( like ) ( بس مش هرد ) ( ظاهرة فـ المنتدى )

[morshooo]

بسم الله الرحمن الرحيم

مزاج الخير

الواحد فينا لما بيدخل توبيك فى المنتدى وبيعجبه بيقوم رازع

( like )

ودا بيدل على حاجا مهمه انه معجب بالتوبيك وفكرته

مش مهم عندى التوبيك عن ايه يعنى

( سياسى / فنى / استضافه .......... الخ )

وطبعا مش هعيب على اى عضو بيدخل يعمل ( اعجاب )

لموضوع حتى لو موضوع الاعضاء تشوفه انه مش مستاهل .

سؤالى :

اية رئيكم فى الاعضاء الى بتدخل تعمل ( like ) فى مواضيع
بس مش بترد او مش بتعمل مشاركه تقول رئيها فى التوبيك
ياترى شايفين انه عادى والا طالما عملت اعجاب يبقى من
حق صاحب الموضوع انى ارد على التوبيك بتاعه ؟

[احسـ طفله ــاس]

سؤالى :

اية رئيكم فى الاعضاء الى بتدخل تعمل ( like ) فى مواضيع
بس مش بترد او مش بتعمل مشاركه تقول رئيها فى التوبيك
ياترى شايفين انه عادى والا طالما عملت اعجاب يبقى من
حق صاحب الموضوع انى ارد على التوبيك بتاعه ؟
اظن انه عادى ..ممكن العضو مش يكون ليه رد على الموضوع بس عاجبه

[عاشقة ذكر الله]

عادى النظره مش بتبقى كدا
أحيانا فيه ناس أساسا مش ليها فى الرد و مش بتحب تدخل فى حوارات و كدا و مش عايزة تقول
الكلام المعتاد االلى هو موضوع جميل ... الخ
فعلشان كدا بتعمل لايك و بتخرج
لكن معتقدش ان فيه ناس بتعمل لايك و خلاص و مش بتبقى عارفه الموضوع فيه اي
لأن لو كدا كان سابه حتى من غير مايعمل لايك لكن بدل عمل لايك يبقى هو عاجبه بس مفيش حاجه يبتناقش فيها او ملوش مزاج :d

[Ŗăήćy]

انا من الناس الى بتدخل تعمل لايك وتخرج على فكرة
بس انا هاتكلم على نفسى,,فى مواضيع بتجذب ليها وبقرأها
واكيد لما بتعجبنى بعملها لايك احياناً بيكون عندى رد للموضوع
واحياناً مش ببقى عارفة ارد ايه او مش عايزة اقول زى ما آيه قالت
موضوع جميل وامشى وخلاص..فـ بعمل لايك وده دليل انى قرأت الموضوع وعجبنى
وبس^^
تسلم عالموضوع

[اميره الشعر الشجين]

لاء العكس لازم يرد على الموضوع حتى لو مش حباب اصلا الموضوع بس يرد عشان يشجع الكاتب ولو شايف حا جه كده ولاكده يقول عليها عشان مش يكررها واكيد الاعجاب مش كفايه

فعلا سؤال رائع تسلم اخى مارشووو ^_^

[زهرة الياسمين]

انا عن نفسي اوقات بعمل like بس
ساعات من كتر ما الموضوع جميل او مثلا شفت ردود الاعضاء تقريبا تشبة راييي فبحس خلاص ملوش لازمة ارد وانا عن نفسي بيكفيني بس اعجاب بموضوعي معناه ان العضو شافه واقتنع بيه بس في ناس بتزعل وبتفتكر ده تجاهل
وفي ناس بتعمل اعجاب مثلا وبعدها بفترة بترجع ترد
موضوع مهم جداااا
تقبل مروري ومشاركتي
زهرة الياسمين

[Angel Smile]

هى حالات بتيجى كدة
زى لما حد جمبك يكون بيكلمك فموضوع مهم و انت من كتر مهو مهم
مركز فالموضوع فدماغك فبتنسى ترد عليه اصلا او بترد عليه فتفكيرك
فعقلك بيتبعتله اشارات انك ردييت :d:d و فالاخر بيزعل :| ده من منظور اخر

بس فعلًا فى مواضيع مش بتبقى عارف ترد تقول ايه ؟ ولو قولت لازم ادى اهمية للى كاتب برضوا
و تقول تسلم الايادى هيقولوا ردود مقتبسة و الخ

ف هنا ال like معبرة فحت ^^
و يسلمواا ال دخلها عالم المنتديات :d

[™Amiliya]

الـ like احيانا اهم من الرد واحيانا بيغني عن الرد وخاصة لو ناس رايها زي راي الي قبلها فبتختصر الموضوع بضغطة
اعجاب

وفي مواضيع بقراها بتكون مثلا معنديش راي فيها بس تقديم الموضوع جميل وحلو
زي في موضوع ليك بيتكلم عن ظواهر المنتدى حاجات مثلا تخص مشرفين او ادارة او اي حاجة تاني معرفش ارد عليها
بس تقديمك جميل فبعمل like للموضوع ولبعض الاراء فيه

واحيانا بتعمل like وبيكون ليك عودة للرد ع التوبيك
وفي like بيقولك ان حد رد ع التوبيك فبتروح تشوف الرد

[ملاك ودمعتى هلاك]

اممممممممممممم
لا طبعا عمل لايك يرد
لو موش هايرد يبقى مايليكش ياعنى (مايعملش like ) اصلا
تقبل مرورى لان الموضوع قيم

[Mo chahin]

انا شايف ان افضل حد يجاوبك هو طارق ههههه

لا بجد يا مورشو زى ما قالت رانسى تقريبا ..

ان ممكن يكون الموضوع فيه الرأي اللى عايز اقوله فا بأيده باعجاب مثلا ..

زى مثلا لما بكون شايف موضوع كامل مُكمل مش محتاج رأيى الشخصى لكن بيعجبنى ..

فا بعمل لايك ..

وممكن مبقاش فى المود انى ارد لكن ببدى اهتمامى على الاقل بلايك ..

اكيد دا بيشجع صاحب الموضوع حتى ولو بنسبه صغيره .. المهم انه بيفرح مش العكس ..

تسلم يا عم الظاهره هههه