الجزيره

[حَرفُُ هجآءّ]

السلام عليكم ورحمة الله وبركاته

الجزيره

فى ثورة يناير قام وزير الاعلام بغلق مكتب

قناة الجزيره

لاسباب منها انها تعمل بدون ترخيص

وقامت القناة برفع قضية وكسبت القضية وتم اعادة فتح القناة مره اخرى

والان ومن ايام نجد الوزراء يشنو الحرب مره اخرى على الجزيرة

منهم وزير الاستثمار والاتصالات ووزيرة الاعلام

بحجة ( انها محظورة فى مصر) وغير قانونية وتحرض على العنف وخطر على الامن القومى

أرى من وجهه نظرى الشخصية أن هناك فرق كبير جدا بين مخالفة القناة للقانون

وبين انها خطر على الامن القومى

فى حين ان مصر تمتلك 23 قناة حكومية غير القنوات الخاصة كا الحياة والسى بى سى وغيرهم

وايضا تمتلك 58 محطة إذاعية

فكيف لكل هذا الكم من القنوات يقف عاجز امام قناة واحده؟

مع اننا فى زمن المنافسات الحرة النزيهه

لكن الواضح أن المسئولون والاعلام المصرى يريدون منع المنافس والرأى المخالف لرائيهم

ولكى تكسب ثقة المشاهد العادى المفروض والواجب على الاعلام الحر الصادق ان يدافع عن قضاياه بجرأة وبمهنية عالية ويقدم الرأى والرأى الاخر ويبتعد عن الرأى الواحد الذى يرضى الحكومة فقط

لان هذا النوع من الاعلام الموجه سيفقد ثقة المشاهد ببساطه شديده لانهم ( يستغبون الشعب )

فالمشاهدين للجزيرة لا يشاهدوها لانهم مغيبيين او حباً فيها ولكن لانهم وجدوا فيه الرأى المخالف للاعلام المصرى والمثبت بالادلة مصاحبة للصور

وتتسع لجميع الاراء وتستضيف الرأى الاخر

حتى من المشاهدين لا تمنعهم من الادلاء بأرائهم

فى حين اذا قدم الاعلام المصرى اعلام محايد ومهنى بالتاكيد سيتوقف المشاهد عن مشاهدة الجزيرة حتى لو انها قانونية

( انا واحدة من الناس رأيت واستمعت للاعلام المصرى وشاهدت الجزيرة بدون صوت فقط اشاهد الصور والفيديوهات هناك فرق شاسع بين الاثنين فاذا كانت الجزيرة تعبث بعقول المصريين وتحرضهم على العنف من خلال استضافتها لاشخاص مخالفين لرأى الاعلام المصرى فالصور من هنا من قلب مصر )

فهل تصدق ما تسمعه ام ما تراه ؟

محاور النقاش

هل أنت مع غلق قناة الجزيرة أم لا ؟ ولماذا ؟

مع أن غلقها فى مصر لا يمنعها من بث مشاهد من مصر لتعدد وسائلها

لماذا لم يعرض الاعلام المصرى الرأى الاخر ومتحيز لرأى واحد فقط ؟

هل فعلا قناة الجزيرة خطر على الامن القومى ؟ ولماذا ؟

ما نشاهدة على الجزيرة وعلى النت كثيراً منه لم يعرض على القنوات المصرية ما السبب ؟




ارجو النقاش الجاد بعيداً عن الانحياز

[big bốss]

هل أنت مع غلق قناة الجزيرة أم لا ؟ ولماذا ؟

انا مع غلق القناه

لانها ليست حياديه مثل الاعلام المصرى تعرض طرف واحد فقط


مع أن غلقها فى مصر لا يمنعها من بث مشاهد من مصر لتعدد وسائلها


لماذا لم يعرض الاعلام المصرى الرأى الاخر ومتحيز لرأى واحد فقط ؟

دى سياسة مصلحه و انحياز للنظم الحاكمه
يعنى ايام مبارك كان الاعلام الحكومى منحاز لمبارك
ايام مرسي الاعلام كان منحاز للاخوان
و الان الاعلام منحاز للنظام الحاكم
كل وقت و له اذان


