ثآنى حلقات برنامج بكل صراحة ومعانا lost pearl

[Loyalty]

السلام عليكم اخباركم النهاردة حلقة مع عضوة مميزة وهى losr pearl وخليكوا متابعين معانا عشان نكرم المتابعين للبرنامج وليكم الاسئلة بصى بقى الاسئلة 1/ كم وزنك ؟ ههههههه غيرت رأيي و قررت اقول وزني يا ستي 76 و طولي 168 ،، و اديني بحاول انزله كمان اهو 2/ رآضية عن وزنك ؟ راضية عن الانجاز اللي عملته فيه الحمد لله ،، 3/ اية اكتر الاكلات الا بتحبيها ؟ بحب البيتزا جدا ،، و الـ pasta و بحب كمان البيكاتا جدااااا >> فكرتيني بيها و هي ممنوعة ههههههههههه و كمان بحب الـ pancake و الـ waffles بعشقها كفاية كدة ،، 4/ اية الاكلات الا بتعرفى تطبخيها ؟ بعرف اعمل كل حاجة الحمد لله ،، بس ما عدا لف المحشي الكرنب ده بيدوخني هههههههههه ،، و عامة مش بحبه فـ محاولتش تاني فيه 5/ اية اكتر اكله بتعرفى تعمليها واية اكتر اكلة مبتعرفيش تعمليها ؟ اخواتي و ماما بيقولو ان اكتر حاجة بعملها حلوة المكرونة ،، بحب اتفنن فيها ههههههههه و اكتر حاجة مش بعرف اعملها لأ مافيش حاجة معينة بتبوظ مني كل مرة يعني >> كدة مش هعملها تاني 6/ امتة اول مرة دخلتى المطبخ ؟ من زمااان ،، يمكن 5 ابتدائي عشان بابا الله يرحمه كان اتوفي و كانت ماما بتحتاجني اساعدها شوية 7/ مامتك كانت بتحب انك تدخلى المطبخ وانتى صغيرة والا كانت بتمنعك ؟ لأ طبعا بتدخلني و نص ههههههههههه 8/ احكى لنا موقف محرج حصلك فى الاكل ؟ لأ مافيش موقف محرج افتكره ،، بس افتكر موقف بيضايقني ،، لما اعمل اكل و حد يعد يقول ايه ده ،، هو ده الاكل بس ،، او يعد يستعجلني ،، ماتنزلي بدري شوية ،، كل ده لسة مخلصتيش >> بيبقي هاين عليا اضربهم كلهم 9/ حرقتى اكل او عملتى اكل واترمى قبل كدا ؟ حرقت اكيد اول ما اتعلمت ،، و مرة نسيت الاكل كنت بتفرج ع التليفزيون و قلت لمنة اختي تطفي عليه بس نسيت كالعادة 10/ قوللنا طريقة عمل الاكلة المفضلة بالنسبالك بكل حذافيرها طيب هاقولك طريقة البيكاتا بما اني بحبها انتي هتجيبي لحمة ،، بس تبقي من اللي بتستوي سريعا و تحطيها في سمنة و زيت و تحطي عليها لمونة ،، و توطي عليها و تسيبيها تستوي بعدين تشيليها لما تستوي و تحطي مكانها mushroom تحمريه شوية باردو بعدين تشيليه و تحطي كريمة الطبخ مكانه و دي بتبقي جاية فـ علبة ،، و تحطي عليها قطع جبنة نستو زي ماتحبي ،، و كمان حطي لبن معاهم و حطي بقي ملح و فلفل اسود >> ظبطيه لحد ما يبقي sauce مش تقيل و مش خفيف بس بقي ،، بعدها حطي فيه اللحمة و الـ mushroom يغلو شوية مع بعض ،، في ناس بتحب تزود ع الـ sauce ده جزر ،، كل واحد بقي زي ما يحب و بالهنا و الشفا 11/ بتحبى الاكلات المصرية والا اكل سورى او سعودى او غير كدا ؟ معرفش من السعودي غير الكبسة و المقلوبة >> بحب المقلوبة جدا باردو و السوري مش عارفة منه حاجة بقي >> لو التبولة سوري انا بحبها هههههههههههه 12/ اية المتطلبات الا لازم تكون موجودة فى مطبخك ؟ انا بحب اجيب الحاجة اول باول ،، مش بحب استني لما ابقي محتاسة و بعدين اجيب ،، و عامة علي حسب الموجود بيبقي الاكل 13/ مين الا علملتك الاكل مامتك والا من الكتب ؟ ماما اكيد ،، ربنا يخليهالي

[-esraa-]

عسوله لوجي وعجبتني الاكلات اللي بتحبها ذوقها حلو:‏‏)‏‏‏
حلقه جميلة يا بنوتات تسلمو

[سارة بنت مصر]

حلقه جميله اوى مع ضيفه اجمل

بالتوفيق لكى ولlost pearl

[Angel Smile]

ههههههههه بالنسبة لسؤال كم وزنك ده لازم يتلغى اصلا :d:d
حلقة جمييلة كتيير
بالتوفيق ليكم بقى

[دمعه حائره]

انا اكتر واحده عارفه لولو بتحافظ على وزنها ازاى
ومتعذبه فى الريجيم اللى بقى اسلوب حياه
شطوره طول عمرك لولتى ونورتى الحلقه
تسلمى ولاء ومافيش حد هايجى هنا ويقول وزنه كان
عشان تبقى عارفه يعنى

[Loyalty]

آهى قالت اهه ^^

[SiLver Spectra]

انا جالي عمى الوان من البمبي بتاع الخلفية

كويس و الله لاقينا فتاة بتعرف تطبخ من المنتدى لحسن البنات اغلبهم بقى خيبة تقيله اوي و ال ايه نفسهم يتجوزوا !
البنت اللي مش بتعرف تطبخ مش بيبقى ليها اي ستين لازمة في البيت

[مصر فوق الجميع]

حلقه روعه

والضيفه عسل واجاباتها جميله

بانتظار الحلقه الجديده والضيف الجديد

[Mr.Pride]

اقتباس المشاركة الأصلية كتبت بواسطة loyalty 5/ اية اكتر اكله بتعرفى تعمليها واية اكتر اكلة مبتعرفيش تعمليها ؟ اخواتي و ماما بيقولو ان اكتر حاجة بعملها حلوة المكرونة ،، بحب اتفنن فيها ههههههههه و اكتر حاجة مش بعرف اعملها لأ مافيش حاجة معينة بتبوظ مني كل مرة يعني >> كدة مش هعملها تاني 10

هههههههههههههههههه

نفس الكلام ,
طيب مـاهو كل البنــات بتقول كدا ,
ان اكتر حاجة بيعرفو يعملوها المكرونة وسـاعات كمـان المسقعة ,,
ايه الجديد بقى


بس سيبك انت الموضوع عـاجبنى وفكرته احلى ,,
بالتوفيق للجميـع .

[بلدنا في القلوب متشاله]

حلقه جميله وخفيفه مع عضوهـ اجمــل

شكراا جدا ع البرنامج وع المجهود

ان شاء الله اتابع

مستنيين