its my life not yours

[Caramilla]

بسم الله الرحمن الرحيم السلام عليكم ورحمة الله وبركاته .. النهارده بتاريخ 16-8-2013 فتحت مدونتي بعنوان.. . its my life not yours هذه حياتي ليست حياتك . . ممكن تكون مدونه مش مميزه عن المدونات الجميله في القسم .. لكن فيها مشاعري وسطوري وهواياتي باختصار ... هحط قلبي هنا في الصفحه ديه . . تابعونـي دايما .. بلايكاتكم . . هبقي على الخط . . . لا اله الا الله محمد رسول الله . . . سبحان الله وبحمده سبحان الله العظيم . . .

[Caramilla]

[Caramilla]

هديه بسيطه مش قد المقام يعني بس الجاي احلى باذن الله ^^ http://im39.gulfup.com/lvI3V.png تصبحوا على خير هروح انام شويه هههههههه ^^ لا اله الا الله محمد رسول الله . . سبحان الله وبحمده سبحان الله العظيم ...

[Caramilla]

انا بحب مصر . واهلها / علشان كده
بدعي لها هي واهلي المصريين كلهم
اللهم احمي مصر يارب واهلها . . . واحفظها من الضياع
اللهم امين

[Caramilla]

انا مش ضد. الاخوان/ او ضد
السيسي انا ضد الظلم
الظلم لما نقتل بعض ويروح. . . دم انسان ظلم

[Caramilla]

بآآآآآآآك .. . .وعدنا لكم من جديد ...


لما دخلت كليه
واخواتي لسه مدرسه كلهم
اتغير التيار تماما
في كله
1 حياتي
2 شخصيتي
3 النوم

اخر ما كنت اتوقعه ان انا اعجب بواحد في الكليه
وهو كمان بيبصلي كتير
وضحكته تجنن
بس المشكله انا مبخدش بالحاجات ديه مبتجبش معايا
هتفيد ايه المظاهر خداعه
وهو رايح جاي مع واحده

اقولكم موقف حصل منسهوش

اول يوم ليا كنت بستكشف الكليه
في مكان كده بيدخلو ويطلعوا منه الشباب
انا معرفش ده مكان ايه
كل ما يدخل شاب يختفي
فقلت يا نرمين روحي شوفي فيه ايه هناك

واخر ما كنت اتوقعه انه يطلع اعزكم الله ( حمام )

مكنش في اي حاجه على الباب او فوق توضح ان ده حمام شباب
ازآآآآي مش عارفه ..انا حتي رحت اشتكيت ازاي ميبقاش في حاجه توضح

المهم
انا بقي واقفه بثقه
وببص بحاول اللاقي كلمه اقراها اعرف ده مكان ايه

وفجأأآآآآآه
لقيت واحد طالع قدامي
بيبصلي
فيس تو فيس
قالي بتعملي ايه هنا
قلتله انا؟
لا انا مفيش كنت بشوف
ههههههههههههههههههه

الواحد احرج
موقف بايخ اوي اوي اوي :d

[Caramilla]

برا الكليه
كنا انا وزميلتي بنجري
علشان نسلم على زميلتنا يمني بقالها يومين مش بتيجي
وفجاه واحنا بنجري
الا ولدين من ورا
واحد : الله اكبر اديللله
والتاني : بسرررررعه بقي الي هتسبق تكلمني فون

تفتكروا بعد ما نسمع كده كملنا جري؟؟
انا رجلي وقفت علطول ههههههههههه


شباب بايخه اوي
بس انا بردو خدت بالي ان انا كنت من الاول غلطانه
وكان مفروض مجريش
بس مخدتش بالي

الغرض كان شريف والله ههههههههه

[Caramilla]

ماما ست بيت شاطره ...
وطبعا تسلم ايديها الي بتتعب علشانا
من
1 تنظيف
2 اهتمام بينا
3 مذاكرتها لينا
4 اكلها

في بقي نقطه مهمه هنا
انا مش بحب الاكل المصري
مش علشان اكلنا مش حلو
بالعكس احنا اكتر ناس اقدر اقول بنفهم في حاجه اسمها مطبخ
بس ....

الاكل المصري دسم مش بتقبله
بحس ان لو اكلت اكلات معينه هذكرها دلوقت
ممكن ان انا اموت ههههههههه

يعني انا مثلا
مش بحب حاجات كتير ماما بتعملها
وده اوقات بيسبب حساسيه بيني وبين ماما

1 مش بحب السمك لا المقلي ولا المشوي
2 مش بحب القلقاس
3 مش بحب صنيه البطاطس بالفراخ
4 مش بحب الملوخيه
5 مش بحب البط ... وخصوصا البط الا البط .... بط لا .... بط ايه بس
6 مش بحب الارانب
7 مش بحب الفته
8 مش بحب اي حاجه فيها طبيخ وبتلحوس
9 الكرنبيت
ومش فاكره ايه تاني بس دول الي فكراهم دلوقت


انا اكتر حاجه بحبها
هي العصائر عصير ليمون بالنعناع بموت فيه
عصير يوسفي كمان جميل جدا جدا
عصير برتقال حلو بردو بس اليوسفي احلي

فلما يبقي فيه يوم
وماما تعمل اكله من الاكلات ديه
ببقي عارفه اني هتهزء فبوسع صدري بقي ههههههههههه

[Caramilla]

اغلبيه وقتي منعزله عن اهلي
مش محتكه بيهم اوي وديه المشكله
علاقتي بيهم مش قويه لدرجه ان انا مش ممكن افضفض مثلا في موضوع
شاغلني لحد

بس اختي اوقات بتكلم معاها
لان احنا متناقضين تماما
هي بتحس انها مش فهماني
وانا بحس ان انا مش فهماها

[Caramilla]

احيانا بحس ان بابا مش فاهمني
ومش عايز يتعب نفسه علشان يفهمني
.. بس الحقيقه هي
ان بابا فاهمني كويس
بس بيضغط عليا علشان عايز الخير والكويس ليا ...

انا عارفه ده كويس جدا
بس لما بيحصل اي موقف فيه خلاف
ومياخدش صفي

بتجيلي كل الافكار السلبيه الممكنه ..

بعديها لما اروق والموقف يتظبط
ارجع اقول
آآآه منك انتي يا نرمين هههههههههههه