محتارة بجد

السلام عليكم
انا عايزة مساعدتكوا لو سمحتوا في مشكلتي بجد محتارة فيها ومش عارفة اعمل ايه
انا والدي اتجوز على امي سنة كاملة واحنا مش عارفين ولا ولاد مراتو عارفين برضو وابن مرات ابويا دي كانت اخر سنة ليه دراسة كان بيدرس في مصر واحنا عايشين في دبي المهم هوا خلص دراسة وكان متفق معاها ييجي يعيش معاها ويدور على شغل واول ما يلاقي يتجوز خطيبتو وامو كانت متفقة مع ابويا لما ابنها ييجي تقوله انها اتجوزت بس بشرط هوا كمان يقولنا ويقول لامي فوافق وطبعا لما قال لامي عارفين الرد الطبيعي يعني قعت تصوت وتعيط وفضحتنا في العمارة كلها الناس قالوا في حريقة ولا حد مات المهم اليوم اللي بعده صحينا ملقينهاش طفشت واخر اليوم اتصل خالي وقال انها عنده بعدها بقى بفترة انا وولادها بقينا صحاب يعني واخوات وبابا اداني رقم ابنها وبنتها عشان لو احتجت حاجة يساعدوني وعرفني حسام اللي هوا ابنها على خطيبتو وبقينا اصحاب المهم بعدها بفترة لقيت حسام بيقولي اهل سلمى خطيبتو مش عايزينا نكمل لما عرفوا ان امي متجوزة وخادو موبايلها وغيروا الخط ومش عارف اعمل ايه حتى امي راحت تخطبني لواحدة بنت صاحبتها ماصدقت
المشكلة بقى البنت دي طلعت صاحبتي
انا دلوقتي مش عارفة اعمل ايه هوا بيكلمني ويقولي مش عايز اشوفها ومقدرش وبحب خطيبتي وهيا بتكلمني وبتقولي اعمل ايه اشوفه ولا لا ولا قلت ليها اني اعرفه ولا قلتله اعرفها اعمل ايه اسيب كل حاجة تمشي بظروفها ولا اقولها ولا اقوله ولا اعمل ايه مش عارفة افكر بجد
واسفة طولت عليكوا

[طمطم]

خليه يحاول مع اهل خطيبته تانى ,, مامته مش اجرمت دى اتجوزت !

وربنا يهديهم بئآ ,,

[♥SaRa]

ـاممم
هي حاجة تحير فعلا
بس هي مامتك مش عملت حاجة غلط هي اتجوزت علشان تقدر تأمن مستقبلكوا
خلية يحاول فهمهم النقطة دي ويحاول معاهم
وربنا يعينكوا بئة

[على محمد محمود]

بجد الله يكون فى العون
بس انا من رائى
يحاول مع اهل خطيبته

[رنا هشام]

يحآول مع آهل خطيبته
ويقنعهم
وهيعدي ع خير آن ششآء الله
^^

[Lost Pearl]

هو الجواز بقي عيب

لازم يفضل ورا اهل خطيبته لحد ما يوافقو

بس انا باقي الكلام مش فاهماه اوي بصراحة ،،

[واد حبيب]

اقولك المفيد في الموضوع ده كله
الجواز لما يكون عليه مشاكل من الاول مش بينفع
البنات كتير في البلد يروح يخطب بنت غيرها

[زهرة الياسمين]

انا من رايي تسيبي الامور ماشية زي ما هيا كدة
وبعدين اهلها المفروض ما ياخدوهوش بذنب امه
ولو ليهم نصيب مع بعض هايرجعوا لبعض تاني

[Caramilla]

ربنا يعينه
هو زي ما قالو يكلم اهلها تاني
ويحاول يقنعهم
لو هو بيحبها بجد مش هيسكت
غير لما يروح مره واتنين وتلاته واربعه
لغايه ما يتبهدل