صرخة شادي

[شادي راضي]

أصرخ ونادي بأعلى صوت
سمع نداك للخلايق في البيوت
سمع نداك للسمك تحت البحور بين الياقوت

سمع نداك للطيور المهاجره فوق
في السما بين السحاب تفوت

اكسر هزيمتك
... اكسر جبنك والسكوت

متخافش من حد
ده رزقك مش هو بس البنكنوت

ده الرزق مش بس عربيه حلوه
اودهب او جذمه بوت

ده الر زق ممكن يكون صحبه حلوه مخلصه
او ساعة صفا في ضل شجرة توت

ده الرزق ممكن ابن صالح
يدعيلك بعد موتك
والسنين عليك تفوت
ده الرزق راحة بال وبالرزق الحلال
تعيش وتموت
ده الصحه احسللك من فلوس ولو بعدد
حبات الرمال ع الشطوط
وانت عارف وانا عارف
محدش واخد معاه حاجه ف التابوت

ليه الصحاب والاحبه اتغيروا
تخلص لهم
ويوم تعوذهم ولا تحتاجهم
يقطعوا كل الخيوط

كل المشاعر والمعاني الصافيه
في زمانا بدأت تموت

والي تأمنله وتفتحله قلبك
ييجي يوم ويغدرك زي انثى العنكبوت

اصرخ ونادي باعلى صوت
انا تعبت من السكوت
نفسي اقول كلام كتير
بس خايف
كلامي يطلع م الشفايف
ما يلقيش الي يفهمه او يحس بالمعاني والحروف
نفسي نرجع نحب بعضنا
وبقلوب صافيه مؤمنه والفرحه ف عيونا نشوف
نفسي نرجع نعيش مع بعضنا ما نحسش بخوف

نفسي نرجع ايد واحده والخسيس في وسطنا نطلعه من بين الوف

نفسي الضعيف و الي الزمان جه عليه نمد له كل الايادي والكفوف

نفسي نبطل ذل ف بعضنا
والي معاه يتعالى ع الفقير و يدوس

ده ربنا خلق لنا الشمس تدفينا وتنور دربنا
ما بتفرقش بين مسلم او مسيحي
اوفقير او مليان فلوس

دي الفتنه دي عاماله تنخر في عضمنا زي نخير السوس
يا رب بدعوك وبخلصلك ف الدعاء وف الر جاء وفي القنوت
تحفظ بلدنا من كل شر
وترزقنا فعل الخير من الميلاد للموت

[السفيره عزيزه]

بسم الله الرحمن الرحيم

عارف يا شادى الحكايه ايه
الحكايه قلب طيب وقلب ثانى
مغضوب عليه
قلب رحيم طيب يتهز من دمعه
فى عنيه
وقلب حجر ما يرتاح الا والدم
فى اديه
وبين دا ودا فى قلوب بتشمت
يا عينى فيه
اصل النيه بينه هيعيش ويموت
ولا فهم اصلا فيه ايه
وما ظلمهم ربهم ولكن هو المطلع
وكله بيديه
صرختك صوتها عالى لكن انا بهمس
بلطف اليه
انت مصرى بالله عليك .انت مين
وجنسيتك ايه
انت اكيد فاقد هويه ومتسلل منين
وليه
مصر دى كانت ضحكه حلوه والكل
بيبوس اديه
والعيش والملح بينا يمين بنحلف
بيه
يارب يا سامع وشايف اقسم الخير
ليه
وطن مش عارفه لونه اسود من
الحزن ال فيه

[شادي راضي]

صرختك صوتها عالى لكن انا بهمس
بلطف اليه
انت مصرى بالله عليك .انت مين
وجنسيتك ايه
انت اكيد فاقد هويه ومتسلل منين
وليه
مصر دى كانت ضحكه حلوه والكل
بيبوس اديه
والعيش والملح بينا يمين بنحلف
بيه
يارب يا سامع وشايف اقسم الخير
ليه
وطن مش عارفه لونه اسود من
الحزن ال فيه

[/quote]
اللهم صل على محمد وعلى آله وصحبه أجمعين

أشكرك على تعليقاتك
التي لم ارى مثل جمالها في حياتي
ولكن لا لاعجب فهي تعليقات شاعره بجد تتنفس شعرا