الحلقة السابعه من ( لمن يجرؤ فقط ) مع ( حنــــون )

[morshooo]

بسم الله الرحمن الرحيم

اهلا بيكم

وحلقه جديدة من برنامجكم

( لمن يجرؤ فقط )

النهاردة حلقه مميزة كالعادة

معانا ضيفه لها ارائها الشخصيه

فى كتير متفق معاها وفـ اعضاء اختلفو معاها

ودا بحكم منصبها السابق كـ ( أداريه سابقا )

معانا المتالقه /

حنـــون

فى البداية تعالو نشوف الـ ( 8 )

نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق

تعالو نشوف الحوار :

الاختيار الاول

( اعترافات )

اية سبب تخليكى عن أدارة المنتدى ؟ وكان ايه سبب
وليه مكنتيش عايزة تقولى السبب الفترة الى فاتت ؟

السبب على فكره انا قولتله من اول يوم سيبت فيه الاداره
بس الظاهر انتو مش مقتنعين متخيلن ان عشان الواحد يتخلى
عن ادراه لازم يكون فيه مشكله مع العلم ماكمش فيه
ولو كان فيه
كنت هقول لانى مابتكسفش من مواقفى ولا من افعالى
السبب وبوضوح ان انا فعلا كنت مليت وتعبت من كتر المشاكل
وان كل واحد طالما الحكم مش معاه يبئه انا جيت عليه
وكان فيه بعض الناس عاوزه تجديد ومتخيلين ان احنا محتكرين
الاداره لنفسنا قررت اريح نفسى واريح الجميع بس ياسيدى هى
دى
الحكايه ^^

ثانيا :

صحيح انتى كنتى على خلاف مع ( طارق ) ولما طلبتى
التنازل عن الاشراف ماتمسكش بيكى وانتى الى شيلتى نفسك
بس هيثم مكنش موافق واداكى شويه صلحيات ؟

اه كنا مقطعين بعض خلافات هههههههههههههه
لا طبعا ماحصلش طارق طول عمر علاقتى بيه كويسه
وكان فيه تفاهم كبير بينا ايام الاداره
وكان كل واحد فينا ليه مسؤليته الى التانى مش بيدخل فيها
غير لو التانى طلب
الى حصل ان انا كنت اكلمت مع ناس صحابى انى فعلا
هسيب وكدا
وهما فضلو يقنعونى بلاء وبعدين طارق كلمنى عن اننا نعمل
سياسات جديده قولتله ان انا موافقه جدا بس انا مايكونش ليا
اى دور فى التجديد دا ورتبنا هنعمل ايه وهننقل صلاحياتنا
لمين على حسب كمان الاستفتاء
بس وانا كنت مبسوطه جدا بالخطوه دى ويسال طارق يعنى
اما عن هيثوم هو ماكنش موافق طبعا وحكايه الصلاحيات دى
كان بيعدلى العضويه فقط !!

الاختيار الثانى

( سؤال من مجهول )

طبعا حنون اكيد هتنور الحلقه بس عايزة اسئلها سؤال
س / لية اختفيتى بعد ما اتشلتى من الادارة دا مزعلك والا فى حاجا تانيه ؟

لا انا ماختفتش ولا حاجه تقريبا بدخل المنتدى كل يوم
يمكن نشاطى قل كتير بس فعلا مش عشان حاجه
لما بلاقى حاجه كويسه بدخل وبشارك
غير كدا السياسه خربت عقولنا ههههههههه

الاختيار الثالث

( كلام فى السياسه )

اولا :

انتى ضد جماعه ( الاخوان ) عايز اعرف رئيك فى
قرار فض اعتصامى ( رابعه والنهضه ) وشايفه ان الجماعه
فعلا جماعه قادرة على حشد الملايين للنزول فى الشوارع
للدفاع عن رئيسهم ( مرسى )

