مسابقة البائعه الأفضل

[╯ Princess ╭]

السلام عليكم مسابقة (البائعة الافضل) تابعه لبرنامج نشاطات منتدى الطبخ اعداد: яϊηĉєṣṣק (معنا للتقدم) فكرة المسابقة: ركزوا معايا من اسمها كل عضو/ة هتفتح محل المسابقة هتبقا في قسم المشروبات والسلطات فقط كل عضوة مشتركة معانا عليها انها تنزل موضوعها يا في قسم السلطات يا في قسم المشروبات الفكرة بقا كل عضوة لما تنزل موضوعها هتبيع فيه خضروات وفواكه وايس كريم وعصيرات فقط هنا بقا التحدي نشوف كل عضوة هتجمع فلوس قد ايه المسابقة طبعا ليها فترة وتخلص خلال الفترة دي على كل عضوة تخلي الاعضاء يجوا يشتروا منها وبكدا تكسب فلوس ملاحظات خاصة بالأعضاء اللي هيشتروا: ولكل عضو/ة هيشتري منكم ليه 10 جنية بس يقدر يشتري بيهم منكم مش يجي يشتري من عند البائع 1 بـ 10 جنيه ومن عند البائع 2 بـ 10 جنية تااانيه لا هو ليه 10 جنية يشتري بنصها من عند البائع 1 وبالنص التاني من عند البائع 2 هو حر المهم انو ميطلعش عن 10 جنيه سواء اشترى من واحد او اكتر ملاحظات خاصة بالبائعين ( المشاركين في المسابقة ) : البائعين عليهم انهم ينزلوا الموضوع بتاعهم دا ويحطوا فيه منتجاتهم ايس كريم بأنواعه بقا عصيرات بأنواعها الخضروات والفواكه لكل بائعه مقدار معين من المنتجات في اول المسابقة هيكونوا معاها الايس كريم بأطعمته : 50 كباية ايس كريم بس سواء بالفراولة او غيرو الخضروات كلها : 70 كيلو الفواكه : 70 كيلو العصائر : 50 كباية عصير حاجة مهمه - كل انواع الخضروات يعني طماطم او خيار او غيرو كلها داخله تحت ال70 كيلو مش 70 كيلو خيار 70 كيلو طماطم لا كلهم مع بعض 70 كيلو والحكاية دي بتتطبق على العصائر والايس كريم والفواكه - وكل مشتركة مجبورة انها تقسم الكيلوهات لكل صنف على منتجات الصنف دا [/COLOR] يعني عندك 70 كيلو خضروات ممكن تخلي 20 كيلو طماطم 10 كيلو بتنجان كدا يعني - انا بائعة بردو بس المخزن هبيعلكم المنتجات بسعر اقل من اللي بتبيعوا بيه للاعضاء عشان يبقا فيها مكسب وهيتم كتابة الاسعار في الموضوع اللي هفتحوا لو حد عايز منتجات يجي يشتري من عندي هيتم فتح موضوع خاص بالشراء من عندي اللي احتاجت منتجات تيجي تشتري من عندي - ممنوع بائعة تروح تشتري من عند بائعه تانيه - كل مشتركة لازم تعرف هي متبقي عندها ايه من الاصناف ومعاها قد ايه فلوس ومن غير غش لان هيبقا في متابعه مني ان شاء الله على كل المحلات انتوا طبعا بتبدؤوا المسابقة من غير ولا مليم بعدها الاعضاء بيشتروا من عندكم - مدة المسابقة ان شاء الله هتكون اربع ايام محدش ينزل موضوعه الا اما ابلغكم عشان يكون في عدل وهيتم حسب الخمس تيام دول اول ما ابلغكم انكم تنزلوا موضعكم [/SIZE] اسعار البيع : دي الاسعار اللي تمشوا عليها في البيع للاعضاء - العصيرات: الكوب الواحد بـ 3 جنية - الخضروات والفواكه : الكيلو الواحد بـ 5 جنية - الايس كريم : الواحد بـ 4 جنية الجوائز: المركز الاول: وسام المسابقة + 200 مشاركة +3 نجوم سلفرية المركز التاني: وسام المسابقة + 150 مشاركة+ نجمتين سلفريتين المركز التالت : وسام المسابقة + 100 مشاركة المركز الرابع: شهادة تقدير + 50 مشاركة موفقين ان شاء الله واي سؤال انا موجوده

