مشكلتى هى قلبى

بسم الله الرحمن الرحيم

السلام عليكم ورحمة الله وبركاته

انا مشكلتى زى اى مشكلة بتقع فيها اى بنت عالنت

هاحكيلكم من البداية

اولاً انا عندى 14 سنة حالياً وداخلة عـ الـ 15

وهو 18

بدأت حكايتى لما دخلت اول منتدى فى حياتى

ولقيت بنات بتحب شباب عالنت عادى

وعدت نفسى وقتها انى عمرى ما هادخل نفسى فى تجربة زى دى ابداً

بس بعد كدة اتغير كل حاجة

وعدى لنفسى ماكانش كفاية انى اربط نفسى من ناحية الموضوع ده

واتعرفت على شاب

حسيت بالانجذاب ليه

بعد كدة بدأنا نتكلم عالفيس وبقينا بنتكلم معظم اليوم تقريباً

بس هو بيخاف عليا جدا

بعد كدة قالى انه معجب بيا

وبعدين ماما عرفت بالموضوع

بس سامحتنى بسرعة وانا لما رجعت اقعد عالنت تانى رجعت اكلمه تانى من ورآها

وبقالنا اكتر من سنة لحد دلوقتى بنتكلم

سيبنا بعض كذا مرة بس كنا بنرجع تانى

بس انا حبيته بجد وببقى هاموت من الخوف لما احس انى هيسيبنى من تانى

بتمنى انكم تساعدونى لانى بجد تعبانة جدا من الموضوع ده

وشكراً

[Lost Pearl]

طالما بتعملي كدة من ورا مامتك يبقي عارفة انه غلط

كمان انتو لسة صغيرين يعني مظنش ان الموضوع هينفع

من رأيي اقطعي معاه و صارحي مامتك و اعتذريلها

هي كتر خيرها ان اول مرة سامحتك سريعا كدة انتي بتعاقبيها

ربنا معاكي بقي يا جميلة ،،

[SiLver Spectra]

هو الحب دا مشرد البشرية كلها و لا ايه
اللي يريحك اعمليه
لو العلاقة مش هتستمر يبقى مش هتستمر سواء بعد سنة او اتنين ..و الموضوع هيبقى ذكرى قديمه بعد كدا
استمر الموضوع يبقى خير و بركة
المهم الحاجه اللي تعمليها تعمليها بقناعتك

[✿ Celiηα]

يا حبيبتي روحي ذاكريلك كلمتين ينفعوكي حرام عليكو يا جدعان ههههههه

وانا بردو من رأيي انك عارفة انه غلط بدليل انه من ورا اهلك
ومامتك لو عرفت تاني مرة مش هتسامحك
وهتندمي بعدين انا بقولك اهو

[the Princess of rose]

طبعا اللى بتعمليه ده غلط للاسف لازم كنتى تبقى حاسة بوجود ربنا وانه شايفك على طول عشان يبقى دافع ليكى بالمنع عن اى ذنب
نصيحة لاى حد عايز ينسى اى هم او غمة ويبتعد عن اى ذنب
قربى من ربنا بجد وادعيه كتير جدا واهتمى بصلاتك وطولى فى السجود فى الصلاة والدعاء
عودى نفسك على الاذكار والقران وقراءة السيرة مثلا وانتى هتلاقى نفسك بتتردى عن الاثم ده تلقائيا بس متكسليش واصبرى النتيجة مفيش حاجة صعبة ان شاء الله
يعنى من الاخر املى قلبك وعقلك بربنا وتذكرى الطيبون للطيبات واسمعى كلام ماما لان مفيش حد هيحبك ولا يخاف عليكى قدها وخير ان شاء الله

[♥SaRa]