فض الاعتصام مش هقدر اقولك انو قرار صائب ميه فى الميه
بس تقدر تقول هو كان احسن الوحشين !!
ولا كنا هنتحول لدوله كل جماعه فيها ليها مليشاتها وافكارها
انك تعمل اعتصام مسلح فى وسط منطقه سكنيه تقفلهم كل
مداخل الحياه
تقلبلهم حياتهم ترعبهم تخلى الناس تسيب بيوتها وتمشى اعتقد
دا مش اعتصام نهائى
الى اعرفه ان مافيش اى دوله محترمه او اى دوله من دعاه
الديمقراطيه بتسمح باى اعتصام يهدد حياه المواطنين زى
الاعتصام الى حصل عندنا
اما عن الجماعه فااحب اقولك انها فشلت حتى فى انها تكون
جانب ضعيف مغلوب على امره
حقا الاخوان عرفونى يعنى ايه الفاشيه الدينه على حق
هما دول بجد دعاه التخريب وحب السلطه واحتكار الدين
مافرقوش حاجه عن الفكر الصهيونى

ثانيا :

بعد القضاء على جماعه الاخوان شايفا مصر رايحه على فين
وايه رئيك فى تدخلات امريكا سواء فـ ( مصر ) او ( سوريا ) ؟

مصر رايحه لفين لسه الملامح مابنتش محتاجين فعلا سنين كتير
اوى على مانكون دوله عارفه ازى تحترم المواطن محتاجين
سنين عشان نربى الشعب دا ازى يحترم الاخرين بكل معتقادتهم
وافكارهم ازى يقدر يعيش مع الاخر من غير اى عنصريه
كل واحد طالما مابيضرش الاخر ومش بينشر الكره والعنصريه
يبئه اهلا بيه

امريكا دى دوله ماتعرفش غير مصلحتها هى مهمتها الاول تفتيت
كل الدول العربيه ضيعت ليبا ووالعراق وبتحاول فى اخر نفس
اهى مع سوريا وكان حلمها توقع مصر بس مصر قدرت
تكسرلها حلمها فامتجه دلوقتى للسوريا اعتقد ان الشعب الى
يسمح بتدخل اى وجود تدخل عسكرى خارجى يبئه هو الى
بيجنى على روحه
والمعارضه السوريه كان حقها ترفض دا رفض تام

الاختيار الرابع

( اعضاء المنتدى )

اولا :

بعض الاعضاء بتاخد عليكى حاجا من ايام ما كنتى اداريه
محدش بيشوفك الا فى مواضيع زميلك فقط وحتى قراراتك
ضدهم بتكون عاديه جدا ( ايام ماكنتى اداريه ) شايفا انك
فعلا تخازلتى مع بعض الاعضاء فى اتخاز اى قرار ؟

والله انا بدخل المواضيع الى بتعجبنى ومابردش على اى موضوع
غير لما يكون فعلا ليا راى فيه مش عشان بئه اصحابى او لاء
ومع العلم مش حاجه عيب ان ارد على مواضيع صحابى
اما قراراتى فى الاداره انا كنت بقرر على حسب رؤيتى للموقف
من الناحيتين غير كدا كل واحد حر يفهم الى عاوز يفهمه انا
قرارى كان على حد فهمى للموقف كان بيكون على اساس
الموقف نفسه مش على الاشخاص بس هو لما كان القرار
بينصف حد كان التانى بيزعل حتى لو غلطان ....

ثانيا :

ايه رئيك فى الاعضاء الى مش بيدخولو المنتدى الا للصفحات فقط
وانتى ساعات بتعملى كدا فين نشاطك زى ماكنتى اداريه والا انتى
مش بتنشطى فى المنتدى الا لو كنتى صاحبه منصب فقط ؟

كل واحد حر يعمل الى هو عاوزه يدخل اى مكان
انا عن نفسى نشاطى اقل الفتره الاخيره لان المواضيع السياسيه
تكاد تكون منعدمه وانا اهتمامى بدرجه كبيره سياسى فامش
لاقيه اهتمامى
فاكنت بقول راى فى صفحتى وكان نادرا كمان
اما عن نشاطى فانا طول عمرى نشاطى هادى مالوش دعوه
بئه بالمنصب او لاء

الاختيار الخامس

( سياسه المنتدى )

اولا :

