ده بجد 5 !

[طمطم]

اكيد وحشتكوا ,, صح

نرجع النهاردة مع حاجة تعبالى اعصابى ,,

المشكلة دى اعز ناس ع قلبى واقعين فيها للاسف ..,

ام الحب xD





ساعات بحس ان كل مشاكلنا خلصت مبقاش ف غير مشاكل الحب !

مع ان ف ستين الف حاجة ممكن انك تتشغل بيها ف الدنيا اللى احنا فيها دى ,,

بس م علينا ,,
هتكلم ف الموضوع ده لعل وعسى كلامى ده يغير حاجة ,,





تبدأ الحكاية بـ " أنا معجب بيكى "

شوية بشوية ,, " بحبك "

واتصاحبوا ,, طب وبعدين ,,

اه م احنا متصاحبين ,,

ايوة وبعدين يعنى ,,

مفيش بعدين اصلا ,,

هيحصل حاجة م الاتنين ,,


اما ابوكى / اخوكى هيقفشك ف يوم وساعتها حياتك هتتحول مصارعة للمحترفين


او هتفضلى عايشة ف الكدبة دى سنة .. 2 ... 3 لحد م ف يوم هتفوقى منها ..
ده لو فوقتى اصلا !





اللى انا عايزة اقوله ,,

ان الحب شعور جميل ,, مفيش بنت ف الدنيا مش بتتمنى انها تحسه ,,

بس هو عامل زى الدوا ,,

لو استعملتيه صح ,, هيفيدك ,,

ولو استعملتيه غلط ,, انتى اول واحدة هتتضرى منه ,,

وعلشان كده انتى لازم تختارى صح م البداية ,,

مش اى كلمة حلوة تخليكى تعيشى احلام وردية وتفتكرى ان ده هو ابو العيال

اعملى حسابك ان اللى معندهومش ضمير كتييير اوى

والكدابين اكتر ,,

خليكى ذكية وحويطة ,,

حبى ي ستى انا مقولتش حاجة ...

بس مش لدرجة انك تحبى ع روحك مع كل كلمة حلوة

خلى دايما الكلمة دى ف بالك ,,


" لو بيحبك .,, هيروحلك لحد البيت "


غير كده ,, يبقآ عند مامته ي ادهم xD





وربنا يقدرنى ع فعل الخير xD

[ملك جبال الاحزان]

انتى قايمه بفعل الخير وزيادة

بصى الحب فيه حجات كتير اوى
مش هيبقا زى الناس اللى بتقول
لابيض لاسود !!
وعلى فكرة كل اللى بياخد بالقاعده ديه
دايمأ بيبقا غلطان
لان مفيش حاجه دايما حلوة ومفيش حاجه بتدوم وحشة
اما بقا الجواز وكدة المفروض ومن وجهة نظرى
ان الجواز ده اخر مرحلة فى الحب
بعديه بتبدآ الحياه اللى فيها الحب بيبقا حب بمسؤليه بحجات كتير مش هرغى كتير فيها
بس بقولك اخر مرحلة
لان لازم لما تحبى لازم تعرفى الشخص اللى هتحبيه ده
يعنى انتى عايزة اول ما الشاب يقول للبنت بحبك
تقوله.. بكرة عدى على بابا !!
مينفعش لازم الحب ده يترجم لافعال
ولازم يبقا متبادل علشان كدة لازم الحب ياخد وقته لحد ما تعرفى ان الشاب ده
قد مسؤليه الحب وقد مسؤليه الجواز والبت نفس النظام
لازم البنت تدى للحب فرصة يثبت نفسه

[-esraa-]

اقتباس حويطة

عايزة اعرف معنى الكلمة دي ايه
حاسة انها شتيمة جاية من الحيطة كده يعني : )

هوه فعلا والله تحسي ان البنات مش وراهم غير كده
وبعدها تحب , تعرف انه مضحوك عليها , تعمل مجروحة , ترجع تحب ...
وهكذا يمر الزمان المشكلة انهم مش بيتعظوا من اول مرة عادي عندهم : ))

حلو التوبيك والنصائح ايتها الميرنا

[طمطم]

