الحلقة الثامنه من ( لمن يجرؤ فقط ) مع ( الرحــاال المٌتَمرد )

[morshooo]

بسم الله الرحمن الرحيم

اهلا بيكم جميعا

وحلقه جديدة من برنامجكم

( لمن يجرؤ فقط )

النهاردة معايا ضيف انما ايه لوز اللوز

( موهى بنات مصر )

الى لو نزل على الفيس بوك كلام فيه فرحه وسعادة

يبقى الواد دا تعبان ولو نزل كلام حزن وقرف ونكد

يبقى مبسوط هو دا ( موهى بنات مصر )

معانا النهاردة النجم /

الرحــاال المٌتَمرد

فى البداية تعالو نشوف الـ ( 8 )

نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق

تعالو نشوف الحوار :

الاختيار الاول

( اعترافات )

اولا :

محصلش قبل كدا انك شوفت قصيدة ونسبتها لنفسك او عدلت
عليها بعض الكلمات وطرحتها باسمك فى المنتدى ؟

لا محصلش قبل كدا ولا هيحصل إن شاء الله ؛؛ أنا أعقل مِن كدا

ثانيا :

محصلش قبل كدا واعجبت ببنت من المنتدى
وبعتلها اعجابك بيها او محصلش ارتباط مع حد من المنتدى ؟

لا كمان دي محصتلش ؛؛ كل إللى عرفتهم على المستوي
الشخصي أو إللى عرفتهم من خلال المنتدي بعتبرهم زي أختي
و لو في تعامل ما بيخرج عن الإطار دا .

الاختيار الثانى

( حياتى )

اولا :

ايه اخبار قلبك واخبار الارتباط ايه معاك يعنى محدش
بيشوفك بتكلم عن حاجا زى كدا
ياترى انتا قاصد دا فعلا والا مفيش اى حاجا
فى حياتك دلوقتى ؟

لا أبداً مٌش عمداً مني إني ما أحكي لكن ما فى شىء ؛؛
و مش بفكر ف الخطوه دي ف الوقت الحالي ..

ثانيا :

اية سبب سفرك للخارج وشايف انك مستريح برا مصر وسايب اهلك ؟

مفيش حد بيكون مرتاح و هو بعيد عن أهله و بلده ..
صحيح الغربه بتفيد .. إستفاده ماديه و لكن بيكون فى مقابل
و المٌقابل دا بيكون "طبيخ محمود" و مٌعاناة أيام الجرد و غيرها
.. أشياء لن يفهمها الإ زوار مدونتي الأعزاء .

الاختيار الثالث

( اعضاء المنتدى )

اولا :

حصل خلافات معاك مع بعض الاعضاء ومعروفين هم مين
مش شايف ان مش شرط دائما تكون انتا صح وهم غلط
وايه سبب الخلافات الى بينكم مع انك عضو كل الى بتعمله
مهتم بقسمك فقط ؟

تقدر تقول إن فتره الخلافات وجدت مع وجود الأشخاص دي ..
وارد يكون فى خلافات و يكون فى قبول و رفض للتقييمات
سواً تتعلق بالنتايج أو بالتكريمات .. و لكن بعد فتره إتضج
للجميع إن نفس الشخصيات دي عندهم مشاكل مع ناس كتير ..
بإختصار أما إني أكون دايماً موجود ف أى تكريم و أحصل على
أعلى مرتبه ف المسابقه أو إني أتهم بالمجامله و المٌحاباه ..
و الظاهره دي كانت من فئه معينه بتتمثل فى عضوين أو تلاته
و أظن تواجدهم حالياً محظورين أو مٌهمشين بيدل إن مين كان
عنده مشكله ف طريقه تعامله مع الناس سواً مشرفين أو إداره .
و بالنهايه أكيد مفيش شخص دايماً صح ولا شخص دايماً غلط
.. لان كلها تقديرات قد أٌصيب و قد أٌخطىء .. لكن من غير
المعقول إني أجامل شخص لحساب شخص تانى .. حتى لو
صديق ليا ...
لان مفيش شخص عاقل هيجامل حد على حساب الصالح العام
و على حساب نجاحه .. و الكلام ينطبق على المنتدي
و عن أى مجال أخر ..
لكن زى ما قولت حتى لو فى خطأ أنا بحترم جداً إللى يعاتب
لكن بأسلوب منمق و بدون إتهامات ..