هل فعلا قناة الجزيرة خطر على الامن القومى ؟ ولماذا ؟


لو هى بتعرض الحقيقه من الطرفين كان يبقى كويس
بس هى مش خطر و لا حاجه

الاعلام له حريته برضو

ما نشاهدة على الجزيرة وعلى النت كثيراً منه لم يعرض على القنوات المصرية ما السبب ؟


الاعلام دايما بيتبع النظام الحاكم فى اى زمان و اى مكان

لم ندخل عصر الديمقراطيه الصحيحه

[morshooo]

فى البدايه انا ضد التصويت

لسبب بسيط هندخل فى دوامه رابعه مرة تانيه

بتوع رابعه هيقولو ضد غلقها والى مع الجيش هيقول نعم

بخصوص الاسئله لما اشوف قناة كلها كدب او بلاش كلها

عشان محدش يزعل لما كل يوم ولحد دلوقتى ولو فتحتيها بالصدفه

دلوقتى هتلاقى جايبه 20 والا 30 واحد وتقولك مظاهرات حاشدة

ضد الانقلاب العسكرى .

اعتقد خلاص جو المسيرات والحشود خلاص انتهى فلو هى فعلا

قناة حياديه يبقى لازم تغير من سياستها اتجاة مصر وتجيب

المؤيد والمعارض زى ما القنوات الى انتى بتقولى عليهم عاجزين

عن مواجهة قناة واحدة هاتيلى اى حلقه على الجزيرة كانت جايبه

معارض للاخوان سواء بعد فض اعتصام رابعه او قبليه ايام حكم مرسى .

[M.B]

هل أنت مع غلق قناة الجزيرة أم لا ؟ ولماذا ؟
لا لاني شايف انها مش منحازه لشخص بذاته ليست مثل القناه المصريه تعرض من جانب واحد فقط

مع أن غلقها فى مصر لا يمنعها من بث مشاهد من مصر لتعدد وسائلها

لماذا لم يعرض الاعلام المصرى الرأى الاخر ومتحيز لرأى واحد فقط ؟
لان يري ان رايه فقط هو الصحيح وينحاز الا طرف واحد

هل فعلا قناة الجزيرة خطر على الامن القومى ؟ ولماذا ؟
هم شايفينها خطر عشان بتعرض للجانب والطرف الاخر الي الاعلام المصري مبيعرضوش ويقوم علي الي بيعرضو الطرف الي بيتفرج ينزل ويتظاهر وده سبب انهم شايفين انه خطر

ما نشاهدة على الجزيرة وعلى النت كثيراً منه لم يعرض على القنوات المصرية ما السبب ؟
جاوبت عليها فوق للانحياز لطرف واحد فقط


تحياتي ليكي موضوع قيم يا اسيل

[booody99]

لا طبعا مش مع غلقها اطلاقا واشمعنى الجزيرة الي مديقاهم ما هما عندهم قطاع كامل ولكن هي بتكشف المستخبي والفضايح

انضرب مقرها في افغانستان وفي العراق وقفلوها ايام ثورة 25 وكنا فرحانين بيها جدا لأنها اول قناة تغطي بينما التلفزيون المصري جايب الكوبري وقفلها الفلول طبعا اينعم كانت بتبالغ بس لمت نفسها شوية

هما لما القنوات الدينية قفلوها عشان بتكشفهم بردو قالك اقفلها ودلوقتي قلك الجزيرة

لما تقفل الاعلام المصري وتنظفه من الأعلاميين الكاذبين واكتر من 26 قناة بتطبلك طول اليوم وتزعل من قناة وحده يبقى العيب فيك

هي ليها اتجاه ضد الانقلاب وعادي جدا وبتلتزم الى حدما المهنية وبلسان اعلامنا قبل كده هي قناة تشرف كل عربي زي ما قال ابراهيم عيسى

والتلفزيون المصري والخاص هو يضلل الرأي العام باعتراف لميس الحديدي وانا بدرس اعلام وللأسف دول شوية ناس بتاكل عيش الا ما رحم ربي

اشكرك على الموضوع...

