موش غريبة

[اوتار الليل]

لو فاديتك يوم بروحى .. موش غريبة
والا فى عينيك بنسى روحى .. موش غريبة
ده الحنان طبع الحبيبة
اللى لو فى الحب حسّت .. بالأمان ضحّت وخبّت
حتى قالوا ياما كتير .. يا سهر اللى بقلبها حبّت
***
دى اللى تعشق يوم بتلقى نفسها
تايهه وسط نجوم من كلمة تحسّها
يبقى بس انا أعمل ايه
للى صان حبى فى عينيه
غير أعيش العمر جنبه
ملك قلبه وبين إيديه
حتى لو خلّليت حياتى
شمعة تسهرلك ليلاتى
موش غريبة
ده الحنان طبع الحبيبة

( أوتار الليل )

[فتحى عيسى]

مش غريبة
الكلمة الحلوة تكون هنا
ولا عجيبة
تكون موزونة كدة
رائع أخي وأحييك
سلمت والنبض
مودتي وإحترامي

[اميره الشعر الشجين]

اخى الرائع كلمات جليله لها منى كل الود والاحترام دام التميز اخى ودام نبض القلم

[اوتار الليل]

انت استاذنا الكبير أخى /
فتحى عيسى
يسعدنى دائما تواجدك الذى يضيف الشرف لى ولكلماتى

[اوتار الليل]

لقد أخجلتنى مجاملتك الراقية /
أميرة الشعر الشجين
وأسعدنى منحى شرف تواجدك الكريم

[جبل عالي]

جميل ماصفت وجميل مارسمت

بحروف تنغمت فسطرت ووفيت


تحيتي وتقديري

لمداد من ذهب

[اوتار الليل]

يكفينى منحى شرف تواجدك /
جبل عالى
فالوتر الذى يقطر نغم كلماته دائما تُحترم
ومشاعره تجود بالخير وفى الخير كالعلم

[ويبقى الأثر]

مش غريبه
انى اتاخر بالرد على مقطوعه جميله بالشكل ده
رقى وتناغم واسلوب
حقاََ ابدعت اخى
نجومى وتقييمى ووسام التميز

[اوتار الليل]

استاذتنا الفاضلة /
قيثارة الصمت
بجد أخجلتينى بكرمك
وأسعدنى تواجد حضرتك قبل اى شئ
أتمنى أن أكون جديرا بتفاعلكم ورقيكم دائما

ياريت تشرفينى في موضوع ( جزيرة الساهرين )
بقسم ابداعات الاعضاء .
تحياتى وتقديرى لشخصكم وكلماتكم الراقية ومجاملتكم الرقيقة .