الجواز ولا الفضيحه

السلام عليكم ورحمه الله


دي مش مشكلتي دي مشكله بنت انا اعرفها

البنت دي اتقدم ليها واحد كان بحبها وهيا كانت معجبه بيه

وباباها وافق عليه ومع مرور الاياام وحان وكان باقي شهرين ع الزواج

قرر الشب ان يعمل عليها تجربه التجربه دي اتفق مع اصحابه انه يعاكسوها في الشارع

لما تخرج وهو يكون بعيد عنهم ويشوف رده فعلها ويمثل هو دول البطل الشجاع وينقذها منهم

ولما اتفقوا ،، جاء اليوم دا وبعدها الشباب عجبتهم الفتاه واحلوت في عينهم ،، وعلشان يبعدو

خطيبها من المكان اتصلوا عليه وقالوا ليه انه صديقك احمد في المستفشي وعمل حادثه واحنا هنروح هناك

وبعدها هو اسرع الي المستشفي وبعد عن المكان الي خطيبته كانت فيه ،،

وبعد لما بعد اجوا اصحابه اخذوا البنت في بيت واحد منهم ،، وضيعوا مستقبل البنت

ولما راح الشب المستشفي علشان يشوف صديقه قالوا ليه محدش عنا بالاسم دا ،، قلق الشب

علي خطيبته فضل يتصل عليها الموبيل مغلق ،، اتصل باصحابه الموبيل مغلق ،، اتصل بالبيت البنت يطمن رجعت ولا

لسه مرجعتش البيت ازداد قلقه وخاف اكتر ،، وقرر ان يدور عليها ،، وبعدما راح لكل بيت من اصحابه

ليشوفه موجود في كل مره يقولوا ليه لسه مرجعش من برا ،، بعدين افتكر بيت صديقه القديم المكان دا ما بروحوا ليه

غير لما يكونوا مخنوقين من الدنيا ..الخ ،، فذهب هناك وعندما دق الباب فتح صاحبه الباب ولما شافه صديقه الشب

اتوتر وكان خايف جدا ،، وبعدين قاله امال فين باقي الشباب مردش عليه ،، فدخل الخطيب جوا وفضل يدور عليهم

لحد لما سمع صوت اصحابه في غرفه فتح الغرفه ،، فشاهده خطيبته مرميه ع الارض ،، مغمي عليها

مكنش عارف يضرب اصحابه ولا ينقذ البنت واخذ البنت غطاها بالملايه وراح ع المستشفي

طلع معاها نزيف ..الخ وبعد مرور اسبوعين اتحسن وضع البنت ولكن اهلها كانوا خايفين جدا

لان سمعه البنت ضاعت بسبب هؤلاء الكلاب ،، فقرر الخطيب ان يتكلم مع والد البنت

وقال له علي كل شئ ،، واعتزر له كثيراً ،، وطلب منه ان يتم الزفاف كما في الميعاد

ولكن الفتاه لم توافق ع الزواج به ،، لانه هو الذي كان السبب الرئيسي في ايذاء الفتاه

وكرهته كره العمي ولا تريد ان تراه اماممها مره اخري

ولكن والديها يقنعاها بالزواج بالشب ليقضوا ع الفضيحه

والبنت لسه مصره ع قرارها

بتمني تساعدها !!

[Lost Pearl]

يانهار !!!!!!!!

هو في حد يعمل فـ خطيبته كدة >> و قال ايه بيحبها

حقها متوافقش يعني هتقبل ازاي ان اللي عمل فيها كدة يتجوزها

هو اصلا ازاي يعني يقول لاصحابه حاجة زي دي :/

طالما هي مش عايزة خلاص ،، ربنا هيرزقها بالاحسن منه ميت مرة و هيتفهم اللي حصل و هتبقي مبسوطة ان شاء الله خصوصا انها مظلومة و معملتش اي حاجة غلط

ربنا يهدي !!!

[Mo chahin]

هو موضوع محير الصراحه ومتعب جدا ..

الواد عايز يصلح غلطته باعتذاره وزواجه منها رغم ما حدث ..

والبنت مش عايزاه لانه سبب ليها المشكله ومن البدايه مكنش واثق فيها ..

والا مكانش نصبلها الفخ دا ليشاهد رد فعل خطيبته .. من وجهه نظرى دى سخافه ومرض !

وفى نفس الوقت الوالدين عايزين يقضوا ع الفضيحه من قبل ما تبقى فضيحه ..

انا شايف ان البنت تقبل بالزواج عشان رضى والديها وتجنبا من الفضيحه ..

وبعد ما يتم الزواج من حقها بقى تخلعه او تكمل معاه .. دا قرارها ..

لكن مهم جدا انها تتزوجه والا سيحدث ما لا تحمد عقباه ..

دا ان كانت لديها القدره على انها تتحمل المشاكل وفضيحتها ووالديها ..

ربنا يوفقها ويكون فى عون اهلها ..