[خارج عن القانون]

فى البداية احب ان انوه على انى لست من متابعى التلفزيون
وانى سارد غير مختص بقناة الجزيرة فقط
بل الاجابه عن كل القنوات

هل أنت مع غلق قناة الجزيرة أم لا ؟ ولماذا ؟


لا
لان من حقها تبث ما تريد ما دامت تدفع ثمن ذلك

لماذا لم يعرض الاعلام المصرى الرأى الاخر ومتحيز لرأى واحد فقط ؟

مبتفرجش ع التلفزيون عشان اقول مين متحيز لمين

هل فعلا قناة الجزيرة خطر على الامن القومى ؟ ولماذا ؟

لو تبث ما يدعو للفرقة واباحه الدماء وتدعو للاقتتال فهى خطر
وانى اكرر لو تبث
ولو هنا ليست نفى او تاكيد بوقوع الحدث

ما نشاهدة على الجزيرة وعلى النت كثيراً منه لم يعرض على القنوات المصرية ما السبب ؟


ما نشاهدة على القنوات المصرية وعلى النت كثيراً منه لم يعرض على الجزيرة ما السبب ؟
دعوة للتأمل :d

[خارج عن القانون]

وانا بضم صوتى لصوت مورشو بخصوص الاستفتاء

وانا مصوتش ومكنتش ناوى اقول السبب

بس مورشو قاله خالص

اقتباس هندخل فى دوامه رابعه مرة تانيه بتوع رابعه هيقولو ضد غلقها والى مع الجيش هيقول نعم

[big bốss]

تم غلق الموضوع

لانه خرج عن المضمون

[SiLver Spectra]

عارفه ..انا ماعنديش مشكلة ان حد يقول ان القنوات الخاصة المصرية منحازه و انها مش محايده ..لان دي حقيقة مثبتة
بس المشكلة ان نفس الشخص دا تلاقيه بيهلل للجزيرة باعتبار انها رمز الحياد !

الحقيقة بتقول ان الاتنين اسوء من بعض
او بمعنى اصح الاتنين بيستهبلوا

ايام لما كان مرسي بيحكم ..قناة الجزيرة دي ماكنتش بتعبر الاحتجاجات اللي كانت بتحصل ..حتى كنا بنعد نقول فين الجزيرة ايام الاتحادية و غيره ! لدرجة ان العيال في التحرير حرقوا الاستبوديو بتاع الجزيرة مباشر مصر ..و راحوا نقلوه لمكان تاني لان الاستوديو كان جنبهم و كانوا ضاربين طناش
الحجة هتتقالك ايه : ماهما كانوا بيجيبوا ..هرد عليك و هقولك انا كنت بتابع ..كانوا بيجيبوا على استحياء كدا لما يحصل رمي مولوتوف مثلا ..او تقدر تقول زي ما النهار كانت بتجيب رابعة كدا
لكن دلوقتي شغالين ما شاء الله لو خمسه رفعوا الصوابع تلاقيها جايباهم خبر اول في النشرة
و طول اليوم اغاني و اناشيد و آراء مصورة لناس ضد عزل مرسي

فالاشكالية بتنبع من ان كل قناة بتتحيز لراي محرريها سواء الجزيرة او غيرها

دي حاجه
في بقى سقطات اخرى بتتعلق بنشر امور غير صحيحة زي مثلا انهم في يوم الجمعة 16 اغسطس كتبوا عاجل : طائرات الجيش تطلق رصاص على المتظاهرين في رمسيس ..و دا تسبب في ان مسلحين ضربوا نار على الطيارة اللي كانت بتصور و حصلت اصابات فيها..دا كمثال صغير و بسيط
و قصاد كدا الاعلام التاني برضو (القنوات المصرية) بتروج لتهم و ادعاءات لا أساس لها من الصحة او غير مثبتة

و على راي اللي بيقول : اللهم اهلك الظالمين بالظالمين
اهو دا راي في غلق او عدم غلق الجزيرة