شماعات فكرية ~

[Angel Smile]

انا و لا مؤخذة قررت افتح لى صفحة و كدة يعنى هو ااه انا مش بعيش فيها كتير و ااه عملت كذا بلوجايا ع النت بس بعشق امسحهم مش عارفة ليه :\ و مع انى كنت رافضة فكرة زى دى بس ليا اسبابى ااه اولًا : لا مفكرتش فاولًا نروح لثانيًا ثانيًا : بعد أولًا ع طول ثالثًا : الفراغ يفعل المستحيل ^_^ و اللحمة بتفعل ال نقرصات رابعًا : اظن محتاجة اتكلم و كفاية لحد كدة اظن اسباب واضحة بالنسبة للأسم بقى فبدون تهريق هو ااه انا لا انتمى لافعال البنات الشنيعة باى طريقة او صفة :| بس الفكرة البنوتية بالفطرة جت كدة بقى الهدوم الشيك المكوية النضيفة دى ال مش بتتلبس فالاغلب هى ال بتتعلق ع الشماعات او بالنسبة ليا يعنى ^^ و الباقى بيطبق فطبعًا إيمانًا بالعقل البشرى .. اى حرف يقوله مينفعش يتطبق لازم يتعلق ع الشماعات الخاصة بيه و إلخ إلخ إلخ و بس ^_^ و اعتبروا بقى البتاعة دى زى الجزيرة دى كدة ^^ و انا ال بتاع ال طاير ده نيجى بقى لقسم المحجبات حلو احساس ان الحاجة دى تبقى خاصة بيا و كدة ^^ مظنش ان حد هنا يقدر يتحكم فافكارى و طريقتى و موودى كومان ولا يحاسبنى ع تقلبات مزاجى :| ولا ع التهييس اوووى او الكأبة جدًا او احلام اليقظة التى لا تنتهى ! ف بالتوفيق ليا بقى و اعلق شماعات افكارى فذاك الدولاب و نبدأ الافتتاح ^^ 14/9/2013 و علشان ختامهم مسك هعد من 1 ل 10 ( ^_* ) 1 2 3 4 5 6 7 8 9 10 هييييييييييه ^___^ لقد وصلنا الى الرقم العاشر بنجاح ( نجحت المهمة ) إذًا هيا نتحدث فى صمت ! ~

[Angel Smile]

فكرة انك ولا حاجة فكل حاجة فكرة انك ممكن تموت م الخوف فكرة ان الخيال لا يغير الواقع فكرة ان عالم الطفولة اتلوث فكرة انى هتحاسب على كل حاجة بعملها و كل حرف بنطقه فكرة ان اللى جاى احسن ! فكرة ان البداية زى النهاية فكرة ان الغلط بيتبرر فكرة افكار كتييير !! بس من نقطة ما فى مواقف كتيير مش بنركز فيها و لما بنركز فيها بتبقى مصيبة احيانًا ! ** ازاى تبقى فمرضك بتقول ااه و كاره الدُنيا و ف مرحك بتقول هييه و مالى الدُنيا حقها و اكتر واحد مؤمن بالمصدقية فى التوازن و العدل فِكرة ان الحاجات صاعبة جدًا بس بعد عذاب المواجهة يتحول لممتعة جدًا ! كاره التناقض يُشارك فى خلقه :| #شعور_مؤلم

[Angel Smile]

فوائد الجزمة :-

1- بتحميك من الأزاز ال بيبقى فالأرض ال جمب المحل بتاع الزجاج ال موجود فكل مناطق مصر
2- بتخبى التسلسل الطبيعى لصوابع الرجل
3- بتعطى منظر جمالى للأرض المصرية التووحفة
4- بتساعد على لم شمل الرجل و تصغير حجمها
5- تحافظ على نظافة الرجل
6- شىء جمييل للبنات لأخذ حقها من اى حرف مش ظريف


فوائد الجزمة السودة :-

1- بتعكس ضوء الشمس فالشتا و تخلي رجليك دفا
2- بتليق ع كل الهدوم
3- الأسود ملك الألوان
3- الأسطورة تقول : الأسود يطرد الشر
4- لو قابلك طور مش هيجرى وراك لان نفسيته حلوة مع الاسود

فوائد الرُباط :-

1- البنت بتقف فنص الشارع تدخل الرباط جوة الجزمة
2- البنت برضوا بتكعبل فالرباط ع السلم بتاع المترو فوسط الزحمة
3- من واحد و اتنين فيُساعد على جذب انتباه اكثر
4- مُفيد للتحكم بالأعصاب فهو يقبض على رقبة الرجل لحزمها ^^
5- يتميز بجمسع الألوان فيخلق حس الوانى ظريف لدى الأناقة ^__^

فوائد الجزمة السودة بالرُباط :-

1- هو الأول فى علام الموضة .


