احلامنا المكسورة

[ابتسامة الزهر]

أه يازمان عملت فينا ايه بدلت احلامنا الجميلة ليه جينا الحياة والضحكة جوانا وشوفنا اللى فيها لقيناها كرهانا بيقولو الشباب ضاع من أيدينا بتلوموا فى الأيام والسبب فينا اسألو هتلاقوا الف صرخة من برىء ليه صوت الحق ضعيف ؟ ليه صوت الباطل جرىء ؟ ياناس اصحوا فاضل خطوتين ونبقى كده مماليك لا لينا صوت فى الكون ممسوحين لازم تعلمونا أزاى بنحب بعضينا علمونا نمسك بدل السلاح قلم ونخط بيه فوق الحياة فرحة أدونا الأمل بكره وقولوا شجرتنا ساعة الربيع طارحة وأن يوم ما لاقى أحلامى مكسورة هلاقى أيد تداوى نفسى اللى مقهورة هاتوا ايدكوا كده واتجمعوا كتر الكلام لكن حرام مره اسمعوا الحل قدامنا واحد مافيش غيره الحق لازمله قوة عشان يرجعه وقوتنا مش بس كلمتنا لكن فى وحدتنا ياناس اتجمعوا

[♥SaRa]

ـكلمات رائعة ابتسامة
ابدعتي فيها حقاً
ويا ليت من مجيب يجيب هذة الطلبات
ولكنهم اذانهم صمآء لا يسمعون الا علي هواهم
وكلماتك بها جو من التفاءل والامل
دمتي بأبداع وانة ليس بجديد عليكي
تقديري لكلماتك+نجومي+ودي الشديد

[Caramilla]

كلمات جميله جدا يا قمر
تسلم ايدك

[™Amiliya]

صدقت كلماتك واحساسك

[Lamees]

أكيد احنا محتاجين اننا نتجمع من تاني
عشان نقدر نعيش في حب وسلام
ابدعتي ابتسامة الزهر
كنتي رائعة حقاً
روني

[جبل عالي]

اصرخ ياقلم وقول ع القلب الموجوع

على قلوب ملاها غضب ووصل مقطوع

اصرخ ونادي فوقوا ياصحاب القضية

وطننا واحد وديننا الدم فيه ممنوع

[العاشق الذى لم يتب]

صرخات وانات
وانين وحزن وألم
ليه وليه وليه
بقينا كده ليه
ليه كرهنا بعضنا لييه
ليه بنقتل بعضنا ليه
ليه تغيرنا
لييه تكالبنا
ليه خسرنا نفوسنا واخلاقنا
ليه هونا على بعض ليه
آه ياختى
كم فى القلب من هم واحزان
ثقيلة حملها
ولكن
سويا ندعو الرب الكقدير المقتدر
ان يرحمنا بلطفه
شكرا لك
شاعرتنا ومشرفتنا
بارك االله فييك
مودتى

[ويبقى الأثر]

اه ياقلبى يامسكين موجوع
عينى بتزرف دم بدل الدموع
حزينه عليك ياشعب بجد
ليه صوتنا مخنوق ومش مسموع

يارب فك الكرب انت عالم بالحال


احسنتى غاليتى حروف حزينه مليانه شجن
تحياتى لقلمك واحساسك العذب
ولروحك كل ود

[المنسي في الحياة]

اسمح لي ابدي اعجابي بقلمك وتميزك واسلوبك الراقي وتالقك

[ابتسامة الزهر]

اقتباس المشاركة الأصلية كتبت بواسطة ana banota baskota ـكلمات رائعة ابتسامة ابدعتي فيها حقاً ويا ليت من مجيب يجيب هذة الطلبات ولكنهم اذانهم صمآء لا يسمعون الا علي هواهم وكلماتك بها جو من التفاءل والامل دمتي بأبداع وانة ليس بجديد عليكي تقديري لكلماتك+نجومي+ودي الشديد

ان شاء الله القادم يكون احسن
نورتى متصفحى على هذا
المرور الرائع والذى اسعدنى