من انا ؟

[inglorious]

من انا هذا السؤال الذى سئلته لنفسى ولم اجد اجابة له



انا المشهور المغمور ولا تكنش غلبان



يمكن يكون فى امل واعرف انا مين ؟؟



ححكى حكايه ولد و الهم راكب وياااااااه



الفرح راح وانزاح و الدمع بقى عادى



لا صاحب يعرف يواسى ولا حبيب يعرف يداوى



الهم قام وشرع وراح راكب على كتافى



مثبتنى فى مكانى مش عارف اروح فى مكان



محتار وزهقان مخنوق ويمكن جعان ؟؟؟



طب منا طول عمرى جعان !!!



ايه الجديد يا زمن ايه الجديد يا زمان



لو لسه فاكر فى امل اسكت فأملك خاب



راحت وراح الفرح مسكاه فى ايديها



والفقر هو السبب ومغمضه عنيها



رايحة عيونا مغمضه مش قادره تصدق



هى اللى قالت نفترق وادتنى بالجزمة



يمكن تكون السبب واكون انا معزور



يمكن يخف الالم ولوحتى قلت الزور



ارجع وقول للزمن كفايه بقه وارتاح



السبب هو البلح الطارح على النخله



مستعجل على قطفة طب خد على قفاك



واخدت على قفايا مدرتش اللى جوايا



غير لما فقت وقمت ولقيته ويايا



بيقولى قوم يا بطل انا لسه جواك



استرجل يا جدع وكمل شفاك



تفتكرو مين اللى قال ؟ ؟؟؟؟



صاحبى ههه لا



حبيبى هههههههههه لا



الهم هو اللى حكى وعطانى شرفه ميه



وقالى قوم يا جدع وسخت لى هدومى



هتعمل ايه فى سنينى الجيه دا معتش حنية



وبقيت انا وانت برغوتيين فى لباس



قمت ووقفت و الهم راكب على كتافى



اقولى خف يا جدع يقولى ما انت البادى



اجرى واروح بعيد وهو ويايا



واعمل عبيط واطنش يدينى على قفايا



ويقولى اوعى تنسانى



انساك ازاى دا انا حتى فى كلامى



مليش كلام غير فيك يا هم جوايا



قررت اديلة لقب واقوله يا استاذ



ضحك وقالى انا استاذ



استاذ هم استاذ نكد استاذ زفت وقطران



ضحك وقال ايه الجديد انت كمان استاذ



استاذ خداع استاذ نصب استاذ بياع



انا !!!!!!!!



انا عمرى ما كنت بياع ولا عمرى كنت مخادع



ولو كنت نصبت فى يوم مكنش الفقر جوايا



ضحك وقال بطل كلام وامشى من سكات



دى لسه السكه طويلة وياما نتسلى



ملقتش غير جواب طلع من جوايا



ملقتش غير كلمة حاضر يا استاذ

:1 2:

9/9/2013
المهموم الكبير

[صمت الشفاه]

كلام جميل جدا
مشكور كتييييييييييييير

[اوتار الليل]

كلمات جميلة تخرج من عنق المعاناة
أتمنى أن أجد بصيص الأمل بكلماتكم القادمة

[inglorious]

اقتباس المشاركة الأصلية كتبت بواسطة صمت الشفاه كلام جميل جدا مشكور كتييييييييييييير

اقتباس المشاركة الأصلية كتبت بواسطة اوتار الليل كلمات جميلة تخرج من عنق المعاناة أتمنى أن أجد بصيص الأمل بكلماتكم القادمة

مشكور على مروركم الجميل

ان شاء الله

[فروتى روتى]

ناااااااااااايس كتيييييير

[ويبقى الأثر]

خلى الامل جواك واحلم ببكره
مش علشان حلم مات الهم يركبنا

برغم حزن وشجن الحروف
الا انها راقت لى كثيراََ
دومت أخى ودام نبض القلب والقلم
أرق التحايا وأطيبها