اللون الأحمر = الأداره

[تجملت بالعفآف]

سلامو عليكوا


مبدئيأ كدا أنا كنت متردده في الموضوع دا


اليوم أمتلكت الشجاعه وقولت أنزله بقا كفايا جبن :d


اللون الأحمر = الأداره


دايما بنشاهد مواضيع وليها أهميه كبيره أوووي لكن مقدار دخولها قليل أووي


أما لو اللون الأحمر نزل موضوع في الخزعبلات تلاقي فوق 300 مشاهده وردود .. وأهميه كبيره اوي


رغم أن الموضوع ممكن يكون ممل ومفهوش أي ضحك ،، بس الأعضاء عنهم نظريه غريبه جدا


و دي مش أول مره حصلت كتير اووي ،، تلاقي المنتدي كله مفيهوش اي نشاط غير قليل جدا


لما اللون الاحمر ينزل اي موضوع تلاقي النشاط رجع احسن من الاول


كأنه اللون الأحمر دا نوع من المعجزات ،، اه وربنا


انا عاوزه أفهم ايه بقا الميزه الي بأثر ع الاعضاء كدا ؟؟


ولا دي موضه زي ما بقولوا ؟؟


بس كدا

[big bốss]

انا معاكى فى كدا

بس انا وجهة نظرى مبرر دا

ان الاعضاء فاكره ان عقول الاداره و مواضيعهم هى القمه او ال top

فتلاقيهم بيجروا على طول هناك اول ما طارق ينزل توبيك ولا حاجه

و فى خمس دقايق تلاقى التوبيك انشط توبيك فى المنتدى

زى السمك الى فى الميه و اول ما ترميله طعم تلاقى كله جرى عليه


دى وجهة نظرى و الله اعلم بئا

[دمعه حائره]

مش لدرجة 300رد!
اوقات بتنزل مواضيع لحد من الاداره والردود مش اكتر من 5
وماتنسيش ان اللى بيوصل للاداره بيكون عضو بقاله فتره فى المنتدى
ومن الممكن جدا يكون مبدع فى مجال معين
وليه اعضاء بيتابعوه من زمان
غير كده لو حد داخل مجامله دى مشكلته هو
واى منتدى فى النت لما الاداره بتكون نشيطه لازم يأثر عى نشاط الاعضاء

[ندى المصريه]

انا عضوه لسه تقريبا جديده

يعنى انا مش فاهمه يعنى ايه اللون الاحمر ينزل موضيع
ممكن حد يوضح الموضوع
ابلييييييييييييييييييييييييز

[شاعر واسير الحب]

ضحكتوني انت ونور ...........(عاوزين تربطوا موضوعاتكم بجنب موضوعات العمدة ...قصدي الادارة )
عيب عليكم المية لا تجري في العالي
ياجماعة هناك سر مش في اللون الاحمريكا لأ مين اللي منزل الموضوع وهو ايه بالمنتدي الخ الخ الخ

صح بيكون موضوع احيانا مفيد وكتير مكرر و مش له قدر ولا هدف واحيانا لابد ان تقرأة
بس بطريقة السينما مرة بيكون فيلم ومرة بيكون مسلسل ولكن العبرة في اللي يشوف وبيرد
موضوعات الادارة ملونة ومخططة ورائحتها حلوة واحيانا بتكون مكويه ولها اعلانات مدوية
عاوزين موضوعاتكم زيها اعملوا كدا بس هينقصكم اللون الاحمر برضوا
احترسوا لا تربطوا مواضيعكم بمواضيعهم
عشان مواضيعكم هتكون حمرة وأاسماكم هتكون اسمر وتشطبوا كمان وربنا يستر

[Silver Flower]

ههههههههلا بس معاكي حق بس العيب مش بالإدارة العيب فينا إحنا الي بنافق أو بتكون بدنا ا نلفت النظر
شكرًا لموضوعك

[۩۩ elMagic ۩۩]

ههههه مش اى مواضيع بيبقى عليها نشاط
بصرف النظر عن منصب العضو دا فى المنتدى
انتى لو موضوعك مميز هتلاقى الاقبال عليه
ومش تنسي ان العضو الاحمر من ناحيه تانيه
دايما بيبقى من أقدم الاعضاء هنا
وبالتالي بيبقى له متابعين كتير
ولكن مش كل اللى لونهم احمر مواضيعهم بيدخلها ناس كتير
زي ما قولتلك الفكره فى مضمون الموضوع نفسه وطريقة اسلوبك انتى فيه
دا اللى بيأثر على النشاط والتفاعل بنسبة كبيره جدا ..

