	02-24-2013 03:23 PM
كم كنت جميلا يا صديقى	dr.K!tKat	منتدي ابداعات الاعضاء الادبية	17	10-31-2012 01:30 PM
كن جميلا كل يوم	ملكة الهدوء	عالم الرجل - ازياء - موضه - ماركات	6	07-15-2012 03:08 PM
ليس كل جميلا محبوب ..	ozy	مواضيع عامة - ثقافة عامة	6	12-05-2010 02:06 AM
كن جميلا ترى الوجود جميلا	روقة	مواضيع عامة - ثقافة عامة	8	05-25-2009 08:43 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

كن جميلا ومنتميا

فضفضة الأعضاء