[✿ Celiηα]

الحقيقة قريت الموضوع كلو

اني افهم كلمة مفهمتش هههههههههه
ايه المسابقة الملغبطة دي

طب انا عجباني الفكرة بس مش فاهمة مطلوب مني ايه دلوقتي ؟

بصي : المقادير دي :

الايس كريم بأطعمته : 50 كباية ايس كريم بس سواء بالفراولة او غيرو
الخضروات كلها : 70 كيلو
الفواكه : 70 كيلو
العصائر : 50 كباية عصير

خلال اليوم الواحد ولا خلال الـ 4 ايام بتوع المسابقة

والاعضاء هيشترو مني ازاي طيب ؟

وانا انزل منتجاتي بالصور ولا بالكلام بس ؟

اسئلة كتيرة فهميني ابنتي :d

[Aya 7ekaya]

بصى انا مش فهمت اووى بس عجبانى الفكرة مبدأيا وهشترك بس حاولى توضحى اكتر

[╯ Princess ╭]

اقتباس المشاركة الأصلية كتبت بواسطة ✿ celiηα الحقيقة قريت الموضوع كلو اني افهم كلمة مفهمتش هههههههههه ايه المسابقة الملغبطة دي طب انا عجباني الفكرة بس مش فاهمة مطلوب مني ايه دلوقتي ؟ بصي : المقادير دي : الايس كريم بأطعمته : 50 كباية ايس كريم بس سواء بالفراولة او غيرو الخضروات كلها : 70 كيلو الفواكه : 70 كيلو العصائر : 50 كباية عصير خلال اليوم الواحد ولا خلال الـ 4 ايام بتوع المسابقة والاعضاء هيشترو مني ازاي طيب ؟ وانا انزل منتجاتي بالصور ولا بالكلام بس ؟ اسئلة كتيرة فهميني ابنتي :d

ههههههههههههههه

ولا يهمك افهمك

بالنسبة للسؤالك الاول
لما هتبدأي المسابقه هيبقا معاكي المقادير اللي فوق دي
خلال الاربع ايام
لو خلصوا ومحتاجه تاني تجي تشتري من عندي هبقا افتح موضوع مخزن بتاعي تشتروا منجاتكم من عندي لو احتاجتم
بس تشتري بالفلوس اللي الاعضاء ادهولك يعني لما الاعضاء هتشتري من عندك هيدوكي فلوس
فلو احاجتي منتجات تيجي تشتري بالفلوس دي من عندي

السؤال التاني

الاعضاء هيشتروا منك في الموضوع اللي هتفتحيه
انتي هبقا ليكي موضوع تنزليه في قسم المشروبات او قسم السلطات
براحتك
هتحطي فيه المنتجات بتاعتك
وتدخلي ع الملفات الشخصيه بتاعت الاعضاء تقوليلهم يجوا يشتروا من عندك
هيشتروا ازاي بقا
عادي هيقولولك في الموضوع بتاع انا عايزة مثلا كيلو طماطم تقوليلوا الحساب كذا ويديكي فلوس
في الموضوع كلو كلام كدا

السؤال التالت

اي حاجة بس انا بفضل الكلام
انا عندي مثلا طماطم وخيار وجزر ههههههه حاسه اني في سوق خضار
او لو حابة تقسمي الكيلوهات اللي هتبقا معاكي في اول المسابقة
على المنتجات اللي عندك
براحتك


ها؟
وصلت
واي سؤال انا موجوده

اقتباس المشاركة الأصلية كتبت بواسطة aya 7ekaya بصى انا مش فهمت اووى بس عجبانى الفكرة مبدأيا وهشترك بس حاولى توضحى اكتر

طيب حددي الحته بالظبط اللي عايزة تفهميها واقرأي ردي على سلينا يمكن يفيدك

[Aya 7ekaya]

