الحلقة التاسعه من ( لمن يجرؤ فقط ) مع ( الآميرة رودى )

[morshooo]

بسم الله الرحمن الرحيم

مزاج الخير

فى البدايه مبروك الاستايل الجديد للمنتدى

حلقه النهاردة وضيفه النهاردة عضوة مميزة

المرأة الحديديه الـ ( مدوباهم تلاته )

محدش يستغرب صدقونى بكلم بجد كل لما الادارة تحط معاها

مشرف تخلعه يالها من أمراءة حديديه

معانا النهاردة المتميزة /

الآميرة رودى

فى البداية تعالو نشوف الـ ( 8 )

نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق

تعالو نشوف الحوار :

الاختيار الاول

( حياتى )


اولا :

طبعا انتى زوجه والمفروض ان الامور تمام معاكى بس عايز
اعرف منك
ياترى حياتك دلوقتى رغم سفر زوجك شايفه انها الحياة المثالية الى كنتى
بتحلمى بيها ولآ سفر زوجك مأثر عليكى كزوجه ؟

ايوه الحمد لله الآمور تمام معايا
وفى نعمه ربنا يديمها عليا
انا مش شايفه ان سفر زوجي ممكن يأثر عليا
لآني اصلا من قبل مانتخطب واحنا عارفين بعض كويس
وكان ايامها بيسافر برده
يعني مفيش حاجه جدت علينا
والحمد لله فيه وفاق من أول يوم شوفنا فيه بعضينا

وبعدين السفر بالنسبه لنا فسحه
مش بس وسيله لتحسين حياتنا
يعني مش بيغيب فى سفره،، وانا وقت مابحب اسافر بسافر وبرجع
واهو تغيير جو وفسحه زي ماقولتلك

ثانيا :

كرودى شايفه ان وجودك فى المنتدى وعالم النت عموما عادى
وجوزك موافق على وجودك فى المنتدى والا مايعرفش حاجا زى كدا ؟

كرودي ايوه شايفه انه عادي جدا
وايه اللى يمنع يعني انى ادخل نت أو اشترك ف منتدى

وبعدين هو اصلا عارف من قبل مانتخطب انى بحب اشترك فى منتديات وكنت فعلا فى منتدى قبل ده وهو برده كان عارف والموضوع ده مش بيضايقه الحمد لله يعني بس هو مالوش ف المنتديات عشان يشترك معايا

الاختيار الثانى

( اعترافات )

اولا :

وجودك كمشرفه على قسم صفحات مكشوفه فى المنتدى
شايفه انه القسم المناسب لقدرات رودى كمشرفه فى المنتدى ؟

ايوه مناسب
وأهو بعرف اتعامل معاه بشكل معقول

ثانيا :

محصلش قبل كدا انك محيتى عضو ما او عضوة ما فى المنتدى
من زاكرتك عشان عملك مشاكل او حصل خلاف بينكم وشايفه انك
على حق فى القرار دا لو كان حصل ؟ وايه السبب ؟

أيوه حصل
كلنا بنتعرض لصدام مع ناس مانعرفهمش
بس فيه فرق بين واحد تختلف معاه وانت عارف انه محترم
لآن الخلآف أمر طبيعي بين البشر،،

وبين واحد تاني بيحول الخلآف لساحه حرب والشاطر اللى يغلب،،
ويستعمل فيها كل الآساليب اللى ترضي رغبته فى الآنتقام..
#لما الصدام يوصل لدرجه دنيئه زي دي
يبقى طبيعي نمحيهم من حياتنا

وأيوه كنت على حق فى قراري طبعا

الاختيار الثالث

( اعضاء المنتدى )

اولا :

( غريب الاطوأر ) انتى قولتى فى صفحاتك انك رحتي تكشفي على والداتك
وقابلكم يومها بما انك كنتو ف القاهره.
شايفه ان المشاركه دى كان ليها اهميه انك تعرفى الاعضاء ؟

