مكروباص الحب

[جـــــراح المشــاعر]

ايوة عارف كان عندة حق اهو دق دق مش قولتك دة عندة حق اتخض يومها م النهار اللي شوفنا فية طلتة ولقتني بطلع وكلي اه لكن ساعتها قدرت اشوف احلي نظرة نظرتة وكنت عارف دقتة اهو قلبي دق وكان عندي حق خايف من اية ما تقول قوادم اقولك اية قررت افوق لميت جروحي وصوت اهاتي م الشقوق وغسلت روحي وذكرياتي من حبها وقعدت انفض كرساتي م التراب تاني مرار واقلب حروفي لاوسمة والقاني سامع صوت خطاوي نازلة م السماء الاخرة اية والحل فين منا قولتك جاتك مصيبة بلاها حب وعيون تشب ولا مشاعر تصحي جواك تدب مفهمتنيش شاعر غبي جواة كلام مش من هنا غرقان ف بحر الدندنة مرضان اكيد عيان بشوقك للمعاني والجروج المزمنة ليا طلب او التماس اعرفلي ناس من حيكم من بركم بس امانة ما تكون قلوبهم زيكم فاقدة الوفاء قالتة الامان اعرفلي بس قلب يكون وافي واصيل والية اميل واكتب بدمع العين شعري ع الورق واهدايها كل كلمة واه جوايا بتتخلق اكتب يا عين واكتب ياليل واغزل معاني اسمها بخفة المعني الجميل بخفة الضل الاصيل وبخفة النظرة لعين اهواها حتي بدمعها اهوي لها واهوي بها وببال طويل انقل مشاعر جنسنا ليكم هنا بس تقولولي اية رايكم القي هنا طيب ياناس ولا الم هدومي واركب اول مكروباص

[ويبقى الأثر]

ميكروباص الحب
عنوان غريب
جواه سواق تايه غريب وف قلبه حيره
بيدور على الحب يطمنه
ياترى هيلاقيه ؟ ولا هتطول رحلته
دور حواليك شوف صدقك جوه قلبك حبك راح تلاقيه

استاذنا القدير جراح
اسعدنى التجوال بين عبير حرفك الراقى
بساتين شكر وتقدير

[Lamees]

دور كتير اكيد في يوم
هتلاقي دليل
لحب يمكن يظهر يميل
وقتها يمكن تصبح أسير

اخي الفاضل
عجبتني اوي الفكرة
وتعبيرك عنا بلغتنا الجميلة
ابدعت واكثر
كنت هنا
روني

[Anosha]

واكتب بدمع العين شعري ع الورق
واهدايها كل كلمة واه جوايا بتتخلق
اكتب يا عين واكتب ياليل



كلمات جميله اووووي تسلم الايادي

[جـــــراح المشــاعر]

كل الشكر لمن مر علي احروفي
وعلي كلماتي البسيطة
لا اجد من الكلمات ما يساوي
احرفك الفياضة الطيبة المليئة بالحب والرقي
بارك ربي فيكم ولكم

[العاشق الذى لم يتب]

الغالى أوى وحبيب قلبى أيمن
ميكروباص الحب بتاعك مليان جراح مشاعر
وجراح قلوب
ركابه ألام وهموم وشكوى وأنين ووجع
أتمنى أن لاتكون سائقه
أفرحك الله وأذهب أوجاعك
وآتاك بمن تمحو آثار الأنين وتطفئ احنين
تقبل تحياتى وودى
أخوك رفعت