النسوان وصاحبي

[فتحى عيسى]

جاني والعفاريت بتتنطط في وشه...
وحاله يصعب ع الكافر ...
ومش طايق حد ...
قولتله مالك ياصاحبي ...
مالك كده قرفان ...
الدنيا متستهلش زعل ...
هنقضيها لامتي في نكد وهوان ...
قالي النسوان ...
خربوا بيتي ...
وطلعوني من هدومي عريان ...
كل ما اخد واحدة ...
الاقيها العن من اللي قبليها ...
وتزيد عليها كمان ...
جربت كل حاجة ...
ولا حاجة نافعة ...
ولا حاجة تبل ريق عطشان ...
كلهم ياصاحبي نسخة واحدة ...
طينة واحدة ...
عجينة من نفس القطران ...
قلتله عندك ياصاحبي ...
حاسب ...
لحد هنا وخرفت ...
أنت أكيد تعبان ...
مسألتش روحك ليه ...
مش يمكن العيب فيك ...
وانت مش عارف تدادي غباوتك ...
وتعلمها ازاي ترضيك ...
ازاي تحسسك بقيمتك وفعلك ...
وترفع كرسي معاليك ...
بينك وبين نفسك قبل غيرك ...
ساعتها كنت هتشوف الدنيا ...
بعيون تانية جميلة ...
وناسها خليط عجيب ...
من كل لون ومعني ... وشكل ومعون ...
لا حد فيها زي حد ...
لا الملح زي الشطة ...
ولا الفلفل بقي كمون ...
وهتعرف ...
إن لبني مش سميرة ...
ولا مهجة هيا عديلة ...
وأن الشكل ...
عمره ماكان محطة ...
ولا العيون مرسي ...
ولا القالب عنوان ...
عارف ياصاحبي ...
النسوان دول نعمة ...
واللي يكرها يعمي ...
ويشحت علي باب الحرمان ...
اللي قالك إنهم نسخة واحدة ...
حمار اصيل ...
ناقصله بردعه وديل ...
وعنده عمي حيسي ...
لا بيشوف ولا بيحس ولا بيشم ...
ولا بيستطعم حتي البرسيم ...
النسوان يا بو مخ تخين ...
علي قد ماتديها تديك ...
علي قد ما تحبها ترويك ...
وبالعين اللي بتشوفها بيها ...
بتشوفك بيها ...
وبتراعيك قديها ...
ولاا بترميك ...
النسوان أحلي حاجة في الدنيا ...
وأجمل مافيها ...
وأطعم ما فيها ...
وأحن وأطيب مافيها ...
النسوان ...
دنيا تانية ...
غير اللي بنعيش ...
فيها ...
فتحي عيسي

[ويبقى الأثر]

الله عليك وعلى قلمك وفكرك الراقى
نظرتنا للدنيا كلها تتغيرمش صاحبنا ده للستات بس
لو شوفناها برؤيه مختلفه نابعه من صدق الاحساس والطيبه
صدق الاحساس ونقاءه بيخلينا نتغاضى عن اى عيوب موجوده
شكرا ََ لك استاذنا لامتاع زوائقنا بكل رائع
شكرا ََ لما يخطه قلمك من رُقى
لك ارق التحايا واعذبها يانقى

[العاشق الذى لم يتب]

والله ياصاحبى كلامك لصاحبك صحانى
وخلانى بقيت انسان تانى
فعلا كنت غفلان ومش شايف غير السوادانى
انت فوقتنى وخلتنى اشوف حبيبتى باجمل الالوانى
تسلم ياشعرنا الكبير
ماعظم احاسيسك الراقية
ولايوجدفى الدنيا اجمل من امرأة
تقبل تحياتى وودى

[Lamees]

استاذ فتحي

صدفة جميلة حملتني إلى رائعتك
استمتعت كثيرا ً وأنا أقرأ
نبضك ..
احساسك ..
اسلوبك..

كنت رائع

روني

[فتحى عيسى]

اقتباس المشاركة الأصلية كتبت بواسطة قيثارة الصمت الله عليك وعلى قلمك وفكرك الراقى نظرتنا للدنيا كلها تتغيرمش صاحبنا ده للستات بس لو شوفناها برؤيه مختلفه نابعه من صدق الاحساس والطيبه صدق الاحساس ونقاءه بيخلينا نتغاضى عن اى عيوب موجوده شكرا ََ لك استاذنا لامتاع زوائقنا بكل رائع شكرا ََ لما يخطه قلمك من رُقى لك ارق التحايا واعذبها يانقى

أهلا بالرائعة قيثارة الصمت
نعم هناك من يعيشون في أكواخ غربة
لا يرون إلا من خلف الأبواب
في إرتقاب متوجس من قادم وشي به
العذاب وأكثر في إيلام ماضي مضي
لا ينظرون إلا من هذه الطاقة
ولا يشرعون نوافذ الصدور
ويتنشقون هواء يعيد للروح نبضها
وللحياة وهجها وطعمها المفقود
شكرا علي هذه الإطلالة المتميزة
بحرفها المنمق الدقيق ومداده الرائع
وحسه الجميل
بوركتِ
مودتي وإحترامي

[♥SaRa]

كلمآت رائعة من صاحب قلم آرقي
وفعلا كما تنظر للمراءة تنظر لك
ما جمل وجود النساء ع الارض
ومن غيرها ما كان لكم حياة
لتعموا بها
كلماتك اعجز عن مدي روعتها
وقيمتها العالية
سلمت اناملك ودمت بود

[Magic Dreams]

بجد اكثر من رائعه لقد حملت فى باطنها كثيرا من الشجن والعزف على نغم الاوتار
تحياتى

[فتحى عيسى]

اقتباس المشاركة الأصلية كتبت بواسطة الرجل المتواضع والله ياصاحبى كلامك لصاحبك صحانى وخلانى بقيت انسان تانى فعلا كنت غفلان ومش شايف غير السوادانى انت فوقتنى وخلتنى اشوف حبيبتى باجمل الالوانى تسلم ياشعرنا الكبير ماعظم احاسيسك الراقية ولايوجدفى الدنيا اجمل من امرأة تقبل تحياتى وودى

أهلا بك أخي الرائع الرجل المتواضع
وبتشريفك العاطر بطيبه الغالي
والتفاعل الراقي برقي شخصك الجميل
شكرا لك
بوركت
مودتي وإحترامي

[فتحى عيسى]

اقتباس المشاركة الأصلية كتبت بواسطة ro♥ony استاذ فتحي صدفة جميلة حملتني إلى رائعتك استمتعت كثيرا ً وأنا أقرأ نبضك .. احساسك .. اسلوبك.. كنت رائع روني

أهلا بالرائعة روني
وبتشريفك الشفيف بطيبه النقي
وتفاعلك الراقي برقي شخصك
وذوقك الكريم
بوركتِ
مودتي وإحترامي

[عاشقه الورد]

روعه
من اجمل ما قرات
سلم قلمك
لك تقديرى وتقيمى