اقتباس المشاركة الأصلية كتبت بواسطة ملك جبال الاحزان انتى قايمه بفعل الخير وزيادة بصى الحب فيه حجات كتير اوى مش هيبقا زى الناس اللى بتقول لابيض لاسود !! وعلى فكرة كل اللى بياخد بالقاعده ديه دايمأ بيبقا غلطان لان مفيش حاجه دايما حلوة ومفيش حاجه بتدوم وحشة اما بقا الجواز وكدة المفروض ومن وجهة نظرى ان الجواز ده اخر مرحلة فى الحب بعديه بتبدآ الحياه اللى فيها الحب بيبقا حب بمسؤليه بحجات كتير مش هرغى كتير فيها بس بقولك اخر مرحلة لان لازم لما تحبى لازم تعرفى الشخص اللى هتحبيه ده يعنى انتى عايزة اول ما الشاب يقول للبنت بحبك تقوله.. بكرة عدى على بابا !! مينفعش لازم الحب ده يتجرع لافعال ولازم يبقا متبادل علشان كدة لازم الحب ياخد وقته لحد ما تعرفى ان الشاب ده قد مسؤليه الحب وقد مسؤليه الجواز لازم البنت تدى للحب فرصة يثبت نفسه

متقولش اخر مرحلة لان معنى كده ان الحب بينتهى هنا ..


الجواز هو بداية لمرحلة جديدة م الحب ,
مرحلة فيها مسئوليات واعتبارات تانية غير الصحوبية او الخطوبة ,,


اما حكاية لازم يكون ف فترة تعارف ,, مهى دى اللى بنسميها خطوبة :d


اما لو بتتكلم ع ان الفترة دى تبقى ف الخفى = صحوبية يعنى
ف نتيجتها ى م انا قولت او هيسيبها ف الاخر لان ببساطة مفيش ولد بيرتبط ببنت كان ماشى معاها
وكلنا عارفين كويس اوى الحكاية دى..

[دمعه حائره]

ده شىء طبيعى ابتداء من المراهقه لما فوق
انه مايشغلهم غير الحب
واكيد محدش بيتعلم بالساهل لازم يجرب ويستفيد من التجربه
الناصح هوا اللى يخرج من التجربه باقل خساير ويحافظ على نفسيته
وطبعا مافيش حد فى السن يقدر يتقدم ولايفتح بيت
فاغلبها علاقات عابره مابتكملش
موضوع جميل تسلمى طمطم وربنا يسعدك

[طمطم]

اقتباس المشاركة الأصلية كتبت بواسطة -esraa- عايزة اعرف معنى الكلمة دي ايه حاسة انها شتيمة جاية من الحيطة كده يعني : ) هوه فعلا والله تحسي ان البنات مش وراهم غير كده وبعدها تحب , تعرف انه مضحوك عليها , تعمل مجروحة , ترجع تحب ... وهكذا يمر الزمان المشكلة انهم مش بيتعظوا من اول مرة عادي عندهم : )) حلو التوبيك والنصائح ايتها الميرنا

حويطة يعنى حريصة ي ذكية


ادينا بننصح وبنعمل اللى علينا ,,ورغم كده بيغلطوا بردك =))
ده انا من ساعة م ممسكت القسم وانا اتهريت مشاكل حب ,, اكتر من اسامة منير


منورة ايتها الاسراء

[ملك جبال الاحزان]

اقتباس المشاركة الأصلية كتبت بواسطة طمطم متقولش اخر مرحلة لان معنى كده ان الحب بينتهى هنا .. الجواز هو بداية لمرحلة جديدة م الحب , مرحلة فيها مسئوليات واعتبارات تانية غير الصحوبية او الخطوبة ,, اما حكاية لازم يكون ف فترة تعارف ,, مهى دى اللى بنسميها خطوبة :d اما لو بتتكلم ع ان الفترة دى تبقى ف الخفى = صحوبية يعنى ف نتيجتها ى م انا قولت او هيسيبها ف الاخر لان ببساطة مفيش ولد بيرتبط ببنت كان ماشى معاها وكلنا عارفين كويس اوى الحكاية دى..

متترجميش كلامى غلط يا حلوة انتى

ارجعى لكلامى
قولتلك بعد الجواز .. الحب بيبقا حب بمسؤليه بحجات كتير مش هرغى كتير فيها
متوقعنيش فى الغلط
اما الخطوبه انا بالنسبالى مرتبطش ببنت لسه هشوف هى تنفعنى ولا لا
وانا معاها رسمى
وبخصوص الحب فى الخفى
انا عايزاعرف حااجه هو الحب اللى بتسميه (فى الخفى)بيبقا فى حااجه غلط

وعايز اجبلك مقولة فى مدونه ايه

بتقول



يُبكيّني النصيّب يّ أُمِي ~
وَ أخآف أن أتزوج شخصآ لا أستطيّع أن أُحبه يومآ !


