انـا والعســل ( الحلقه الاولى )

[سهـــر]

السلام عليكم ورحمه الله وبركاته اهلا وسهلا بيكم في اول حلقه من حلقات انا والعسل ؛يسعدني ويشرفني يكون معايا محمود محي منورني يا هندسه النور نور مقدمة البرنامج .. واعضاء المنتدى كلهم ... يلا نبدأ بئا تفضلى ... الفقره اﻷولى من اﻷسئه _ مين هو محمود محي في كلمتين ؟ أظن صعب الاجابة ف كلمتين .. بس ممكن أقول ( شاب - مصرى ) _ انت كان حلمك تكون مهندس والحمدلله نقدر نقول نص الحلم اتحقق ؛ ايه هو الحلم الي لسا ما اتحققش ؟! نص الحلم ( قولى عُشر الحلم ) ... مؤخراً بدأت أكتب ف رواية كده ... بس ده ف السكرتة محدش يعرفف يعنى ... وان شاء الله بحلم انى انشرها .. ف أى دار نشر تكون جامدة يعنى ... وربنا يسهل بقى .. ربنا يحققلك كل الي بتتمناه ان شاء الله _ ايه اكتر حاجه بتخوف محمود ؟! هقولك جملة من رواية يوتوبيا بترد ع السؤال ده ( اننى حى .. عندما أكل لا افكر ف شىء أخر سوى الأكل وحين يأتى وقت السير أسير ......... فالحياة ليست سوى اللحظة التى نعيشها ) عشان كده أنا مبقتش أخاف .. طالما عايش اللحظة بكل ما فيها ...! _ محمود انسان خيالي ولا واقعي ؟! بحب الخيال أحياناً ,, بس انا كــ محمود فـ واقعى جداً .. وده من الحاجات اللى بحبها ف محمود ... الفقره الثانيه من الاسئله انت شايف المعاني دي ازاي وشايف نفسك فيها ايه : الذكاء الذكاء مش انك تخترع حاجة جديدة محدش ابتكرها قبل كده .. الذكاء انك تفهم الحاجة دى اتعملت اازاى .. ده تفسيرى ليه ... عندى شوية أد كدهو .. صغيرين يعنى .. بالقرأة والاطلاع والتجربة بيزيدوا اﻻ‌ناقة مش عشان عندك فلوس كتير تجيب لبس كتير .. كده هتكون أنيق .. لألأ الأناقة مش باللبس الأناقة بالاحترام .. بالفهم .. بالحكمة ... الرجولة الرجولة ملهاش قطع غيار .. على رأى الفنان الكبير محمد رمضان راعى السينما الهابطة ف مصر ... :/ الرجولة بجد انك توفى بوعدكـ ... أى كان الوعد ... الثقافة الثاقفة هى الحاجة اللى انت عايز تتعلمها .. مش اللى انت مضطر تتعلمها .. الشر انك متحبش الخير غير لنفسك .. الخير اعمله وارميه والبحر ... صدقنى هيرجعلك ...! الفقره التالته حد السيف 1/ رآيك ف الرياضات الخطر زي Sky diving و bungee jumping واذا كان ممكن تعملها في يوم من اﻷيام ؟ 2/ رأيك في الفن المصري والي وصل ليه ؟ lمن زمان وانا بقول على الفن المصرى لم يصل لدرجة الرقى ... يمكن أفلام زى هيليوبلس و ميكروفون دى اللى فعلا قدمت فن راقى .. مكى ف بعض افلامه كان بيقدم حاجة كويسة وحلمى ... لكن دلوقت الفن هااااابط طبعاً برعاية السبكى ... والأغانى بقى السبكى استولى على مجموعةقنوان ومصدرنا اغانى هابطة جدا وكفاية المهرجانات ... :\ الفن بيهبط مش بيصعد ... كفاية ان عمر طاهر كاتب فيلم من انتاج السبكى .. . 3/ لو سمح ليك تقعد مع كل واحد منهم 5 دقايق هتقول ايه : _ اوردغان خليك ف حالك _ السيسي اللى نزل يوم 30 كان ضد مرسى .. أه لكن مقالش البديل يكون العكسر ..!! _ باسم يوسف لو مرجعتش تانى .. صدقنى هيبقى شكلك وحش أوووى ...:\ _ احمد مكي سمير ابو النيل من انتاج السبكى ... ارجع يا جدع ... ملناش غيرك دلوقت _ ميسي انت اسطورة .. وستظل .. ولن يأتى مثلك ولو بعد 100 عاام _ كرستيانو انا كتالونى .. 4/ لو هتسافر بره مصر تختار انهي دوله امريكا فرنسا اسبانيا نفسى أروح أسبانيا عشان أحضر ماتش ف الكامب نو ... ونفسى أروح فرنسا أشوف متحف اللوفر .. بس لو هعيش فترة يبقى أمريكا ... أسياد العالم الأن .. للأسف ... 5/ كل واحد فينا ليه ميزه تميزه عن باقي البشر ؛ ايه الي بيميز محمود ؟! محمود شايف انه الحمد لله الى حد ما مطلع شوية أحسن من غيره ع الأقل .. هادىى .. و(احيانا ) بيكون حكيم جدا .. طموح كمان ... الحمد لله ع أى حال .. شكرا ي محمود على وقتك معايا واتمنى تكون اﻷسئله خفيفه ومش رخمه زي نيشان لحمد لله .. استضافة خفيفة .. شكراً بقى .. اتمنى تكون الحلقه نالت اعجابكم استنوني في حلقه جديده مع ضيف جديد من انا والعسل معايا انا سهــــــــــــر

[زهرة الياسمين]

حلقة جميلة اوي
بانتظار الضيف الجديد

[-esraa-]

جميله الحلقة جدا سواء الأسئله أو الاجابات‏‏
وحلوة اجوبه أ. محمد صريحه جدا‏
‏
تسلمي سهورتي عالحلقة

[Ŗăήćy]

برنامج جميل اوى والاسئلة جميلة
وطبعا أ/محمود منور الحلقة واجاباته عقلانية وصريحة
تسلم ايدك بئا وربنا يحققلك كل احلامك يارب ويوفقك فى حياتك

تسلمى ياسوسو عالمجهود,,بانتظار الحلقة الجديدة بئا^^

[موري كول]

حلقه جميله والله

[Aya 7ekaya]

حلقه جمييله وظريفه ي سوسو
ومحمود منووور اكيد

[Lost Pearl]

حلقة حلوة ،، باشمهندس محمود نورت

و ان شاء الله تكمل باقي حلمك كله بقي

تسلمي يا سهر حلقة حلوة اوي ،، فـ انتظار باقي الحلقات ان شاء الله ،،

[نور ونار]

حلقه جميله تتسم بروعه الحضور
واناقه الاجابات ورجاحه العقل
مستعاره اناقتها من اناقه الاسئله
تسلم يا محمود ضيف سعدنا بتواجده
تسلمى ياسهر على اشراقه اسئلتك
وفى انتظارك فى حلقه
متابعه
تحيتى

[booody99]

برنامج جميل وحلقة رائعة مع محمود ربنا يوفقه

وهو من الشخصيات المحترمة معانا هنا وبقلمه الراقي

حلقة موفقة يا سهر

كل التحية والتقدير

[Sh2wA]

برنامج جميل اوى يا سهر
وفكرته جديدة فى المنتدى
والحلقة جميلة جدا والضيف منور الحلقة
والاسئلة والاجوبة بجد جميلة جدا
ومحمود محى من الشخصيات المحترمة فى المنتدى
فى انتظآآآر باقى الحلقات يا سهر
موفقة ..