مصربتستغيث

[العاشق الذى لم يتب]

احبابى
السلام عليكم
بصراحة من أمبارح
وأنا حسس الدنيا أسودت فى وشى
وضاقت قدامى
نعم والله اسودت
هو يعنى الفلى حصل من امبارح ولسه شغال
ده هين ولاامر عادى
أزاى بس والواحد بيشوف المصريين بيدبحوا
وبيموتوا وبدون ذنب ولاجريرة
أزاى اللى جرى ده يكون مصريين بيعملوا كده فىبعضيهم
لايمكن ولايتصدق ياناس
للدرجة دى هنا على بعض
للدرجة دى كرهنا بعض
بس ده مش كره
ولابغض
ده زاد الحد
لايمكن يحصل كده مننا احنا المصريين
معقولة الواحد يمسك سلاح
ويضرب اخوة بالنار فى الراس والصدر والبطن
معقولة المصرى ييصوب سلاحه فى قلب
أخته المصرية
هانت علينا الأرواح بالشكل ده
معقولة المصرى يدخل على قسم الشرطة
ويقتل كل أخوانه من الموجدين
ضباط وعساكر وحتى الاداريين
معقولة المصرى يمسك أحوه ويلقى بيه فى البحر حى
معقولة المصرى يقتل أخوه ويقطع جثته
ويرمى بها فى مهملات القمامة
معقولة المصرى يقتل اخوه ثم يشعل النار فى الجثث
أيه جرالك يامصر ياام الدنيا
أيه جرى لينا يامصريين
إحنا بنقتل فى أنفسنا ليه
ليه وصلت بينا درجة الكره لدرجة الهوان
والاحتقار والمهانة والمذلة
ليه وليه وليه
مليون سؤال مش لاقى رد عليه
كلنا كنا ايد وحدة
نحارب العدو بيد واحدة
كلنا خرجنا فى قلب واحد وبنفس واحد
نقاتل وبشراسة المعتدى
نقاتل الظلم والفساد
ماكنش يهمنا من يموت فينا
دلوقتى بنقاتل بعضنا ليه وعلشان أيه
ليه بقينا احزاب متفرقة ليه
ليه المسلم كره اخوه المسلم
ليه المصرى كره اخوه المصرى
ياناس حد يعرفنى إحنا كرهنا بعضنا ليه
يارب وانا موجوع مش عارف انا ليه موجوع
وليه انا بقيت كده ياربى
ياربى انت كريم
حوش عن مصرنا
وحوش عن المصريين
لك الله يامصر

[طمطم]

انسانيا دى ميرضيش حد

مفيش اى دين ف الدنيا يرضى بكده .. م بالك بالاسلام !

محدش عارف كرهنا لبعض هيوصلنا لفين ,, بجد ربنا يستر

وهنبه اهو الموضوع مش نقاش سياسى ,, أ/رفعت بيفضفض باللى حاسس بيه
ومش اتكلم ف تفاصيل سياسية ..
مش ناقصين خناقات الله يرضى عليكوا !

[♥SaRa]

ـوالله يا رفعت كلنا موجوعين وحزينين
بس للأسف انها السلطة انها السلطة من تفعل هذا في النفوس
كرسي مصنوع من قطن وخشب يفعل هذا
اصبحنا كالذئاب التي رأت لحمة فلهثوا عليها وقفزوا فوقها
ولكن لا يدرون ان الله ع كل شئ قدير وان الله يمهل ولا يهمل
ولكن للأسف السلطة سيطرت علي عقولهم وتحدثوا بأسم ليس لهم وادعوا انهم هم الصائبون وانهم حافظون وليسوا فاهمون
حسبي الله ونعمة وكيل
وحللوا دمنا وقالوا اننا كفرة
بجد حسبي الله ونعمة وكيل فيهم
وكلنا موجوعين بمناظر والدم الي الوآحد شايفوة
ربنا يحفظ يا مصر واصلح حالك

[Lamees]

مش انت بس يا رفعت اللي مضايق
كلنا هنطق من اللي بيحصل
والخراب اللي صاب البلد
باي حق مش عارفين
واللي ماتوا بأي ذنب برضه مش عارفين
كل اللي عارفينه الهم اللي ركبنا بسبب اللي حصل
ولكِ الله يا مصر

[على محمد محمود]

والله يكاد القلب ينفطر من اللى بيحصل
وحسبى الله ونعم الوكيل
فى كل من تسبب فى نقطه دم
بين ابناء الشعب المصرى
يا رب احفظ مصر وشعبها

[Caramilla]

