الحلقة الخامسة من ( لمن يجرؤ فقط ) مع ( SiLver Spectra )

[Lost Pearl]

و هو بسبب اهدار الدم ده انا مش عايزة السيسي يفضل موجود

و لا بقول يرجعو مرسي >> انا باردو لا عايزاه لا هو و لا الاخوان

معرفش حاجة عن العريش بصراحة ،، مبحبش افتي

[morshooo]

بقى ماتعرفيش حاجا عن العريش ^_^

اقلبى بس عن الجزيرة وانتى تعرفى ههههههه

طيب عموما انتى شايفا لو فى واحد

معاة سلاح وداخل يضرب فى كمين مثلا

او حتى معاة سلاح وبيضرب بيه ومات

دا حرام قتلة يعنى .

[حَرفُُ هجآءّ]

تمام يا احمد انت بتقول الجيش فى يناير كان مع الشعب ودى ارادة الشعب
ودلوقتى الجيش بردوا مع الشعب
والله طنطاوى اثبت انه فعلا رجل جيش كويس حتى لو عليه تجاوزات
طنطاوى لما نفذ ارادة الشعب
مجاش على بتوع مبارك وقتلهم حتى لو هما كانوا اعتصموا مكنش هيقتلهم
لان الجيش يحمى جميع مواطنيه مش اروح ارمى هدايا على ناس والباقى ارمى عليهم منشورات تهديد

لكن اللى عمله السيسى فى تفويض الشرطه فى فض الاعتصامات
الوحشيه اللى فاقت كل شىء يخلى السيسى يفضل موجود
ده لو متحاكمش اكيد حد هيغتاله
امريكا وغيرها لما بيحاربوا بيحربوا دول تانيه مش بتموت شعبها
وبردوا احنا بلد اسلامى شريعتنا اسلاميه
اسس ومبادىء اسلاميه
والاسلام لا يبيح القتل الجماعى
والاسلام بردوا نزل العقاب على القاتل
يبئا السيسى يتعاقب
امال انتوا شايفين حق الناس اللى ماتت دى يرجع ازاى
اهليهم يعملوا ايه يعنى شايفين القاتل ادام عينيهم عايش وعيالهم ماتت
هو ده بئا العدل؟
ولا عايزينهم يقولوا فى ستين دهيه اللى مات المهم السيسى يعيش
ياجماعه السيسى غلط ولازم يتحاسب
مش عايزين الناس تطالب بحقهم ليه ؟
مبارك لما اتسجن قال يعنى كان مسجون على الاقل الناس هديت شويه
على اساس ان القضاء كان هيجبلهم حق اولادهم
لكن للاسف حتى دى كمان راحت

البلد دى عمرها ما هتمشى بالشريعه الاسلاميه صح
مش بقول التشدد لكن انها تنفذ ابسط الحقوق والواجبات للمصريين

[Lost Pearl]

اقتباس المشاركة الأصلية كتبت بواسطة morshooo بقى ماتعرفيش حاجا عن العريش ^_^ اقلبى بس عن الجزيرة وانتى تعرفى ههههههه طيب عموما انتى شايفا لو فى واحد معاة سلاح وداخل يضرب فى كمين مثلا او حتى معاة سلاح وبيضرب بيه ومات دا حرام قتلة يعنى .

مش بتفرج عليها يا سيدي

انا بتكلم علي حق الناس اللي كانو من غير سلاح و معملوش حاجة غير انهم نزلو يدافعو عن حقهم و وجهة نظرهم

افهمني

[morshooo]

اقتباس امال انتوا شايفين حق الناس اللى ماتت دى يرجع ازاى

طيب تمام وحلوة الجملة دى

كنتى فين بقى لما مات

51 طفل وكنتى فين لما مات 16 جندى وكنتى فين لما مات 73 شاب مصرى

مطلبتيش بالكلام دا لية دى نقطة .

انتى بتقولى طنطاوى طلع كويس

اومال لما اتشال الناس فرحت لية وقعدت تقول

ان مرسى قدر يمشى العسكر وعملولة حفلة وفيلم هندى .

سؤال كمان :

من رئيك اية الحل السلمى الى كان المفروض يعملة السيسى عشان يفض اعتصام رابعه ؟

[morshooo]

اقتباس المشاركة الأصلية كتبت بواسطة lost pearl مش بتفرج عليها يا سيدي انا بتكلم علي حق الناس اللي كانو من غير سلاح و معملوش حاجة غير انهم نزلو يدافعو عن حقهم و وجهة نظرهم افهمني

طيب سؤال صغير بقى ^_^

افرضى انك واقفة فى وسط حشد تمام

وفى ناس فى الحشد دا معاهم سلاح

وبيضربو بيه المطلوب من الداخلية اية .

[حَرفُُ هجآءّ]

اقتباس المشاركة الأصلية كتبت بواسطة morshooo وهو مين قال ان اهدار الدم حلال والا انا قولت ان الناس الى ماتت تستاهل انها تموت لكن . لو شايل سلاح وبيضرب بيه وشغل ارهاب يبقى هو الى عمل كدا فى نفسه والدليل على كلامى هو لما ناس بتدخل تضرب كامين فى ( العريش ) مثلا وبيموتو ياترى دا يتقال علية حرام قتله .