ايوه انا كتبت المشاركه دي فعلا فى صفحاتي
بس انت فاهم غلط |انا مش بحكي الموقف عشان اعرفه للآعضاء |،
أنا بدون حاجه فى صفحاتي لنفسي زي ماكلنا بنعمل وبنكتب ف صفحاتنا اللى بنمر بيه
وأنت كمان بتعمل كده

* كتبت الموقف ده بالذات لآني كنت مبسوطه اوي انى شاركت يومها فى ميدان التحرير
# كان نفسي بجد اروح وبما اني من المنصوره فكان صعب اروح واشارك مع الناس دي،،
فلما رحت وجات الفرصه وشاركت انبسطت وجيت دونت أحداث اليوم كله من اوله
لآخره

وفعلا بابا اتصل بوليد وجالنا عند الدكتور وبعدها طلعنا كلنا على الميدان وكان يوم جميل جداااا من الايام اللى مش بتتنسى
وبالنسبه لوليد فهو الفاكهه اللى ف العيله
واى مكانه بنروحه لما بننزل القاهره بيكون معانا وبنعتمد عليه فى حاجات كتير

ثانيا :

ليه بحس ان مالكيش اعضاء قريبين منك يعنى كل واحد بيكون ليه
اعضاء مقربين منه انتى ليكى اعضاء بالشكل دا والا تعاملك
مع الاعضاء ليه حدود سواء ولاد او بنات ؟

ايوه له حدود
التعامل بحدود أفضل #
بس برده ليا اصدقاء هنا قريبين مني جدا هما مش كتير بس بحبهم جدا جدا

الاختيار الرابع

( وجع دماغ )

اولا :

فى اعضاء سمعت عنك كلام كعادة المنتدى فى نشر الاشاعات
انك بتكلمى فلان وفلان والكلام دا وصلك فعلا.. شايفه ليه اتعمل
معاكى كدا مع ان نفس الكلام اتقال على بنات تانيين وبنفس الطريقه ؟

أيوه فعلا ووصلني
د اانا اتقال فيا قصص
والله انت ممكن تسألهم ليه عملو معايا كده !
وانا صدر مني ايه عشان يتصرفو بالشكل ده !
بص هقولك على حاجه
لما يجي الكلآم ده يتقال عليا فى وقت معين
يبقى لآزم اللى يسمعه يحكم عقله ويربط الآحداث ببعضها
ويعرف ليه اتقال ومن مين !

بس هقولك على حاجه عشان مش نظلم المنتدى ككل
لآن المنتدى جميل وحرام نعمم السيئه.
هما 2 أو تلاته اللى بيعملو كده
وانت قولت بنفسك حصل مع بنات تانيين
وبنفس الطريقه !!
يعني المصدر واحد وبينتهج نفس الطريقه مع الكل

وبعدين اللى يقول يقول يامروشو
انا مش ببص ورايا #
ومش بيهمني رأي حد مادام انا عارفه بعمل ايه..
وعلى رأي الفيلسوف الكبير موروشو حين قال
ولآ يهمك من أى حاجه أرودي
محدش تايه عن حاجه

ثانيا :

وجودك على قسم الصفحات المكشوفه حتى الان مع تغيير كذا مشرف
كان موجود معاكى شايفه ان القسم دا عايز مشرفين
ليهم مواصفات خاصه فى التعامل مع الاعضاء لان القسم الفترة
الحاليه من انشط اقسام المنتدى ؟

هو القسم حلو وجميـل
بس عاوز طوله بال وصبر
وتعامل كويس وبأسلوب هادي مع الآعضاء
وبعدين الحمد لله كله تمام والقسم زى العسل بالناس الموجوده فيه

الاختيار الخامس

( صورة وتعليق )

اولا :

عايز رئيك الشخصى فى الاعضاء الى هتشوفيهم
دلوقتى بما انك اتعملتى معاهم مع توضيح
سبب تركهم للاشراف من الصفحات معاكى .

