الحلقه الثامنه من برنامج "لتطوير ذواتنا وتغيير حياتنا" ومعانا تيتشر نفشه ツ

[ياسمينااا]

بدايةً أحب أعتذر لزينب عن تأخير الحلقه الفتره دي كلها بس كان عندي ظروف وبقالي فتره طويلة مش بدخل اهلا وسهلا بكم معانا اعضاء منتدي بنات مصر موعدنا مع ثامن حلقه من برنامج "لتطوير ذواتنا وتغيير حياتنا" ومعانا شخصيه مميزه رغم كلامي القليل جدا ً معاها إلا إني بحس إنها إنسانه جميله كدا وعاقله وكتابتها بتدل علي إسلوبها الراقي إسمحولي أرحب بضيفتي تيتشر نفشه ツ مشرفة قسم الديكور سابقا أهلا ً بيكي معانا حبيبتي آهلا آهلا ^^ في البداية تحبي تشربي إيه ؟ نقول خشاف استعدادا لرمضان وكدا إتفضلي ونبدأ معكم الأسئله:- 1- ماهي نقطة ضعفك ؟ تسدقي بالله مش عارفه بس هيا حاجات كتير ، وبالاخص الحاجات الي بتتعلق بناس قريبين مني 2-اذا واجهت مشكلة ما تحب ان يشاركك احد بحلها أم تعتمد على نفسك؟ انا ف الاول بعتمد على نفسي ولو مش لقيت حل بشوف رأي الي حواليا الموضوع ، دا غير اني بدعي كتير وقتها انها لو حاجه وحشه يبعدني عنها 5-ماهي مشكلة العصر في نظرك ؟ مشاكل كتير ، الغباء ف التعامل ، الجهل ، الانحياز لحاجه معينه من غير تفكير .. كتييير 3-ماهي اصعب كلمة ممكن ان تقولها لأي شخص ؟ اي كلمه ممكن تزعله حتى لو لمصلحته ، بس بحاول اوصلها بطريقه مش تزعله 6- ( فاشل..ناجح ..طموح..قوي..) بتعنيلك ايه هذه الكلمات؟ هيا الي بتحركني 4-تعتبر نفسك محبوب اذا الجواب ( نعم) برايك ايه السر؟ الحمدلله ,, والجواب دا يجاوبك عليه الي حواليا : ) 7-ماهو الشيء الذي يطاردك في كل مكان وانت تهرب منه ؟ الماضـــــي بكل مافيه ^^ 8-متى تشعر بانك محبط ؟ لما اعمل حاجه اكتر من مره ومش تنفع معايا بس الحمدلله ثقتي بربنا كبيره ونادراً مايصيبني الاحباط 9--هل تمنيت الموت يومآ ومتى ؟ كتير وآخر مره كانت قريب بعد الشر عليكي ي قمري 10-من هو الشخص اللي اذا شفتو بتحس الدنيا لسا بخير؟ امي واهلي واصحابي وكل الي بحبهم ويهموني ربنا يخلهوملك يارب 11--ماهي الطريقة التي تعبر فيها عن غضبك ؟ لا انا ماعرفش اكتم بصراحه انا ممكن فجأه تلاقيني اتعفرطت كدا واتصرف تصرفات مريبه 12-ماهو دافعك في الحياة ؟ والله مش عارفه عشان نبئا صرحا 13-عبارة تفائل دائما ترددها ؟ انا قويه وهقدر ع الدنيا دي وربنا معايا مش هيسيبني .. كتيييييير برددها مع نفسي ، حتى لو حاسه بالعكس 14-متى تكذب ؟ انا الحمدلله مابحب اكذب والله ، بس لو الموضوع بيتعلق بحياه او موت انا لازم اكذب 15-ماهو شعارك في الحياة ؟ دي الابتسامه يعني إيه الشعارات الغريبه دي ي زيزي 16-حكمة تتاخذها شعارا بالحياة؟ كتير مافيش حاجه محدده بس انا مؤمنه ايمان قوي بالنصيب 17-انت قوي-اذآ ( من الشخص الذي تضعف امامة) أمي ربنا يخلهالك يارب 18- ماذا علمتك الحياة ؟ كتير ، اهمها الصبر والتفاؤل ف بكره ^^ 19-ما لون كل من : الامل ، السعادة ، الحزن ، التفاؤل ، ؟ الأمل : بحس انه سماوي السعاده : بحسها بنك الحزن : رمـــــــــــــــــادي التفاؤل : أبيــــض 20-شيئ لايعجبك بنفسك وحابب تغيرو؟ كتير ، واهمها العصبيه الزايده + اني بتأثر بسرعه + كتيير كتييير 21-هروب الكلمات من مخيلتك عندما تكون في أمس الحاجة لها كيف تعالجه؟ بالبكاء تلقائياً كدا 22-تؤمن بلبس الاقنعه لتتكيف مع الحياة من جميع النواحى ؟ لا مش كدا انا بؤمن بأن الشخص يتعرف على الوان الحياه ويقدر يتعامل معاها من غير مايمحي شخصيته وشكله واخلاقياته علشان حد او حاجه .. 23-هل فشلت في تحقيق شيء مهم في حياتك؟ الحمدلله آه معلش حبيبتي كلنا بيحصل معانا كدا وإن شاء الله دايما يبقي النجاح في حياتك 24-باقة ورد لمن تهديها من الاعضاء اللي بالمنتدى. وباقة من الشوك لمن تهديها ؟ انتي جايبه باقه وحده بس طب بصي ، نقول ناخد من الباقه دي ونوزع الورود الي فيها لكل حد افادني ومش ندمني على تعاملي معاه .. شوك بئا مش لحد 25-من تتمنى ان يكون الضيف بعدك ولماذا ؟؟ والله مش عارفه بصي ندبس عبدالرحمن " احضان الحبايب " ادام اخته دبستني ف انا ادبس اخوها تسلمي لقبول الأستضافه زيزي نورتينا حبيبتي الله يسلمك ياياسو وبرنامجك جميل والاسئله قيمه وجميله تسلمي كتير على مجهودك دا وكمان مره كل سنه وانتِ طيبه مرسي لكي زيزي مره تانيه نورتي الحلقه أتمني إن الحلقه تنال إعجابكم دمتم بخير وحب