هو مين بئا القاتل من الاخوان صح ؟

تمام ومعاك اوى على فكرة

فى ايه بتقول ولكم في القصاص حياة يا أولي الألباب لعلكم تتقون


القصاص من القاتل نفسه مش عشان انا مثلا قتلت واحد يجى اهله يقتلوا عيلتى كلها

ده حكم الدين من قتل يُقتل

هو نفسه مش جموع من البشر

وانا قولت فى اول مشاركه ان المحمى فى المسلمين لا يجوز قتله

وسط المسلمين لعدم وقوع قتلى ابرياء

الا اذا كان كافر نخاف على المسلمين منه

يبئا مش هو اللى عمل كده فى نفسه

طيب لما قائد الجيش مش بيعمل بالشريعه الاسلاميه اللى فرضها الله علينا

يبئا ينفع بئا يقود بلد اسلامى ؟

[Lost Pearl]

اقتباس المشاركة الأصلية كتبت بواسطة morshooo طيب سؤال صغير بقى ^_^ افرضى انك واقفة فى وسط حشد تمام وفى ناس فى الحشد دا معاهم سلاح وبيضربو بيه المطلوب من الداخلية اية .

حشد معاه سلاح

لو حد جوة كان معاه سلاح فـ دول اللي كانو فـ وسط حشد سلمي

و المطلوب من الداخلية و الجيش حاجة واحدة

مش يأذوني

[morshooo]

اقتباس المشاركة الأصلية كتبت بواسطة حَرفُُ هجآءّ هو مين بئا القاتل من الاخوان صح ؟ تمام ومعاك اوى على فكرة فى ايه بتقول ولكم في القصاص حياة يا أولي الألباب لعلكم تتقون القصاص من القاتل نفسه مش عشان انا مثلا قتلت واحد يجى اهله يقتلوا عيلتى كلها ده حكم الدين من قتل يُقتل هو نفسه مش جموع من البشر وانا قولت فى اول مشاركه ان المحمى فى المسلمين لا يجوز قتله وسط المسلمين لعدم وقوع قتلى ابرياء الا اذا كان كافر نخاف على المسلمين منه يبئا مش هو اللى عمل كده فى نفسه طيب لما قائد الجيش مش بيعمل بالشريعه الاسلاميه اللى فرضها الله علينا يبئا ينفع بئا يقود بلد اسلامى ؟

انتى عمالة دخلى الشريعه والقصاص وكله على كله

لو هتكلمى على الشريعه الاسلامية ياترى انتى نفسك

بتطبقيها صح يعنى لو هنكلم الدين بيأمرنا نعمل اية

ياترى انتى قعادك على النت دا صح

ياترى التليفزيون دا صح

ياترى لبسك للبنطلون مثلا صح

..................... الخ

فياريت بلاش كل كلامنا يبقى الاسلام والدين

طيب تقولى اية بقى للقائد الاخوانى الى كان بيطلع

على المنصه ويحرض على القتل دا عادى

لما واحد يقول كل الى بيحصل فى سيناء هيقف لما مرسى

يرجع دا كان عادى لما واحد يقول الى يرش مرسى بالمياة نرشه بالدم

كل دا مكنش تحريض على القتل .

لما طلعو على خيام المعتصمين فى الاتحاديه دا كان عادى

مكنش فيه حاجا .

كل واحد ولية وجهة نظرة فى موقف الجيش والقرار الى اخدة

بفض الاعتصام انتى شايفا انه كان غلط يبقى خلاص

انا بقولك من وجهة نظرك اية الحل الامثل لفض الاعتصام ؟

[حَرفُُ هجآءّ]

اقتباس المشاركة الأصلية كتبت بواسطة morshooo طيب تمام وحلوة الجملة دى كنتى فين بقى لما مات 51 طفل وكنتى فين لما مات 16 جندى وكنتى فين لما مات 73 شاب مصرى مطلبتيش بالكلام دا لية دى نقطة . انتى بتقولى طنطاوى طلع كويس اومال لما اتشال الناس فرحت لية وقعدت تقول ان مرسى قدر يمشى العسكر وعملولة حفلة وفيلم هندى . سؤال كمان : من رئيك اية الحل السلمى الى كان المفروض يعملة السيسى عشان يفض اعتصام رابعه ؟

انا بردوا رديت قبل كده على
51 طفل
منظومه السكك الحديد كبيره جدا متجيش تقول حقهم عند مرسى
لان القطارات والسكك الحديد غير قابله للاستخدام ودى مستحيل اى رئيس يغيرها ولا فى سنتين

16 جندى كانوا مسئوليه طنطاوى وسامى عنان واللى مرسى شالهم فيها
73 بتوع بور سعيد كان الحاكم فيها المجلس العسكرى يعنى بردوا طنطاوى المسوؤل
هتقولى المحاكمه كانت فى عهد مرسى
هقولك القضيه من وقت حدوثها كانت فى ايد القضاء

انا لما قول طنطاوى كويس مع ان عنده تجاوزات
اقصد كوس فى انه مش طلع على جزء من الشعب وقتله
وانا وضحت كلامى

انت بس خدت كلمه طنطاوى كويس
هههههههههه
ركز بس ياعم


طيب لما طنطاوى مشى فى حادثه ال16 جندى
السيسى قاعد ليه بعد اللى حصل فى رابعه ولا قاعد ليه لما 25 جندى اللى ماتوا
طيب مهو الراجل اهو مش قادر يحمى جنوده اللى على الحدود يعنى فى اخطر مكان
سواء بئا يحميهم من الاخوان من الجهاديين من التكفيريين المهم انه فاشل فى حمايتهم

طنطاوى مشى عشان ال16 جندى = السيسى يتحاكم لانه قتل عمد وعشان ال25 جندى اللى معرفش يحميهم


انا مش سياسيه من الدرجه الاولى عشان اطرح حلول سلميه
لكن هقولك بردوا
كان ممكن يمنع وصول اكل لهم وكده الناس مش هتموت نفسها من الجوع
مع انى ضد اى شىء يحط الانسان فى خطر
كان بخراطيم المايه يفضها
ومتقوليش هو استخدمها
عشان خراطيم المايه دى محدش يقدر يقف قصادها
هيطير