لآ حكايه مع توضيح سبب تركهم للآشراف دي
مش بتاعتي
لان كل واحد فيهم وله اسبابه الخاصه بيه
ممكن تسأله هو

مشرف الصفحات السابق
( احضان الحبايب )




عبده مش محتاج شهادتي فيه
انسان جميل ومحترم وصاحب عقليه كبيره
والكل يشهد بأخلآقه وأسلوبه
#الفتره الآخيره كان عصبي ف صفحاته شويه
زى ماكلنا كنا عصبيين لآننا كلنا مجروحين بسبب الظروف اللى بتمر بيها بلدنا
بس ده مايمنعمش انه من أرقى وأنقى الشخصيات اللى اتعاملت معاهم فى المنتدى
بحترمه وبقدره جداااااااااا
ربنا يحفظه ويوفقه فى حياته

مشرف الصفحات السابق
( Mr. M ! r o )




الله يسهله ويوفقه


مشرف الصفحات السابق
( كريم العاصم )





كريم ده كان فاكهه الصفحات
مرح وطيب وقلبه أبيض
وقت وجوده ف الاشراف كانت فتره جميله بجد
انسان محترم وزوق،، بيعرف يقدر المشرف اللى معاه
وكان يضحكنا كتير اوي ف مسابقه من صاحب الكلمات
اللى عايزين نجددها من تاني عشان يرجع ينور فيها
انسان جميل والله وبتمنى يرجع تاني
ربنا يوفقه ويكرمه فى حياته ويديه على أد نيته

ثانيا :

شايفه ان ممكن يجى وقت ونشوفك ( مشرفه سابقه )
والا وجودك كمشرفه على قسم الصفحات دا يكفيكى ؟

ممكن أوي ليه لآء
وكنت طلبت فعلا اني اسيب الآشراف
بس حاليا الوضع مستقر ومفيش نيه انى اتركه
والله أعلم الآيام الجايه فيها ايه
وبسسسس

بكدا بتخلص تاسع حلقات البرنامج .

انتظرونا الحلقات القادمة

تحياتى

[ساحر الأحزان]

يا راجل مدوباهم تلاتة

رودى من المشرفات أصحاب النشاط الجميل فى المنتدى

بتمنى ليها التوفيق بحياتها

نورتى يا رودى مع مرشدى ظواهر

[خارج عن القانون]

حلقة جميلة يا مورشو

ومنورة طبعا يا رودى

وتصدقى اول مره اخد بالى انك مدام رودى ^^

كل ده كنت فكرك آنسه وانك بنت العشرين

وتبقا مفاجئة اكبر واحلى لو اكتشفت كمان انك ام

[روح صامتة]

حلقة جميلة
فيها حاجات اول مرة اعرفها ^^
والاجمل كمان انك شخصية محترمة بتلجئي دايما انك تحلي مشاكلك بدون ما تكبريها
وف الاول والاخر دا عالم نت يعني ^^
بشكرك احمد ع الحلقة
استضافة جميلة ومميزة ^^
ارق تحياتي

[countess]

حلقه جميله مستر وديما متألق لاجديد ،،

رودي إجباتك موفقه وهاديه ربنا يوفقك <<<

[Lost Pearl]

حلقة جميلة ،، رودي قالت رأيها بصراحة و وضوح

ربنا يوفقك

تسلم يا مورشو

فـ انتظار الحلقة الجاية ،،

[واد حبيب]

عارف يا مروشو
احلي حاجه في الحلقه دي ايه
الضيفه الاميره رودي

[M@HMOUD]

حلقه جميله ورائعه
بالتوفيق للجميع

[۩۩ elMagic ۩۩]

حلقه حلوه
الواحد فعلا بيسمع قصص وروايات كتيير
بس انا مبقتنعش بحاجه الا لما أشوفها انا بنفسي
ممكن أعمل نفسي مصدق قدام اللى بيقولي الكلام دا
بس بعد ما نقفل الحوار بأبقى ولا كأني سمعت حاجه :d
بالتوفيق ليكي يا رودي بقى انتى مشرفه مميزه
وشكلي بفكر اجى عندك
اهى تبقى فرصه علشان ألبس اسود ايتها المرأه الحديديه

[عاشق متيم]

حلقة جميله جدااااااااا مع ضيفة رائعة ومميزه
وبتمنى لها التوفيق والسعاده فى حياتها والفوز بالجنه فى الاخره
تسلم يا مورشو على الحلقه