آولى حلقات برنامج بكل صراحة ومعانا ,,, دمعة حائرة

[Loyalty]

اخباركم ؟! احب اعرفكم الاوول بالبرنامج بنسال فيه الاعضاء حبه اسئلة عن الطبخ وكدا وفى مفاجأة فى البرنامج ان اكتر الاضاء مشاركة للبرنامج هيكون لية جايزة وكل فترة هنشوف مين اكتر عضو متابع للبرنامج كردود ومشاهدة وويكون لية جايزة ومعانا النهاردة عضوة معروفة بتألقها ونشاطها وهى منة ,, دمعة حائرة الاسئلة :: بصى بقى الاسئلة 1/ كم وزنك ؟ بلاش السؤال الحاجات دى بتتحسد 2/ رآضية عن وزنك ؟ يعنى معقول وانا دايما براقب وزنى واى زيادة بنزلها بسرعه قبل ماتزيد 3/ اية اكتر الاكلات الا بتحبيها ؟ بحب المعجنات كلها زى البيتزا والباتيه واى فطاير والاكل فى الفرن ومشويات 4/ اية الاكلات الا بتعرفى تطبخيها ؟ الحمد لله بعرف بعمل اغلب الاكل وكمان بقالى فتره بتابع قنوات فضائيه بتجيب وصفات حلوة اتعلمت اكل كتير من بلاد تانيه 5/ اية اكتر اكله بتعرفى تعمليها واية اكتر اكلة مبتعرفيش تعمليها ؟ مكرونه بشاميل والمحشي والمشويات بعرف اعملها كويس اما البيتزا لحد دلوقتى كل مره يطلع فيها حاجه غلط 6/ امتة اول مرة دخلتى المطبخ ؟ كنت فى اولى اعدادى وتيته علمتنى اعمل الرز والبطاطس والسلطه كنت بدخل قبلها اساعد واعمل حاجات خفيفه 7/ مامتك كانت بتحب انك تدخلى المطبخ وانتى صغيرة والا كانت بتمنعك ؟ اوقات كانت ترفض لكن انا كنت حابه الطبخ وانى اتعلمه 8/ احكى لنا موقف محرج حصلك فى الاكل ؟ مره وانا بعمل مكرونه حطيتها والميه باردة غير انى غسلتها زى الرز وباظت وبقت عجينه 9/ حرقتى اكل او عملتى اكل واترمى قبل كدا ؟ كتير حرقت اكل وانا بتعلم ولما كبرت كان بسبب الفون والتليفزيون 10/ قوللنا طريقة عمل الاكلة المفضلة بالنسبالك بكل حذافيرها هاقولك اكله لسه عاملاها من كام يوم مكرونه بصوص المشروم والفراخ تسلقى مكرونه اسباجيتى وتصفيها وتكونى سالقه فراخ او تشويها تحمرى المشروم فى زبدة ممكن تضيفى فلفل ملون وتحطى معاها الكريمه واللبن وبعدها البهارات والفراخ المتقطعه وتقلبيهم كويس وتحطى الخليط على المكرونه ومعاهم جبنه شيدر و موتزرلا وصفه بسيطه وجديده هاتعجبك 11/ بتحبى الاكلات المصرية والا اكل سورى او سعودى او غير كدا ؟ بحب الاكل المصرى والاكل السورى واللبنانى جميل اوى عرفت منه كام اكله اما السعودى معرفش غير الكبسه 12/ اية المتطلبات الا لازم تكون موجودة فى مطبخك ؟ اكيد الخضار الاساسي طماطم وبطاس وبقدونس ولحمه وفراخ ورزبكده مطمنه تقدرى تعملى اكل 13/ مين الا علملتك الاكل مامتك والا من الكتب ؟ ماما وتيته وانا بعدها اتعلمت من الكتب والقنوات المختصه لانى كنت عاوزة اعرف انواع جديدة وخصوصا من بلاد تانيه وبسسس نورتينا يا قمر استنونا فى حلقة جديدة

[♥SaRa]

حـلقة جميلة جداً
والضيفة أكيد متألقة دائماً
وطباخة كبيرة
منورة يا منون
وتسلمي يا قمر عـ الحلقة

[╯ Princess ╭]

برنامج جميل
واسئله حلوة منك
تسلمي
نورتينا يا منه
منتظرين الحلقة القادمه

[-esraa-]

حلقة جميلة ^^
وواضح ع منونة انها شاطرة في الطبخ,,

تسلمو يا بنات,,
دمتم سالمين

[ساحر الأحزان]

بحب المعجنات كلها زى البيتزا

والمحشى والفطير

حسبى على وزنك يا منة

الاكل مغرى وخصوصا لما يكون طالع من الفرن

ومعرفشى معظم البنات فى اول دخول المطبخ بيعجنو المكرونة لية

مع ان المفروض ان الى يعجنها احنا الولاد

نورتى منة

مع لوليتا ويبقى اعملى ليكى قسم تعليم الاكل للبنات فى المطبخ

على شان المدلعين يعرفوا اصول المطبخ كويس

[mony ma7moud]

حلقة جميلة جدا
وضيفة اجمل
وكويس انها
شاطرة في الطبخ اهو
طلعت احسن مني
هههههههههههههه
يلا بقي حلقة توووووووووحفة
بجد ومستنيين باقي الحلقات
ياجميل

[مصر فوق الجميع]

حلقه جميله

بانتظار الحلقه الجديده

[PrinCesS Gege]

حلقه جميله اوووووووووى
تسلم ع الاستضافه الحلوه دى
منوره يامنه
وبجد ماشاء الله عليكى بتعرفى تطبخى وكده
مش زيى خايبه انا اخرى رز ومكرونه ههههههههههههه

[Śลяą..ღ]

حلقة ححححلوة. .
والضيفة آحلى واحلى
منورة يا منه ..
طلعتى طباخة شاطرة اهو

ومشكورة حبيبتى عَ مجهودكـ
منتظرين الحلقة الجايه

[وفيت حتى انتهيت]

حلقه جميله وممتعه
مع ضيفه عسوله جدا
تســــــلموا