لان اوقات كتير الخطوبة مش بيتولد فيها حب
وانتى كبنت اكيد عارفه حااجه زى كدة من بنات زيك او ايآ كان
صوح ولا انا غلطان !!
انا بقا لما انتى بنفسك تتعرفى على شاب بتتعرفى عليه لان شخصيته عجباكى
وبعد كدة بتتعرفى عليه وبيتولد الحب
ولو مفيش حب مش هيبقا فى خطوبة ولا جوتز

[طمطم]

اقتباس المشاركة الأصلية كتبت بواسطة دمعه حائره ده شىء طبيعى ابتداء من المراهقه لما فوق انه مايشغلهم غير الحب واكيد محدش بيتعلم بالساهل لازم يجرب ويستفيد من التجربه الناصح هوا اللى يخرج من التجربه باقل خساير ويحافظ على نفسيته وطبعا مافيش حد فى السن يقدر يتقدم ولايفتح بيت فاغلبها علاقات عابره مابتكملش موضوع جميل تسلمى طمطم وربنا يسعدك

فعلا ي منونتى ,,


واحنا اهو بنحاول ننصح وبنوفر عليهم التجربة :d


بجد نورتينى ي حوبى ^^..

[طمطم]

اقتباس المشاركة الأصلية كتبت بواسطة ملك جبال الاحزان متترجميش كلامى غلط يا حلوة انتى ارجعى لكلامى قولتلك بعد الجواز .. الحب بيبقا حب بمسؤليه بحجات كتير مش هرغى كتير فيها متوقعنيش فى الغلط اما الخطوبه انا بالنسبالى مرتبطش ببنت لسه هشوف هى تنفعنى ولا لا وانا معاها رسمى وبخصوص الحب فى الخفى انا عايزاعرف حااجه هو الحب اللى بتسميه (فى الخفى)بيبقا فى حااجه غلط وعايز اجبلك مقولة فى مدونه ايه بتقول يُبكيّني النصيّب يّ أُمِي ~ وَ أخآف أن أتزوج شخصآ لا أستطيّع أن أُحبه يومآ ! لان اوقات كتير الخطوبة مش بيتولد فيها حب وانتى كبنت اكيد عارفه حااجه زى كدة من بنات زيك او ايآ كان صوح ولا انا غلطان !! انا بقا لما انتى بنفسك تتعرفى على شاب بتتعرفى عليه لان شخصيته عجباكى وبعد كدة بتتعرفى عليه وبيتولد الحب ولو مفيش حب مش هيبقا فى خطوبة ولا جوتز

بس متقولش حلوة

هو انا برده اللى هقولك الصحوبية عاملة ازاى ي ميدو
اسأل اى حد ماشى ف الشارع عن رأية ف البنت اللى بتصاحب وانت هتعرف !..

انت اخدتنى ف حتة بعيدة ,,

انا مجبتش سيرة جواز الصالونات _رغم انه بئآ موضة دلوقتى وبينجح كمان ,,

انا كلامى هو ,,

اقتباس حبى ي ستى انا مقولتش حاجة ...

انا مش ضد الحب ,, بالعكس ,,
اهم حاجة ان الحب ده يتحول لارتباط رسمى مش اكتر ,,
ده اللى عايزة اقوله وبس ..

[dяєαм..|♥]

توبيك حلوو ي طمطم ,,وكلام جميل
المشكله ان لو الواحده من دول مرت بتجربه مثلا وفشلت ,,مش تركن ع جنب بقى شويه وتفكر بالمنطق
لأ ,,دى لازم وف اسرع وقت تتعلق بحد تانى عشان تنسى العلاقه اللى فاتت دى
ايوه بقى ياعينى البت مجروحه,,عاوزه حد يعوضها ويملى الفراغ اللى عندها ده
قال ايه يعنى اللى بتحبه دلوقتى ده مش بيتسلى زى اللى قبله
اللى بيحب بجد هو اللى هيدخل البيت من بابه ,,
تسلمى ي طمطومه =)))