[سنابل مجروحة]

لك كلهن مثل بعض

كيف اصحابو يفكرو يخونوا صاحبهم

كيف هو عندو الجرأة يعمل هيك في خطيبتو؟؟

انا بصراحه حاسة حالي امام مسلسل

لي عودة

[عاشق متيم]

القصه فيها ملابسات كتير جداا مش فاهمها ؟؟؟؟؟
يعنى خطيبها اتفق مع الاشخاص انهم يعاكسوها فى الشارع !!!!!!!!!
ازاى البنت راحت البيت القديم بتاع صاحبه ؟؟؟؟؟؟؟؟؟؟؟؟؟؟؟
خطفوها مثلا من الشارع ؟؟؟؟ وكان فين الناس لما خطفوها ؟؟؟
ولما اى واحدة بتتعرض للاغتصاب وبتروح المستشفى ؛ المستشفى بتبلغ البوليس والنيابه بتيجى تحقق ..
القصة دى بتفكرنى بالمسلسلات التركى ؛
لو القصة دى حصلت فعلا
يبقى خطيبها شخص ذباله وديوث لانه طلب من اصحابه انهم يعاكسوا خطيبته ؛؛؛؛؛؛
فين الرجوله والشهامه والتدين والاحترام ؟؟؟؟؟؟؟؟؟؟؟
البنت مظلومه ومش لها اى ذنب ؛ ذنبها الوحيد انها اتخطبت لشخص احمق .......
البنات اللى بيحصل لهم اغتصاب بيبقى فرصة زواجهم قليله جداااااااااااااااااااااااااااااا !!!!!!!!
انا شايف انها تتزوج هذا الشخص من اجل التستر وتتفق معاه انه يطلقها بعد فتره ......
وبعد الطلاق هيبقى لها فرص كتير تتجوز غيره ؛ اما وضعها الحالى هيبقى فرصتها صعبه جداااااااا
وربنا ينتقم من خطيبها ومن اصدقائه

[~♥ Queen sozan♥~]

يخربيت الغباء بتاع شباب مصر

اية دة بجد شئ مقرف اوى يعنى من شاب بيقول ان هو بيحبة !

الحل ان هو يكتب الكتاب عشان تكون قدام الناس مطلقة اللى الاسف
وبعدين هى لو مش عيزة تكمل تبعد لو هسة ان ممكن تقبل تعغيش معاة يبقة دى غلطتتة
ويتجمل .. بس لازم توافق ان هو يكتب علية اهو الضرر الاقل احسن من الضرر الاكبر
تكون مطلقة احسن عشان سمعتها . وحسبنا الله ونعم الوكيل

[صمت الشفاه]

خطيبها ده انسان غبي
وهي من حقها متوافقش عليه ازاي اصلا حتقدر تكمل حياتها معاه كل ما هتشوفة هتفتكر اللي حصلها هي لازم تحاول تنسي اللي حصل وتكمل حياتها انا عرفة انه صعب بس ياما الانسان بتقابله كوارث بس مع ايمانها القوي ربنا هينسيها كل حاجة ومتفكرش في الناس طظ في كلام الناس خليها تفكر في حياتها ومستقبلها وان شاءالله ربنا حيرزقها بالشخص المناسب اللي هيقدر يسعدها وينسيها اللي حصلها

[✿ Celiηα]

هو غلطان غلط كبيييير انه اتفق على ان اصحابه يعاكسوها
بالرغم من انه مكنش يعرف ان اصحابه حيوانات كده
وكان ايه لزمته ده اصلا

بس الله ينور على عاشق قالك الحل الوحيد
لو انتي مرضتيش تتجوزيه مش هتتجوزي ابدااصلا
لكن اتجوزيه واتفقي معاه انه بعد فترة يطلقك وبعدها
ممكن تتجوزي من اي حد تاني عادي

وبجد ربنا معاها قصة غريبة جدا

[нαиαи]

اقتباس المشاركة الأصلية كتبت بواسطة mr. M ! R o هو موضوع محير الصراحه ومتعب جدا .. الواد عايز يصلح غلطته باعتذاره وزواجه منها رغم ما حدث .. والبنت مش عايزاه لانه سبب ليها المشكله ومن البدايه مكنش واثق فيها .. والا مكانش نصبلها الفخ دا ليشاهد رد فعل خطيبته .. من وجهه نظرى دى سخافه ومرض ! وفى نفس الوقت الوالدين عايزين يقضوا ع الفضيحه من قبل ما تبقى فضيحه .. انا شايف ان البنت تقبل بالزواج عشان رضى والديها وتجنبا من الفضيحه .. وبعد ما يتم الزواج من حقها بقى تخلعه او تكمل معاه .. دا قرارها .. لكن مهم جدا انها تتزوجه والا سيحدث ما لا تحمد عقباه .. دا ان كانت لديها القدره على انها تتحمل المشاكل وفضيحتها ووالديها .. ربنا يوفقها ويكون فى عون اهلها ..

نفس اللي كنت راح اقوله ..
هذا الحل الأنسب ..

[esra2 mohamed]

انا كنت هسال نفس سؤال عاشق متيم
هما خطفوها ازاى ؟ بالرغم انهم مكنش فيه اعداد للموضوع
يعنى معتقدش البنت هتستنى ف الشارع لحد مايمشوا خطبها وبعدين يجيبوا عربيه ويخطفوها
حاسه فى حاجه غلط فى الموضوع وهو يفتكر البيت القديم فيروح فيلاقيهم فياخد البنت بسهوله من وسطهم ويوديها مستشفى
ويطلع عندها نزيف فين اجراءات المستشفى ؟ المحضر وخلافه؟
فين االاجراء تم ضد الناس دى
فى حاجه مش مظبوطه ف الحكايه