تمام انا مش فاهمه بقا الكيلوهات دى

[color=#]حاجة مهمه
- كل انواع الخضروات يعني طماطم او خيار او غيرو كلها داخله تحت ال70 كيلو مش 70 كيلو خيار 70 كيلو طماطم لا كلهم مع بعض 70 كيلو
والحكاية دي بتتطبق على العصائر والايس كريم والفواكه

[/color]

[╯ Princess ╭]

اقتباس المشاركة الأصلية كتبت بواسطة aya 7ekaya تمام انا مش فاهمه بقا الكيلوهات دى [color=#]حاجة مهمه - كل انواع الخضروات يعني طماطم او خيار او غيرو كلها داخله تحت ال70 كيلو مش 70 كيلو خيار 70 كيلو طماطم لا كلهم مع بعض 70 كيلو والحكاية دي بتتطبق على العصائر والايس كريم والفواكه [/color]

ولا يهمك

بصي يا ستي
انتي اول ما هتبدأي هيبقا معاكي

لايس كريم بأطعمته : 50 كباية ايس كريم بس سواء بالفراولة او غيرو
الخضروات كلها : 70 كيلو
الفواكه : 70 كيلو
العصائر : 50 كباية عصير

خليني اشرحلك على الخضروات مثلا
دلوقتي انتي معاكي 70 كيلو خضروات
ال70 كيلو دول شاملين الخضروات كلها طماطم خيار جزر غيرو
مش 70 كيلو خيار 70 كيلو طماطم 70 كيلو جزر
عندك 70 كيلو من الخضروات
تقدري انتي تقسميها لو حابة
تخلي مثلا 10 كيلو طماطم 10 كيلو خيار
زي ما تحبي

وفي تغيير انا هزودو لاني خدت بالي انو مهم
مجبورة انك تقسمي الكيلوهات
يعني ال70 كيلو دول تقسميهم على المنتجات بتاعت الخضروات اللي حابه تحطيها في محلك
ولو حد طلب منك طماطم مثلا وكانت الكيلوهات اللي انتي مقسماها للطماطم خلصت تيجي تشتري مني

لو في سؤال انا موجوده

[Aya 7ekaya]

اها طيب وانا هعرفهم اظاى يعنى مثلا لما حد يجى يقولى هاتى 4 كيلو طماطم مثلا بنقصهم من الـ 70 كيلو لحد مايخلصو

[╯ Princess ╭]

اقتباس المشاركة الأصلية كتبت بواسطة aya 7ekaya اها طيب وانا هعرفهم اظاى يعنى مثلا لما حد يجى يقولى هاتى 4 كيلو طماطم مثلا بنقصهم من الـ 70 كيلو لحد مايخلصو

بصي
انا قولتك اني هغير حاجة بسيطة في المسابقة عشان تكون اجمل
اللي غيرته انكم مجبورين تقسموا المنتجات
هقولك ازاي
عندك مثلا 70 كيلو خضروات بأنواعها
عليكي انك تقسيمي ال 70 كيلو دول على منتجات الخضروات اللي انتي حابة تحطيها في محلك
يعني مثلا انا في محلي عايزة طماطم وخيار وجزر وخس وجرجير مثلا
هقسم ال70 كيلو عليهم
اخلي مثلا 10 كيلو طماطم
12 ك خيار
15 ك جرجير
33 ك خس

كدا يعني
وباقي الاصناف تقسميهم بردو
الايس كريم والفواكه وهكذا كلو بنفس طريقة الخضروات
ولو احتجتي كيلوهات زياده تيجي تشتري مني في الموضوع اللي هفتحه ان شاء الله
بس متقدريش تشتري الا اما الاعضاء يشروا منك الاول عشان يبقا معاكي فلوس

ايه الاخبار ؟ ههههههههه

[Aya 7ekaya]

اها انتى كده صعبتيها هههههههههه

طيب تمام
معاكى

[╯ Princess ╭]

هههههههههههههه
معلش بس احلى كدا عشان تشتروا من عندي ههههههه يبقا ليا فايده

تمام يا قمر
منوره يا اول مشتركاتي