خليك زى البطاطس

[منايا الجنة]

عارفــين ليه البطاطس المحمرة هية الاكلة الوحيدة
اللي اجتمع الناس كلهم علي حبها ؟!!

البطاطس المحمرة لما بتتقلي في الزيت بتبقي عادة
مقرمشة من برة و طرية من جوة

-عشان كدة لما حد يعمل معاك موقف سخن اوي
ماتعملهوش وحــش اوي ..

ايوة حاسسه انك زعـــلان منه و خد موقف
بس خلي قلبك ابيــض و وطــري " طيــب يعني "
مش ناشف و سامــح عشان ربنا بيسامــح .



البطاطس المحمــرة تلاقيها عند
ماكدونالدز ( فرينش فرايس)
و برضه تلاقيها عند بتاع الفــول والطعميه

يعنــي انت كمان خليك زي << البطاطســاية >>
ماتتكبرش علي حد وصاحب كل الناس غنــي او فقــير



البطاطــس كمان ممكن تبقــي شيبسي
و هي اول حاجة بنفكر فيها لما بنحس
بالجــوع و احنا برة البيــت

- ساعد الناس دايمــا و خليــك اول واحد ييجــي علي بالهــم
لما يقعــوا في مشكــلة خليك جــدع زي " الشيبســي "



البطاطــس المحـمرة لو اتهرســت
بتبقي كمان طعمــها حــلو و ممكن نسمــيها
"بطاطس بيوريــه"

-مهــما الدنيا تــهرس و تبهدل فيــك
خليــك شخص كويــس و لذيذ
و طلع للدنيا لسانك
و قول "..انا بطاطساية بيوريه.. "

عشان تبقــي محبــوب من كل الناس خليــك بطاطــس

[Mind language]

معلومه جميله ياقمر وكلنا محتاجين
نكون زى البطاطس بالفعل تسلمى
ياقمرايه دوام النشاط والتواجد
فى القسم

[منايا الجنة]

تسلمي حبيبتي

اسعدني مرورك الراقي

دمتي بحفظ الله

[۩۩ elMagic ۩۩]

اكييد المسامح كريم
بس مش كل المواقف ينفع معاها الموضوع دا
فيه أخطاء صعب فيها إنك تسامح
ولكن أثرها بيزول مع مرور الوقت
والشخص المحترم بيظهر من أسلوبه وطريقة معاملته مع الآخرين
كل ما كان أسلوبك وطريقة معاملتك من الناس كويسه
فا دا بيزود من إحترام وتقدير الناس ليك
موضوع جميل منكـ
يدوم النشاط ,,

[منايا الجنة]

صح كلامك

تسلم يااااارب عللى تواجدك

اسعدني حضورك هنا

[♥SaRa]

نايس موضوع يا قمر
تسلمي عـ مجهودك