مهنة في رباعية .... موضوع تفاعلي

[جبل عالي]

السلام عليكم ورحمة الله وبركاته


موضوعي اليوم اتمنى من الله ان يعجبكم وأن يستفز أقلامكم المميزة

ويكون تفاعلي بروح جماعية لكل منا ان يضع بصمة قلمه


الفكرة هي أن نختار مهنة مثلا تختارها قيثارة

ويبدأ كل منا يضع رباعياته حسب مايشوف

يعني تكون الرباعية بتوصف المهنة دي

من غير ماتقول إسمها صراحة ومرة تانية توصف

سلبيات المهنة او ايجابياتها حسب مانشوف وحسب

ما الرباعية تيجي معاكم


لو الفكرة راقت لكم ان شاء الله

يكون التحديد ويكون اللقاء

[ويبقى الأثر]

فكره جميله كتير حبيبتى
طيب عاوزه توضيح اكتر علشان الاعضاء يفهمو المقصود
هيا اولا ممكن تكون اسبوعيه يوم محدد فى الاسبوع
لكن طريقة العرض هتكون ازاى ؟
على مافهمت أنا انى هقوم بإختيار مهنه هنزل صورتها مثلا
والاعضاء يعبرو عنها برباعيه صح كده ؟؟؟

[جبل عالي]

صح ياحبيبة قلبي

ايا كان طريقة عرضك سواء صورة

أو كلمتين حلوين من عندك

بجد ربنا يكرمك مشجعاني كده

تسلمي ياحبيبتي وان شاء الله نشوف

كل واحد هايعبر ازاي ويقول


تحية للكل من القلب للقلب

[ابتسامة الزهر]

ايه الافكار دى ياجبل شامخ
دايما ما تتحفينا بأفكارك الجميلة
يالا فى انتظار قيثارة الجميلة
تقديرى واحترامى

[Mo chahin]

هبدأ معاكم ..


رســـــــام ..


رســـام وماشى مهموم فى البلاد ..

شايف الحزن على وشوش الولاد ..

متقسمين ومتفرقين ..

رفع ايده لرب العباد ..






حد يكمل بقى ..

وجميل الموضوع جدا جبل وقيثاره ..

[♥SaRa]

ـفوكيرة جميلة اوي يا أمل
وبجد افكارك دائماً رائعة
وان شاء الله معاكم
وارجو ا التبليغ عند البدء
ولا احنا هنبدأ ناو ؟

[عاشق ولهان]

فكره جميله ممتعه

موعد مع الإبداع لكسر جمود القلم الحزين

هنا لقاء مع انسيابية وتراقص الحروف

تحياتي لكم وفي انتظار التنفيذ



عاشق ولهان

[™Amiliya]

فكرة عجبتني جبل تسلمي عليها

متابعة

[جبل عالي]

منورين ياجماعة وياريت لو حد موجود

يعرفنا عشان نقدر نحدد وقت نتجمع فيه

وخلاص محمد اختار مهنة

ايه رأيكم نكمل معاه ؟؟


عايزة اسمع آرائكم ياريت

[عبدالحميد ايوب]

الدنيا برد و هو بيلف الشوارع والحارات
وصوته عالي وطبلته بتحكي حكايات
وعم بنداري الغفير شخيره واصل القمر
والطبلة بتلف البلد وسط البرك وسط الحفر
اصحي يا حاج اسماعيل يا بن محمد الفيومي
ياللي بتسد الترعة بعضم الفراخ الرووووومي
انا الغلبان اللي مبيندعيشي في العزومات
انا طول شهر كامل باصحي علي طبلتي وببات