للمرة المليون

[زهرة الياسمين]

للمرة المليون بنتناقش في نفس الموضوع لحد ما نتخلص من العادة دي لانها بجد زادت عن حدها لما واحدة صاحبتي تقولي ان ابن عمها هيا رفضت تتجوزه فخطب واحدة صاحبتها هوا في الاول مكنش يعرف انهم صحاب وبعدين بقت تحس في طريقة كلامه انو بيغيظها والجو ده
انت فاكر البنت اللي بتتريق على قعدتها جنب ماما
عشان ماتجوزتش لحد دلوقت دي عانس ؟؟
ابسلوتلي ..
مش شرط علي فكرة
دي ماتجوزتش عشان مالقتش فيكوا راجل ..
ااسفة جداااا عاللفظ ده بس مش الكل طبعااااا
افهموها بقي .. اذا نقصت الرجولة زادت العنوسة ..
ماهي مش هاتتجوز سوسو اختها يا حلو منك له
طب اقولك كمان ..
انت فاكر كل اللي اتجوزت مرتاحة ؟؟
ابسلوتلي .. تبقي عبيط ..
عبيط واهبل وزمباوي كمان ..
ممكن تكون اتجوزت عشان تهرب من تريقة واحد زيك
واكتشفت انها وقعت ف واحد زيك .. اه والله .. زمبؤلك كده !

الخلاصة ..
العاقلة ماتتجوزش واحد لمجرد ان نوعه ف البطاقة عكس نوعها
العاقلة اللي تتجوز لما تحس ان اللي اودامها راجل
هاتعرف تحس معاه بفرق النوع من غير ماتحتاج كل شوية انها تبص ف البطاقة

[اوتار الليل]

الموضوع لا دخل له بالرجولة ولا يحتاج الثورة ع الرجال ..
هذه مشكلة إجتماعية في المقام الأول .. وليس بمصر وحدها
بل في اغلب الدول العربية ..
ولقد تفاقمت هذه المشكلة بعد هجوم الرأسمالية في أغلب الدول
وانتشرت البطالة وارتفعت الأسعار ..
ولا يوجد شاب أو رجل لا يريد الإستقرار والزواج لكن الحياة الاجتماعية
لها متطلبات وصعب القيام بها خاصة مع مغالاة أهل العروس بطلباتهم .
ولا تنسى ايضا ان عدد الإناث بالنسبة للذكور صار أكثر من 8 : 1 ..
وبهذا أظن لا يحق لزوج ان يتزوج ثمانية نساء .
فرجاء نتدارس الأمور أولا قبل الإنفعال أو اتهام الرجال بالتقصير .
ولا تنسى ايضا ان هناك شئ إسمه القسمة والنصيب .
وشكرا لموضوعك

[ساحر الأحزان]

وزمباوي

اية معناها دى زهرة؟

اصل بصراحة ممرتشى علية قبل كدة


لو الزواج على شان العند يبقى نسبة نجاحة ضئيلة لان الزواج قسمة ونصيب مش عند وغيظ

هو الارتباط والعواطف مع الحب لعبة على شان اغيظ دى ولا دى

[جبل عالي]

اللي يفكر بالمنطق ده بجد عقله صغير طبعا

ومعتقدش ان الزواج مجرد حدث عادي عشان

نستعمله لغيظ بعض ولا لرد اعتبارنا قدام حد

ربنا يصلح حالنا جميعا ياقمر

[♥SaRa]

الانـسان الي فكر بالطريقة دي اصلا يبقي تافهة
لأن دة زواج مش لعب
وهينتهي بية المطاف فـ النهاية بالفشل
لأن الزواج ينشأ بين اتنين متفهمين ومتحابين
مش بين وآحد بيتزوج دي عنداً فـ دي
دة جهل والله وتفاهة زيادة عن اللزوم
ربنا يهدي الجميع

[زهرة الياسمين]

اقتباس المشاركة الأصلية كتبت بواسطة ana banota baskota الانـسان الي فكر بالطريقة دي اصلا يبقي تافهة لأن دة زواج مش لعب وهينتهي بية المطاف فـ النهاية بالفشل لأن الزواج ينشأ بين اتنين متفهمين ومتحابين مش بين وآحد بيتزوج دي عنداً فـ دي دة جهل والله وتفاهة زيادة عن اللزوم ربنا يهدي الجميع

لا هوا ما اتجوزهاش عشان يعاندها ولا حاجة وبعدين هوا اصلا مكانش يعرف انها صاحبتها وحبها فعلا بس هوا حب يوصلها رسالة بس كانت غبية شوية انو ييقولهااني لقيت واحدة احسن منك
كدة يعني

[big bốss]

اولا انا بنتقد الهجوم على الرجال

لان اساسا مفيش اناث تستحق الثقه او تستحق الزواج

لان الغالب منهم رخصا لا سعر لهم

علشان كدا الرجال بيتانىء و يدور على بنت ناس نحترمه تصونه

و بعدين هى مشاكله ماديه فى المقام الاول

و بعد ذالك ندخل فى الاخلاقيه

و كل جنس من البشر فيه الكويس و فيه الوحش

[زهرة الياسمين]

لا انا مش بهاجم خالص
بس انا كنت مضايقة من الموقف اللي حصل لصاحبتي وبيحصل لبنات كتير لما بيتاخروا في الزواج
فجت فيكوا بقى معلش