آة و ألف آة "نفسيتي تعبت"

[♥SaRa]

اة لما الدنيا بيك تلف وتحس ان دماغك بدأت تخف علشان الوآحد مش شايف هو انا شجاع ولا انا خايف شايف اخويا في الجيش مدبوح وابن عمي في رابعة مجروح ابتبدلنا واتغيرنا اية هنخسرة اكتر ما خسرنا دِوَلْ من برة بتولعها واحنا من جوة بنجمعها اة وألف اة شايفن دم قدمنا في كل حتة حتي تحت اقدامنا شايفين خونة ماشين يا تري المرة دي شارين ولا بايعين شيفين اخوتنا بايعين باعين الحرية وشارين الدم بقينا زي النمل بناكل في بعضنا وضيعنا حقنا وحق الشهيد يا بختة نام وارتاح الدور والباقي علي الي راح بجد فيا كلام بقيت حآسة انة هيبقي احلام مش هعرف احققة حتي في المنام لو قلت مليون اه علي الي ضيعناة محدش هيحس بناري نار علي اخويا وعلي جاري ولا علي الناس الي اقتحموا داري آة وألف آة علي الاسلام الي حرفوة وخلوة يقتل في الانسان الي حرقوا قيمتوا وخلوة لا يري في المنام آة وألف آة علي مصر وارضها والبلد وشعبها وارض ارتوت بدمنا طب امتة هنجيب حقنا حقنا ولا حق الظابط ولا حق الشهيد ولا حق القابض آة وألف آة مصري نفسيتوا تعبت ذاقت مر لما معدتها قلبت وشاف عذاب لماقلبه اتجمد حآسة اني كلامي ملخبط ومش مفهوم هو انت لسة قاعد ولا هتقوم هتقوم تصحي عيال وتلبسهم الهدوم طالع برة مصر علشان القيامة هتقوم آة آة آة آة آة آة آة آة آة آة آة آة آة آة آة آة آة آة آة يا مصر لكي الله فقد فقدت الامل في شعبها فأصبح خائن بائع ضميرة سواء اخواني او علماني او بستاني الكل باع دينة وباع قرآنة ـــــــــــــــــــــــــــــ بكتبة بدمع العين وبحرقة القلب بجرح سنين ولسة متعالجش فين ايام الحب والألفة آة وألف آآآآآآةة

[Aya 7ekaya]

ي مصر لكى الله
_________

ربنا يرحم شهدائنا
وينصر الحق علشان تعبنا

[ملاك ودمعتى هلاك]

تسلمى ياساره على التوبيك وكلامك الرائع موش لاقيه وصف اوفى بيه روعة كلامك بجد
نقول ايه غير حسبى الله ونعم الوكيل فى الاخوان وفى كل الظلمه الى بيولعو فى المساجد والمصاحف وبيقتلو فى اخوانهم حسبى الله ونعم الوكيل

[sεηυσяιтα ησOση]

كلمات جميلة يا سارة

تســلم ايدك

ربنا ينصرك يا ام الدنيا

[المنسي في الحياة]

اسمح لي ابدي اعجابي بقلمك وتميزك واسلوبك الراقي وتالقك

[العاشق الذى لم يتب]

ليك الحق تتعبى
والله الكل تعبان
اللى بيحصل ده
شيئ لايصدقه عقل
حفظ الله مص والمصريين
شكرا لك شاعرتنا
مشاعر رقراقة
وقلم أجل
تقبلى تحياتى وودى

[♥SaRa]

ـأنرتوني جميعاً بردودكم المميزة

[ويبقى الأثر]

كل القلوب موجوعه
دول كلهم اخواتنا
فتنه ونار موقوده
يارب فك ضيقتنا

لنا ولمصر الله
قادر يحميها ويحمى شعبها
طول مابتجمعنا كلمة
لا اله الا الله

ابدعتى غاليتى فى السرد رغم حزن الحرف
ارق التحايا لك

[عبدالحميد ايوب]

انا الحقيقة مفهمتش حاجة
بس طبعا الكلام حزين وانا مش بعيد عن المشهد
لعل الاحداث المتباينة جعلتني مذبهل اي انني غير فاهم
والحمد لله اني مش فاهم علشان اللي بيفهم بيشق هدومه
ربنا يتولانا ويجعلنا ممن يدافع عنهم
امين