و بذلك قد أثبت نظريتى
تبًا للحاقدين
فجمالى لا حدود له

انتظرونا مع ~ فوائد اللون الفسفورى ~

[Angel Smile]

أحببتى أفودافون
الإعلانات درجة قفلنها بتبتدأ تزييد فالعاالى اهوو
عماااار يا مصرررر

[youtube]

[Angel Smile]

" خدوهم بالصوت "

من أزبل الطرق فالمشاجرات -.-
مش معنى ان هو كائن ضعيف انك تيجى علييه اووى كدة
علشان تبرر غلطك بالصوت العالى و تصرخ
مش علشان هو مش بيعرف يصرخ مش بيرد عليك !
لأ ده جواه الف صوت بس مش عاوز يكبت صوتك زى مبتكبته انت :|
أنك تيجى عليه اووى كدة و فاكر ان ده انتصار و هتحقق اهدافك كدة
يبقى بجد ربنا يشفيك ! :|

طريقة مستفززة بجد -.- -.- :|

بس من ناحية اخرى

بتحصل غلطات املائية كتيير فاللحظة دى

بتبقى مش عارف تزعل منهم اووى ولا تقعد تضحك و تعديها :\

" الحياه حلووة "

[Angel Smile]

بابا مش عارفة احل المسألة دى
- فكرى
مهو دى محلولة فالورق بس انا مش صو.
- فكرى
طيب -.-

~

فين حل المسألة يا علياء ؟
- منا قولت انى مش عارفة احلها و قولت فكرى فكرى بس انا نقلتها من وئام لا تقلق
يعنى اقول فكرى مش تحليها يعنى

-
--------------

بمناسبة ال Math و كدة
نتيجة لأنبهار بابا بعقلى الفائق حدوده
فقام باعطائنا 40 مسألة ب كتاب المعاصر
و 3 ف كتاب المدرسة
و 8 ف الملزمة

إيمانًا به بأن لازم ألم كل الافكار :|

مش عارفة حاسة ان بداية الدراسة شىء رزل كتيير :\
و حاسة بالغباء
بس يا ترى هتكون سنة لطيفة ولا لأ :\
يا ترى لما اخترت علمى كان اختيار صائب ؟
ذكائى المُتغابا قدها ؟ :\

بس اتمنى ان الحوار يكون اجمل بكدة :| و ان مش اعمل شىء غبى
يضيع منى كل اشى

و ان التفكير يبعد عنى
قالك فكرى

فكرونى بقى احل الواجب بكرة علشان عندى هزار النهاردة

------------

** إلهي عقـدت رجـائي عـليـك
وأطـرقـت رأسـي بين يديـك
فإن أنت لم تعف عني هلكتُ
وهل مفــزع مـنـك إلا إلـيـك **

[Angel Smile]

بابا بحبه كتييير بجد

بغض النظر عن كل ال حصل فالاجازة و التعليق ع التمسليات الكورى
و بغض النظر عن رأيه فالكتب ال بقراها
و بغض النظر عن بعض التحكم ال بلاقيه

اول الاجازة خدنى انا و اخواتى الصغنين الاهرامات ^^
و الكبار قعدوا فالبيت يذاكروا

و اخر لاجازة اهوو ^^ فسحنى فالطرقات
و ودانى الفجالة و جبلى قلم هدية بفلوسى (مخدش باله )

و عزمنى ع ببسى و عزمته ع شوكولاته ^__^

و فضلنا متسكعين معًا ثلاث ساعات كدة ^^

بابا تطور كتيير بجد

خروجة ولا خروجات البنات والله ^^

~

يارب خليلى بابا و مش تحرمنى منه
و دايمًا يدعمنى كدة ياارب
شُكرًا يا رب على المواقف الحلوة دى ف حياتى
يارب مش تخلينى انساها او اتغاضى عنها فيوم يارب

[Angel Smile]

اقتباس لشدة رغبته بها , قرر قتلها كى يستعيد نفسه , و إذ به يموت معها , فسيفُ العشق كسيف الساموراى , من قوانينه اقتسام الضربة القاتلة بين السيَاف و القتيل .

قصص خياليه و قصص واقعيه ..
و النتيجة واحدة
خيال مُحتم
نهاية بائسة :|

**هو بس ليه ؟! **

مازال الحُب يتملكه الغموض ~
و مازلنا نعيش فى خياله الى ابعد حدود !

[Angel Smile]

ايموشن " اولعوااا "

ده يجب ان يُدرس :|

حتى نتجنب المُحبطين !
حتى نتجنب الفاشلين ( بغض النظر ان مفيش حد فاشل )
حتى نتجب ازعاجهم !
حتى نتجنب دخولهم فى شئون حياتنا جميعها
حتى نتجنب الخوف من نظراتهم !

يولعوا كلهم -.-



هيا بنااااا

-----------------------

~ ارهقنى كلامهم
فأحببت فراقهم
فهاتفنى اشتياقهم
فعلمتنى نميمتهم
ان لا اشتاق لهم
و ان هاتفنى فراقهم
اقتل افراحهم !
و ل يولعواا جمييعهم ~

[Angel Smile]

و سيذكر العالم ان اخر مرة الفراغ جالى قصيت شعرى :\
و انقذت نملة
المشكلة ان من ساعتها شعرى مش راضى يطول تانى
حاسة انى غلطت فحقه كتييير :|

~ شعرى العزيز .. أسفة كتييير ~

مش عاوزة اشعر بالملل و الفراغ تانى :|
و مش عاوزة اروح المدرسة الناس وحشين

انا عاوزة اكل بس
جعانة ايس كريم :\\

فى ايس كريم زيادة هنا
طب مصاصة حتى

انا ليه ؟ :|