الفتنه
هم جماعه ناس بيبتدو من 2 ويبداو يزيدو
وبيعملوا المشاكل دي بين الناس والحبايب
ويبقي بعد ما كانو اعز اصحاب
يبقو اعداء وكارهين بعض
بسبب بعد التغيرات الفكريه
اذا كانت السياسه بتعمل كده في الناس وتموتهم
تروح السياسه في داهيه
ديه ارواح ناس بتموت كل يوم
ارواح الناس مش لعبه ولا عمرها كانت لعبه
ربنا يهديهم ويهدي الجميع يارب
والله ومن سمعك كلنا متضايقين خبر مش حلو
واللى بيحصل مش عاجب حد
ربنا يستر علينا جميعا
شكرا على طرحك موضوع يستحق النقاش والكلام فيه فعلا
الله يرحم كل مسلم ومسلمه
ويسكنهم في اعلى درجات جناته يارب
اللهم ثبتهم اثناء الاجابه
وارحمهم وارحمنا معاهم يا ارحم الراحمين
اللهم امين

[عاشقه الورد]

اللى بيحصل ده كتير وحرام
ربنا هديهم
ويرحم القتلى ويسكنهم ربى فسيح جناته
كلماتك جميله

[العاشق الذى لم يتب]

اقتباس المشاركة الأصلية كتبت بواسطة طمطم انسانيا دى ميرضيش حد مفيش اى دين ف الدنيا يرضى بكده .. م بالك بالاسلام ! محدش عارف كرهنا لبعض هيوصلنا لفين ,, بجد ربنا يستر وهنبه اهو الموضوع مش نقاش سياسى ,, أ/رفعت بيفضفض باللى حاسس بيه ومش اتكلم ف تفاصيل سياسية .. مش ناقصين خناقات الله يرضى عليكوا !

فعلا اختى والله ماقصدت كلام فى السياسة خالص
كرهت السياسة واللى عملته فينا السياسة
وبقينا اصلا مش عارفين ايه معنى السياسة
انا والله يااختى
من اول امبارح جفنى ماشاف النوم
ازاى بس انام واناشايف القتلى والجرحى بالمئات ازاى
بنموت ومن غير سبب
انا والله حبيت افضفض يمكن لمااشكواستريح شوبة
كتيرعلينا يارب ده اللهم لااعتراض على امرك
اعلم يارباه انك حرمت الظلم على نفسك
وقلت ياعبادى لاتظالمو
واعلم يارب انك حرمت قتل النفس الا بالحق
وسمعت قول حبييبك محمد صلوات ربىعليه وسلامه وهو يقول
( سباب المسلم للمسلم فسوق وقتاله كفر)
عذرا يارباه ارحم مافيه مصر
شكرا لك اختى
شرفتينى بالمرور
مودتى

[العاشق الذى لم يتب]

اقتباس المشاركة الأصلية كتبت بواسطة ana banota baskota ـوالله يا رفعت كلنا موجوعين وحزينين بس للأسف انها السلطة انها السلطة من تفعل هذا في النفوس كرسي مصنوع من قطن وخشب يفعل هذا اصبحنا كالذئاب التي رأت لحمة فلهثوا عليها وقفزوا فوقها ولكن لا يدرون ان الله ع كل شئ قدير وان الله يمهل ولا يهمل ولكن للأسف السلطة سيطرت علي عقولهم وتحدثوا بأسم ليس لهم وادعوا انهم هم الصائبون وانهم حافظون وليسوا فاهمون حسبي الله ونعمة وكيل وحللوا دمنا وقالوا اننا كفرة بجد حسبي الله ونعمة وكيل فيهم وكلنا موجوعين بمناظر والدم الي الوآحد شايفوة ربنا يحفظ يا مصر واصلح حالك

شكرا سارة
اكيد اللى حاصل فى مصر محزن بكل معنى الكلمة
بصرف النظر فى الخوض بالتفاصيل
وهنا انا ماقصدت اتكلم فى السياسة
فقط حزيت بالحزن الشديد
لماسقط من موتى
بارك الله فيك
مودتى

[العاشق الذى لم يتب]

اقتباس المشاركة الأصلية كتبت بواسطة ro♥ony مش انت بس يا رفعت اللي مضايق كلنا هنطق من اللي بيحصل والخراب اللي صاب البلد باي حق مش عارفين واللي ماتوا بأي ذنب برضه مش عارفين كل اللي عارفينه الهم اللي ركبنا بسبب اللي حصل ولكِ الله يا مصر

عارف اختى رنا ان الكل مضايق وتعبان وحزين
ربنايرفع الغمة
شكرا لك اختى على مرورك الذى اسعدنى
ببارك الله فييك
مودتى