ده انا طلعت هبلة اوي

[زهرة الياسمين]

تخيلوا لما اعرف واحدة صاحبتي على واحدة صاحبتي تانية ويتخانقوا مع بعض وكل واحدة فيهم تشكيلي م التانية وانا اسمع م الطرفين واحفظ سرهم واحاول اصالحهم على بعض وفعلا يتصالحوا ويبقوا صحاب اوي واتا انا اخد استمارة ستة ويتمصلحوا مع بعض على حسابي انا ولما اكلم صاحبتي الاولانية واسالها ليه بتعملي كدة معايا تقولي مش انتي اللي معرفاني عليها وصالحتينا على بعض
طب قةلولي ارد عليها بايه دي
سؤالي بتاع النقاش بقى
ياترى جملة الدنيا مصالح اللي بنسمعها دي بجد
ممكن واحدة تستبدل صديقة بصديقة تانية عشان المصلحة؟
واعجبي بجد

[Aya 7ekaya]

والله ي قمر اهو انتى كده بتعرفى الناس على حقيقتهم
وكويس ان ربنا بيكشفهم ليكى
اللى يبيعك بعيه

[ساحر الأحزان]

هو دة نصيبك

نيتك صافية وعايزة تصلحى بسى صدقى لما يحصل خلاف مش حيلاقوا غيرك

على شان تصلحى

بينهم فما تقلقى لانك معملتيش شىء وحش

[ana lola]

معلش بقا انتى اول مره تشوفى جانب الاصدقاء

الوحش ولا ايه المهم مش تزعلى وتصحبى على واحدة تانيه

وسيبكم منهم كدا اثبتوا ليكى انهم مش اهل الثقة اصلا

ومتخليش شويه بنات يقلبوا حياتك

وردى على سؤالك اكيد كله بقا مصالح دلوقتى لأسف

[معذب القلب]

ده شئ اكيد المصحله غلبت كل شئ الان ولكن الصداقه انتى التى تختارينها وصديقك على عيبه
لما يزعلو هيرجعولك تانى وبصراحه انا بلاقى زعل البنات على اشياء تافه جدا ولكن هذا يعلمك ما يحدث خلفك
وان تتيقنى من صديقك قبل اختياره حتى لا يبيعك فى وقت الضيق

[ana aboodya]

دي حصلتلي بالهبل

[جبل عالي]

حبيبتي احنا مش بنتعلم بسهولة صدقيني

ده غير ان السن الصغير ممكن يكون برضو عامل مهم

ان العواطف فيه بتكون مذبذبة ومتقلبة وغير مستقرة

فتلاقي المتناقضات كتير في وقت قصير

تسلمي غاليتي وربي يحفظك يارب

[العاشق الذى لم يتب]

وعجبى
والله اجمل كلمة فى التوبييك كله
حكاية
وعجبى
ليك الحق تتعجبى وتستغربى
الدنيا بقيت مصلحتى وبس
على العموم اهو برضوا انت واخدةحسنات كتير
الااول علشان عرفتيهم على بعض

والتانى علشان صلحتيهم على ببعض
والتالت علشان حفظتى سرهم

والراببع علشان انتى ماعملتيش حاجةوحشة مع حدفييهم
والخامس والاهم انك مافيش فى قلببك بغض ليهم
ومصرة على مصاحبتهم وزعلانة لهجرهم ليكك
ربنايسعدقلبك ييااختى ويبارك فيك

والصالحات الطيبات عندربك متشالة
مش كده ولااييييييييه
تسلمى اختى وقولى يياربب

تقبلى تحيياتى وودى

[زهرة الياسمين]

نورتوني والله
عندكوا حق
بس المشكلة اصل صاحبتي دي انا كنت بثق فيها جداا
بس انا مش زعلانة عليها على فكرة
وفي الاخر كل واحد بيعمل باصلو وتربيتو

[جاك سبارو2013]

هو الموضوع جميل وعلى فكره دى حصلت معايا كتييييييييير اوى بس برده انتى طلعتى هبله اوى ومتزعليش وانا لحد الان مش مصدق انوا ده حصل مع حد تانى يله هى كده الدنيا