عايز اعرف منك وبصراحه شايفه سياسة المنتدى حاليا اتغيرت
عن سياسه المنتدى اثناء وجودك والا لسه الامور زى ماهى ؟

بصراحه مش عارفه انا بعيده تماما حاليا عن سياسه المنتدى
وتقريبا ماعرفش عنها حاجه فامش هقدر افيدك فى الحكايه دى

ثانيا :

بما انك اداريه سابقه شايفا ان فى جديد تم اضافته
بعد تعيين ساحر ودمعه فى أدارة المنتدى ؟

كل واحد اكيد بيجتهد وبيحاول يضيف حاجه جديده
فى مكانه واعتقد انهم بيجتهدوا
ربنا يوفقهم دايما

بكدا بتخلص سابع حلقات البرنامج .

انتظرونا الحلقات القادمة

تحياتى

[Loyalty]

عضوة معروفة ومميزة طبعا
وكن لها دور كبير فى الادارة
وفعلا مسؤولية الادارة ليها ضغوطها
وارائها جميلة
وحلقة جميلة يا مورشوو
وفى انتظار الحلقة الجديدة

[countess]

حبيبتي صاحبة الحضور بمنصب او بغيره

ديما حنوني

إجبات جميله جدآآآآآ وثقه كمان وهي دي حنون

ربنا يوفقك يارب وين ماتكوني ويسعد ايامك

مستر حلقه ك العاده رئعه

[ساحر الأحزان]

حلقة جميلة مرشو

مع حنون

الى من خلال تعاملى معها بكن ليها كل احترام وتقدير سوء فى الادارة او غير الادارة لم ولن تتغير

وتعلمت منها كتير جدا

وان شاء الله نكون على قدر الثقة فى تحمل المسئولية

بقلها حاسس انك وحشك الراديو

وهمسات حنونا

نورتى حنون

مع مرشدى ظواهر



موفقين

[الرحــاال المٌتَمرد]

منوره يا حنون ؛؛ مٌجرد وجودك ف المنتدي دا شىء بيسعدنا ..
الله يوفقك و يسعدك و يحفظ مصر من كل سوء

[Lost Pearl]

حلقة جميلة و حنان دايما كانت بتحاول تحل المشكلة اد ما تقدر

و دايما بيطلع طرف غضبان هههههههه


ربنا يوفقك دايما يا فتاتي ،،

حلقة جميلة يا مورشو تسلم ..

[-esraa-]

جميلة جدا اجابات حنون وآرائها دايما مش بتقول حاجه غير وهي مقتنعه اقتناع تام‏^‏‏^‏‏
‏‏
تسلم مورشو عالحلقة: )

[♥SaRa]

حلقة جميلة جداً طبعاً مع حنون
وأجابتها تدل عـ ثقتها بنفسها
وطبعا كلها عقلانية
واجابات متزنة
تسلم احمد عـ الاستضافة

[العاشق الذى لم يتب]

اهلا وسهلا بالسياسية المحنكة القديرة البارعة
ماشاءالله تبارك الله
تقولى دكتوراة سياسة
ولاولامحمدباشالازغلى
منورة الدنيا اختى حنان ولاحنون
أعمل ايه انابئا فى حاية تغيرالحروف دى
هى خمسين وحدة اسمها حنان
وحنون وحنين
ياناس اناصعيدى
ومابعرفش افسر أحلام ومش خبير
فى السجل المدنى
كفاية حنان
مع انى ولاشايف حنان ولاحتى ذرة منه
كل الحكاية قتل وموت وسب وشتم وحرق ودمار
ايه جرالك يامصرايه
ربنايحرصك يامصر
وربنايحرصك يااخت حنان
بصراحة كلام واجابات جميلة على هوى من يتبعك
واناسعيد بصحبتك انت والمذيع
اللى قل نشاطه من ساعة بنت الايه دى
ماجات وخداه ومشية
احسن ياراجل نستريح من حركاتك ومقالبك
تقبلوا تحياتى وودى

[morshooo]

منورين ارجاله

حنون هتيجى ترد عليكم بس

مستنيين الدكتور يدينا تصريح بالرد

^_^

اصلها بعافيه شويه .