ـبصي يا قمر
اولا: دي مرحة اي بنت بتعدي بيها في المراهقة بتحب وتقول هموت ويحبني ومش عارفة اية .
انتي فكري مع نفس واحسبيها صح هتلاقي نفسك غلطانة
في حاجتين الاول انك لسة صغيرة و90 % ان الحب دة مش هيدوم
ثانياً جاية تحبي حب وع النت كمان !!
اغلب العلاقآت الي ع النت بتنتهي بفششل زريععع
وبعدين متعيشيش نفسك في جو اكبر من سنك انا اهو من سنك ومنكرش اني مريت بالمرحلة دي زيك
بس عرفت ان كل دة كنت بضحك ع نفسي
ثانياً:
انتي بكلمة من ورا ماماتك ودة الغلط نفسة لازم تخلي مامتك صديقتك وكل اسرارك تعرفها .
ومتحوليش تخبي عليها حاجات
اوك يا قمر
ويلا بقي فكك من الكلام الفاكس دة
وسيبك من الحب ووجع الدماغ
ويا ريت تتقبلي ردي كأخت ^^

[Caramilla]

انا قريت كل الردود هنا في الموضوع
اكيد وانتي بتقري بتقولي
ده صعب او مش هقدر او كل ده مش هيفدني بحاجه
او حتى لو هيفدني مش عايزه اعمل كده
شوفي مفيش حاجه صعبه بالاراده والعزيمه
واساليني انا اعرف ناس بنفس مشكلتك وحلوها
لازم يبقي عندك اراده وعزيمه الاول
وبعد كده المسأله هتبقي مسأله وقت مش اكتر
حاولى تسلي نفسك مع صديقه
وتشغلو وقتكم دايما مع بعض
وبالتعود ان شاء الله هتنسيه
املي وقتك بحاجات كتيره في يومك
وباذن الله ربنا هيساعدك تتخطي كل ده
بس مفيش حاجه بتيجي مره واحده
لازم يبقي عندك العزيمه والاراده انك تسبيه الاول
علشان متزعليش مامتك
وعلشان انتي بتحبي مامتك كتير
ومش عايزه تخسريها وتخسري حبك وحبها ليكي
اتمنى تكوني فهمتيني يا قمر

[جوجو السندرلا]

طيب انتى بتتكلمى من وراى ممتك يعنى عارفة ان الموضوع دة غلط
انتو لسة فى سن المواهقة
مش هتعرفوا ان دة حب حقيقى ولى لا
لازم تبعدى عنه علشان انتى لسة صغيرة وهو نفس الكلام
حاولى بالارادة انك تبعدى
حاتة لو دة هبزعلك شوية بس احسن من انك تزعلى بعد كدة

[مهند الشمري]

انا قرات الموضوع الصراحه انو في هكذا اعمار تنجذب للحب بصوره اسرع
كنوع من تمضية الوقت الحب شيئ جميل ولاكل سؤال يطرح نفسه
هل من الممكن ان يدوم مثل هذا الحب وينتهى بالزواج
هل الشاب او الود الي بعمر صغير مؤهل لتحمل مسؤلية الحب
وانا من رائي انو اغلب قصص الحب في النت تكون فاشله
لانها بعيدة عن الواقع فعلى الانسان ان يفكر بعقل قبل ان يخطو اي خطوة

[ياسمين الروح]

بصى يحبيبتى اى بنت من سنك اكيد طبعا بتغلط ومش عيب انك تحبى بس العيب انك تغلطى واكيد طبعا انتى عارفه انك غلطى بس المهم اننا نتعلم من الغلط ده ممكن تكونى حاسه اه انك بتحبى بس صدقينى الحب الى فى السن ده مش بيكمل وبنسبه كبيره بيكون اعجاب وتعلق
بالكلام الحلو ممكن تبقى صعب عليكى انك تبعدى شويه بس انتى لسه صغيره وقدامك المستقبل كبير يعنى بكره هتقبلى كتيير و هتعرفى كلامى كويس وبعدين الى انتى بتحبى ده كمان لسه يعتبر عيل صغير يعنى هو كمان قدامه مستقبل وهيقابل كتير وهيشوف كتير وانتى بالنسباله هتبقى مجرد تجربه عشان تبقى عارفه ممكن يكون الكلام ده هياثر فيكى بس صدقينى كله بيهون لو كنتى خايفه تقولى لمامتك انك بتكلمى خلاص بلاش تقوللها وسيبى وابعدى وحولى تركزى فى مستقبلك اكتر
تقبلى راى