ثانيا :

اعضاء المنتدى سمعت منك كتير انك هتسيب الاشراف
ومحصلش لحد دلوقتى ناوى فعلا تسيب الاشراف
والا كله كلام فى كلام ؟

انا بقالى فتره تواجدي تقريباً بلا تواجد .. و طلبت أترك
الإشراف و أكتر مِن عضو/ه .. ناس بعتز بيهم جداً
و تمسكهم أو رغبتهم ف إني أكمل ف الإشراف خلتني
أأجل القرار لـ ميعاد عودتي لـ مصر .. و ها قد حان

الاختيار الرابع

( سؤال من مجهول )

احب ارحب بالرحال وعايز اسئله عن .

قسم ابداعات الاعضاء العامية شايف انه حقق نجاح وقسم ناجح
وشايف ان كل المواضيع دا مكانها فعلا القسم دا لان
فى مواضيع انا شايف ان مفيش فرق بين تواجدها فى قسمك
وتواجدها فى قلم الاعضاء ؟

رغم إني ما أستبعد إن المجهول دا هو أنت "عارفك بتاع مقالب
قديم" بس هجاوب ..
حضرتك قسم الإبداعات العاميه بيحتوي فى تعريفه على شعر
عامي ؛؛ زجل ؛؛ قصايد ؛؛ و خواطر .
كلها بتكون باللغه العاميه .. لكن قسم قلم الأعضاء ما بيحتوي
أبداً على شعر عامي و أى موضوع بينزل ف القسم بيتم نقله
.. حتى لو باللغه العربيه بيتم نقله للابداعات . و دي أحد
قوانين قسم قلم الأعضاء .

وعن مستوي نجاح القسم فـ مؤكد لو القسم ما نجح او كانت
فكره فاشله كانت الإداره حذفته أو تم دمجه مع قسم الإبداعات
زى أول . نورت /ي حضرتك

الاختيار الخامس

( وجع دماغ )

اولا :

انتا قولت قبل كدا انك لا مع الادارة والا ضدها تفتكر مرة قولت
لا على قرار للادارة والا شايف ان الادارة كل قرارتها سليمه
عشان كدا محصلش وقولت لا قبل كدا ؟

لا بالعكس مش دايماً مع قرارت الإداره و أحيانا كنت بتناقش مع
طارق و محمود فـ بعض قرارتهم لكن النقاشات مش بتكون
معروفه للجميع و م لازم الكل يعلم بيها .. غير ان الموضوع
أبسط من كدا بكتير دا منتدي مش شركه .
غير كدا الوضع حالياً هادي وأظن هيفضل مستقر على هدوءه

ثانيا :

ادارة المسابقات الى بتعملها كانت دائما وجع دماغ ليك
وفى اعضاء بتتهمك بالمجامله او اللعب فى النتائج لصالح
اعضاء معينين الكلام دا حصل معاك والا لا ومش هنشوفلك
مسابقه قريب عشان تدخل فى خلاف جديد بسببها والا خلاص
اكتفيت بالمسابقات الى فاتت ؟

