اعْذُرِينْى..!

[Mahmoud Mohie]

*
**
****
******
لو ما يكفى الاعتذار
اطلبى ولا أؤمرينى
لجل هالسحنة الجميلة
اطلبى أيتها حاجة
حتى لو طالبة انتحار
حَ نتحر لجلك حبيبتى
عارفة لو قلتى يا عمرى
إرمى نفسك جوه نار
حَ تلاقينى فى ثانية راجع
بس وشى كله طار
وشى أصبح فحم نار
******
تسوى ايه الدنيا ديا
طول ما نفسى بتخاصمنى
وانتى عارفة يا حبيبتى
ان عندى .. انتى نفسى
فـاعذرينى ..
مانتى عارفة الانفعال
*****
فاكرة لما قلتلك
الحب ده زى الحبال
حاسبى يوم تنقطع
أو ساعات زى الكئوس
اوعى مرة تنكسر
هو الـ بينكسر
عمره يرجع كمـا كان!
*****
بس برجوكى يا روحى
تلغى كل فكرة سود
وفكرى ..
بس لما تفكرى ... يبقى
ف الماضى الـ كان
ذكرى حلوة ف عمرنا
وانسى كل حزننا
ده اللى جاى يا حبيبتى
بعد اذن ربنا ..
هتلاقيه سَعد وهنا ..
****

[ķąyąŋ..♡]

كالعاده اسلوب جديد ورائع
متميز كالعاده يامحمود

منتظره جديدك

[✿ Celiηα]

رائع جدا ما كتبته هنا استاذ محمود
اسلوبك مميز كالعادة
تسلم الايادي ومنتظرين جديدك ،،

[CAN _ 7LM]

جميل جدا والأسلوب رائع
يدوم النشاط والتميز

[الحب الوردى]

الاسلوب بسيط وميسر جدااااااا يفهمه العامه والخاصه ودا ف حد ذذاته ابداااااااااااااااااااعه
احسنت بشدددددددده

[اوتار الليل]

كلمات جميلة أخى /
محمود
أمنياتى بدوام التألق

[ويبقى الأثر]

رائع محمود
قيمه وسرد وسلاسه
وتناغم بين الحروف
ماشاء الله عاميه راقيه ياراقى الحس والحرف
تقييمى ونجومى

[طبيب الهوى]

خاطرة أعتذار

حبيبتي

سألتيني بتفكر في ايه

قلت بفكر في أحلامي

وكنت أقصد بفكر فيكِ أنتِ

سألتيني بتحب ايه

قلت بحب أحلامي

وكنت أقصد بحِبك أنتِ

سألتيني عايش ليه

قلت عايش لأحلامي

وكنت أقصد عايش ليكِ أنتِ

سألتيني تتمنى ايه

قلت أتمنى أخر احلامي

وكنت أقصد أموت بين ايديكِ أنتِ

وتكون نظرة عيوني لعيونِك

أخر لحظات حياتي

فحياتي أرخص من إني أقدمها ثمن لحبة لولي

تنزل من عينيكِ وتجرح خدك الرقيق

إلى من أحبها قلبي وما زال ينبض بحبها

سامحيني

آهٍ كم أشتاقُ إليكِ

وحشتيني

هذيان قلمي المجنون

أخي العزيز محمود

خاطرة شعرية عامية جميلة جداً

فيها صور بلاغية مليئة بالمشاعر والأحاسيس العذبة

التي صورها لنا قلمك على الورق

أخي العزيز خاطرتك راقت لي كثيراً

تقييمي البسيط + ***** عن جدارة واستحقاق

لروعة الفكرة وعذوبة السرد

تحياتي لقلمك المُبدِع والراقي والعذب

أبو عصام