[ساحر الأحزان]

هو الحلقة كان فيها خشاف

يبقى زينب كانت بتجهز للصيام

حلقة جميلة ياسمينا

مع رينو

دمتم سالمين

[M.B]

حلقه حلوه اووووووووووي نايس ياسمينا

[Lost Pearl]

حلقة جميلة اوي

زينب محتاجة تقوي شوية شكلك حساسة هههههههههههه

بس اجابات جميلة

ياسمينا نورتي المنتدي كتييييييير

فـ انتظار عبد الرحمن بقي ،،

[^^khL oUD]

حلقة جميلة اوووي
تسلمي يا ياااسو

[Ŗăήćy]

زوزو المنعزلة هنا
يامرحبا يامرحبا^^
حلقة جميلة طبعا وزينب منورة باجاباتها
وهيا من اطيب الناس الى قابلتها فى حياتها بجد وبتحب تسعد الى حواليها
وتشارك الناس فى كل احوالهم,,بجد ربنا يحميها ويحققلها كل احلامك يارب

تسلمى يا ياسيمنا برنامج جميل وحلقة جميلة
مستنين عبد الرحمن بئا

[سنابل مجروحة]

حلقة جميله جدا

كتير عجبتني الاجابات و الاسئله

[زهـــ*ــرة النرجــس*]

جميلة اوي الاستضافة دي
وعجبتني اوي الاسئلة واجابات تيتشر نفشة عليها
خصوصا ده

-تؤمن بلبس الاقنعه لتتكيف مع الحياة من جميع النواحى ؟

لا مش كدا
انا بؤمن بأن الشخص يتعرف على الوان الحياه ويقدر يتعامل معاها
من غير مايمحي شخصيته وشكله واخلاقياته علشان حد او حاجه ..

وتسلمي على البرنامج الرائع
وفي انتظار حلقات جديدة

[нαиαи]

عملتي خير يا ياسمينا لمن استضفتي البت المنكمشه على نفسها دي ههههه
منوره يا زينب
واستضافه جميله يا عسل تسلمي ^^

[دمعه حائره]

حلقه جميله مع ضيفه مميزة بيعجبنى جدا تفكيرها
نورتى ياقمر وشكرا ياسمينا على الاستضافه