و نرجع تانى و نقول التقييمات و التكريمات
شوف إرضاء العباد غايه لا تٌدرك ..
طبيعي إن إللى ما إتوفق هيغصب و يرفض النتيجه و يشوف
إنه إتظلم و ما كان فيه عداله ف التنقيط .
مش عاوز أقول كام مسابقه شاركت فيهم و ما كان فيه توفيق
و خرجت من المسابقه .. لعل مسابقة المشرفين إللى انت
نظمتها خير شاهد ..
لكن منطقياً دي تقديرات و رؤيه أشخاص و طبيعي تختلف
و وارد يوفقوا و وارد يخفقوا ..
لكن مهم الحفاظ على الروح الطيبه إللى بتجمعنا و إن شىء
زى كدا ما يتسبب فى خلافات و توصل درجه الشكاوي
و التربص و التلقيح بالكلام والإتهامات .
الله خالق السماوات و الأرض و مع ذلك العباد إختلفت
عليه و في منهم إللى لسه بيعبدوا الشمس و البقر ..
و بالنسبه للمسابقات فـ زى ما قولت لك إن شاء الله خلال
اليومين دول و قبل ما أنزل مصر هطلب إعفائى من المهام
المكلف بيها و ما عاد وقت لمسابقات .
حتى الفتره إللى فاتت مكنتش الإعتراضات هي سبب عدم إقامتي
لـ مسابقه .. لكن إنشغال و إكتفاء بما حققناه من نجاحات
خلال المسيره المنقضيه .

و ف النهايه بعتذر عن الرغي الكتير دا و بشكرك ع الإستضافه
يا مٌرشد و ببارك لك و لقسم اليوميات على عودتك للاشراف .
و بشكر حضراتكم جميعاً لـ قراءة هذا الكم مِن الرغي

السلام عليكم و رحمة الله و بركاته .

بكدا بتخلص ( 8 ) حلقات البرنامج .

انتظرونا الحلقات القادمة

تحياتى

[توحد ارواح]

اسئله غير تقليديه مختلفه و جريئه كالعاده
الاجابات مقنعه تنم عن شخصيه صريحه و بسيطه
مشكور اخى ع الحوار و الاستضافه الرائعه
فى انتظار القادم
دمتم بحفظ الرحمن

[Mahmoud Kamel]

نعم هذا هو الشخص يا مورشو اللي دايمـا منكد علي أهلنـا بالضجر والجمر والحاجات اللي تجيب الاسهـال دي ههههههه

منور يا ابو الايـامن وبصراحه انا شايف انك ركزت في نقطه المسابقات والمشاكل

وايمن رده عقلاني جدا ودا فعلا اللي بيحصل

تسلم يا مورشدي ع اللقاء العنتبلي دا :d

[حنـــــون]

ايه دا الحلقه مافهاش نكد
ايمن اتغير ياولاد هههههههههههههههه
حلقه جميله وايمن من الشخصيات المحترمه
نورت بئه ^^

[طبيب الهوى]

هذا هو أيمن جاهين الذي أعرفه


الهدوء والإتزان الذي ألتزم بهم في الحوار


جعلوا إجاباته منطقية ومقنعة لدرجة كبيرة


تغيرت كثيراً يا أيمن


وواضح أن التغيير هذا للأفضل


أما بالنسبة لموضوع إنسحابك من الإشراف هذا قرار راجع لك


أما بالنسبة لموضوع تركك للمنتدى أتحداك لأنك لم ولن تستطيع


وهذا لسبب بسيط جداً


لوجود أعضاء تحبك لله وتعشق حروف قلمك


ميرسي يا مورشو للحوار القيم مع أخي أيمن جاهين



تحياتي وودي وورودي



أبو عصام

[حافظة القرآن]

حلوة الحلقة اوى
الاسئلة والاجابات حلوين جدا
تسلموا
فى انتظار الجديد

[Mr.Pride]

ههههههههههههههههههه


حلــوة الصــراحة .

[الأميرة رودي]

استضافه مميزه واجابات عقلانيه ومتزنه من أيمن
أيمن كتير بيكون حزين ومنطوي فى صفحاته
بس النهارده كان هادي أكتر من حزين
وربنا يبعد عنك الحزن وتفضل مبسوط على طول
جميله الحلقه يامورشو
تسلـــمو

[حَرفُُ هجآءّ]

ايمن منور القسم بجد
حلقة جميله اوووى واسئله جميله وهاديه جدا
واجابات ايمن عقلانية جدا

[DESERT]

حلقة جميلة جدا ايمن من الناس الجميلة فى السايت
اتزان هدوء وتواجد بشكل مميز بالتوفيق استضافة ممتازة مورشو
بالتوفيق )