[جبل عالي]

هاقولك حاجة بصراحة جدا ......

اولاً انتِ عندك حق تقولي كده من اللي بتشوفيه وتلاحظيه

انا عن نفسي كتييييييير بقول كده بس مش على اللون الأحمر بس

لالالالا ........ اتضح انه مش ده السبب الرئيسي على فكرة

لكن نوعية الموضوع وطريقة طرحه .... يعني مثلا في مواضيع للإدارة

قوية جدا ومتخصصة أوي سواء إقتصاديا ولا سياسياً ولا تكنيكياً زي الدراسات

والإحصائيات العالمية الخاصة بشتى المجالات ..... تبصي تلاقي اللي يدخل

لو قرا اول سطر يبقا فل .... وعشان دخل للادارة يبقا يخبط لايك او يسلمو ويخرج

اما بقا لو الموضوع خفيف .... ولذيذ وفيه ضحك وتهييس

لأن النوع ده من المواضيع برضو مطلوب ...... فتبصي بقا تلاقي الردود

نازلة على ودنه وضحك وتريقة ويمكن العضو ولا العضوة مايكتفيش برد واحد

لالالالالالا يفضل قايم نايم في الموضوع ووهات وخد ورد من هنا على ضحكة من هنا

بصراحة ...... المفروض ان ده ذكاء من صاحب الموضوع ايا كان بقا

من الإدارة أو من غير الإدارة ....... وبعدين الإدارة مهياش إدارة كده وخلاص

لا ياوردة ... الإدارة لازم تدرس الحالة النفسية السائدة فى المكان

وعلى اساسها لما الجو ينام والدنيا تبقا مملة لازم يكون لهم دور ساعتها لازم


وممكن برضو يكون لهفة الأعضاء للدخول فى مواضيع الإدارة

بيكون له سبب .... إما للتعرف والتقرب وفهم فكر هذه الإدارة واللي هيا خط أحمر

وممكن سبب تاني .... زي مابيقولوا كده نوع من الظهور وانهم اعضاء متابعين

ويمكن الإدارة تاخد بالها منهم وكده .... شوفي هيا عموما مسألة متشعبة

وآخر حاجة ان فعلا الإدارة دي أكيد لها شعبية كبيرة ولها اصدقاء كتييييييييييير

مفروض يعني يكون كل المنتدى ...... فبالتالي لما ينزل موضوع ليها

الكل بيجري على أساس عارف الإدارة دي وغير كده كمان احنا عارفين ان

الإدارة مبتنزلش مواضيع كل شوية فبالتالي بيحصل شغف

عشان نشوف الإدارة اللي مش بتظهر الا كل فترة


(رغيت كتير ولو ان انا معاكِ بس مفيش أسباب غير كده)

نورتِ القسم ياوردة

وبعدين تعالي هنا هههههههههههههه

انتي خدتي توكيل ظواهر المنتدى من مورشو ولا ايه ؟

[morshooo]

بصراحه انا ضدك والموضوع مبيكنش كدا

ممكن اكون منزل توبيك او استضافه فى قسم

وبيكون عليها مشاهدة كبير جدا وردود كويسه جدا

بترضينى ومش شرط الى ينزله الادارة ياخد اعلا ردود

ومشاهدة .

[big bốss]

اقتباس المشاركة الأصلية كتبت بواسطة ندى المصريه انا عضوه لسه تقريبا جديده يعنى انا مش فاهمه يعنى ايه اللون الاحمر ينزل موضيع ممكن حد يوضح الموضوع ابلييييييييييييييييييييييييز

اللون الاحمر

لون اعضاء الاداره

الراس الكبيره يعنى :d