الولاد تعبوا يلا يا ورد _ حصري _

فتحى عيسى · منذ /09-02-2013, 11:21 PM

علي غفلة مني ...
روحي خدتني ... من إيدي ...
وقالتلي بينا ...
وحشتنا أيامنا الحلوة ...
وحشتنا قعدة الجنينة ...
وسندة ضهرنا ع الشجرة ...
فاكرها ...
اللي كتبنا عليها آسامينا ...
من كام سنة ... عشرة ولا أكتر ...
ياه ... من دي حياه ...
بتحرمنا من أغلي آمانينا ...
وبتدينا الآه ...
ومشينا ...
ذكري تجر ذكري ...
وشريط بيقلب فينا ...
كانت الجنينة وقتها ...
متغيره علينا ...
زحمة ودوشة ...
بس ريحها ضل فيها ...
وحوالين الشجرة كام عيلة ... وناس كتيرة ...
وواحدة واقفة قصادها وابنها في إيديها ...
والنظرة رايحة جاية ...
علي آسامينا ...
بتلمسها ...
وبترجع بيها ...
لا قادرة تمنعها ...
ولا قادرة تخليها ...
شفتها بعنييه كلها ...
وروحي هتفت بيها ...
ووحشتي بتصرخ فيا ...
مستني إيه ...
روحلها ... ضمها ...
أسكنها إحييها ...
وقفت لحظاتي مطرحها ...
وأتسمرت معانيها ...
وأعصابي هربت من روحها ...
والفرحة هبت تناديها ...
إلا وصوت ...
شق سكوني شق ...
الولاد تعبوا ... يلا ورد ...
جريت من مكاني ...
لتلمحني عينيها ...
خفت عليها ...
أخطف منها حياتها ...
وأعذب تاني لياليها ...
يكفيها وفا ...
يكفيها ...
ربي يحميها ...
فتحي عيسي
الرياض
الأثنين
2-9-2013

Islam Hagras · منذ /09-03-2013, 01:56 AM

الله الله
بجد مبدع دائماًَ يا ابو عصام
تحياتى المتواضعة لك

Mo chahin · منذ /09-03-2013, 02:31 AM

جميله اوى يا عيسى

من اجمل الكتابات اللى عجبتنى وشدتنى فى بدايتها ..

كلامك جواه قصه لن يفهمها الكثيرون ..

حقيقي بحييك ..

قلب وكلمات · منذ /09-03-2013, 12:10 PM

لي عوده ان شاء الله

ايها الراقي لك جل احترامي

تحياتي

موري كول · منذ /09-03-2013, 02:34 PM

كلمات جميله جدا تسلم ايدك

Lamees · منذ /09-03-2013, 09:43 PM

من حروفك تتسلل رائحة الياسمين..

وفي خصلات العبارة ... يختفي النرجس

باغتني عبيرك فسقطت ضحية لنوية عشق ادبية..

لك مني هواء و شيء من ياسمين

روني

فتحى عيسى · منذ /09-03-2013, 10:03 PM

اقتباس

المشاركة الأصلية كتبت بواسطة islam hagras


	الله الله بجد مبدع دائماًَ يا ابو عصام تحياتى المتواضعة لك

شكرا أخي الكريم علي تشريفك الرائع
وتفاعلك الراقي
بوركت
مودتي وإحترامي
فتحي عيسي

ويبقى الأثر · منذ /09-03-2013, 11:18 PM

شاء القدر بفراق الاحبه
وظل كل منهم يحمل بداخله شئ من الحنين والاشتياق
يجعلهما يذهبان هناك حيث الذكرى لاستنشاق بعضاََ من رحيق الحب الماضى الجميل
الى ان شاء القدر بلحظة لقاء يستشعرها هو عندما رأها بنفس المكان بنفس الحنين داخله
لكن الحال اصبح غير الحال فسنة الحياه كتبت لها حياه اخرى مع شخص أخر وعائله اخرى
وبطيب نفس هذه المره
قرر هو ان يكتب النهايه لصالح وفائها ودنيتها هى
ويذهب دون ان تلمحه
بقلب كاد ان يذوب شوقا وخوفا عليها

الله عليك ايها الاديب الراقى
خاطره حملت معان فى منتهى الروعه
سلمت يداك
مع تقييمى ونجومى والتثبيت لرائعتك استاذى الجليل

ابتسامة الزهر · منذ /09-04-2013, 05:32 PM

لا ادرى هذا الشعور الذى انتابنى
حينما قرات حروفك الهامسة
احسست انها مصر وذلك الحنين
والشوق والذكريات الجميلة الذى يأخذنا أليها
فى جناينها واحلامنا وأهلها الطيبين
فتحى عيسى
ابدعت فى تصوير تلك المشاعر الجميلة
والمعانى العميقة الراقية
بقلم امتاز بالأبداع الدائم
تقديرى لك

فتحى عيسى · منذ /09-04-2013, 09:59 PM

اقتباس

المشاركة الأصلية كتبت بواسطة mr. M ! R o


	جميله اوى يا عيسى من اجمل الكتابات اللى عجبتنى وشدتنى فى بدايتها .. كلامك جواه قصه لن يفهمها الكثيرون .. حقيقي بحييك ..

الأجمل هو تشريفك العاطر الشفيف
أخي الكريم
وتفاعلك الراقي برقي شخصك
وذوقك الكريم
شكرا لك
بوركت
مودتي وإحترامي
مودتي وإحترامي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذكاء الولاد المحدود والى معدى كل الحدودهههههه (تابع ضد الولاد)	ملاك ودمعتى هلاك	نكت - طرائف - وناسة - فرفشة	24	09-03-2013 12:02 AM
بحد تعبنا	كل حاجه بوووف	قسم مناقشة المواضيع المتداوله والمنقوله	11	05-24-2013 05:24 AM
أسامينا.. شو تعبوا أهالينا"	اسيل الفلسطينية	مواضيع عامة - ثقافة عامة	10	05-03-2013 09:49 PM
أنشودة - تعبنا - للمنشد ابراهيم السعيد	همسات الامل	صوتيات اسلامية - تلاوات - خطب - يوتيوب	3	05-21-2010 07:18 AM
احنا تعبنا	عاشق ولهان	قسم الخواطر - وهمس القوافى حصرى بقلم الأعضاء	18	03-09-2010 09:41 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

الولاد تعبوا يلا يا ورد _ حصري _

ابداعات الاعضاء العامية